Sistema Elettronika għall-Offerti
Il-partijiet interessati jistgħu jaċċessaw id-dokumentazzjoni rilevanti u jipparteċipaw fi proċeduri ta’ akkwist li jitwettqu permezz tas-sistema elettronika ta’ sejħiet għall-offerti tal-BĊE.
Idħol fis-Sistema elettronika għall-offerti
Inti mistieden/mistiedna wkoll iżżur Il-Ġurnal Uffiċjali tal-UE jew il-websajt tal-akkwisti tal-BĊE fejn jiġu ppubblikati l-Offerti Pubbliċi u opportunitajiet ta' akkwist.
Kif tuża s-Sistema elettronika għall-offerti
- Kif toħloq kont fin-Network tan-Negozju*
- Kif tikkonfigura l-kont tan-Network tan-Negozju*
- Kif toħloq utenti/kuntatti fil-kont tan-Network tan-Negozju*
- Kif tirrisettja l-password tiegħek*
- Tweġiba għal RFIs*
- Tweġiba għal RFPs*
- Parteċipazzjoni f’Avvenimenti*
*Gwidi żviluppati mill-fornitur tan-Network tan-Negozju. F’każ ta’ mistoqsijiet, jekk jogħġbok ikkuntattja lill-fornitur tan-Network tan-Negozju. Għal informazzjoni dwar kif tikkuntattja lill-fornitur, jekk jogħġbok irreferi għall-kapitolu Appoġġ Tekniku hawn taħt.
Appoġġ tekniku
Jekk ikollok bżonn ta’ xi għajnuna meta tuża s-sistema, jekk jogħġbok ikklikkja l-ikona tal-punt interrrogattiv fuq is-sit web li ġej biex taċċessa ċ-Ċentru ta’ Għajnuna tal-fornitur tan-Network tan-Negozju.
Jekk jogħġbok innota li min jagħmel offerta għandu r-responsabbiltà li jiżgura li l-konnessjoni tal-internet u t-tagħmir tiegħu jiffunzjonaw sew u li s-settings tal-brawżer huma korretti. Il-BĊE m'għandux kontroll fuq dawn il-kundizzjonijiet esterni. Jekk jogħġbok ikkuntattja lill-assistent/amministratur tal-IT tiegħek biex taġġorna s-sistema tiegħek jekk għandek xi problema relatata mar-rekwiżiti minimi tas-sistema.
- Brawżers appoġġjati
-
Microsoft Edge, Google Chrome, Mozilla Firefox u Safari jappoġġjaw il-funzjonalitajiet tas-sistema elettronika ta' sejħiet għall-offerti tal-BĊE. Għal aktar informazzjoni, jekk jogħġbok segwi l-link.
M’għandhomx jintużaw brawżers oħrajn billi m’humiex appoġġjati.
Idħol fin-Network tan-Negozju jekk diġà għandek kont. Iċċekkja jekk tistax taċċessa offerti ppubblikati mill-BĊE li tixtieq tipparteċipa fihom (ara l-kapitolu “Aċċessa s-sistema elettronika ta’ sejħiet għall-offerti” hawn fuq). Ivverifika jekk tistax tara d-dokumentazzjoni meħtieġa kif ukoll taqsima fejn tippreżenta l-offerta tiegħek.
Aktar dettalji jistgħu jinstabu fil-gwida intitolata Tweġiba għall-offerti. Is-sistema tiegħek tista’ ma tissodisfax ir-rekwiżiti minimi jekk:
- id-dehra tal-interfaċċa tal-utent hija differenti mill-iscreenshots li jidhru fil-gwidi għall-utenti; jew
- it-tieqa biex ittella' l-hemżiet ma tinfetaħx.
Jekk jogħġbok ikkuntattja lill-assistent/amministratur tal-IT tiegħek jekk għandek problemi fis-sistema tiegħek. Inkella, ikklikkja fuq l-ikona tal-punt interrogattiv fuq is-sit web li ġej biex taċċessa ċ-Ċentru ta’ Għajnuna tal-fornitur tan-Network tan-Negozju.
Passi importanti għas-sottomissjoni
- Irreġistra l-persuni ta’ kuntatt ta’ riżerva
L-offerenti jridu jirreġistraw mill-inqas persuna ta’ kuntatt ta’ riżerva waħda fis-sistema biex jiżguraw li xi ħadd dejjem ikun jista’ jaċċessa l-offerta u l-komunikazzjoni, meta jkun meħtieġ. Biex issir taf kif toħloq il-kont ta’ kuntatt ta' riżerva, irreferi għall-gwida tan-Network tan-Negozju. B’mod partikolari, tista’ ssib informazzjoni rilevanti fil-video intitolat Kif toħloq l-utenti
- Tistenniex sal-aħħar minuta
Ibgħat id-dokumenti tiegħek ferm qabel l-iskadenza għall-akkwist rispettiv biex tippermetti biżżejjed żmien għall-appoġġ tekniku, jekk ikun meħtieġ. Iż-żmien li tieħu biex tiffinalizza s-sottomissjoni tiegħek u biex jittellgħu d-dokumenti kollha jista’ jvarja konsiderevolment skont il-brawżer tiegħek, il-konnessjoni tal-internet tiegħek u d-daqs tal-fajls tiegħek (massimu 100 MB kull fajl).
- Ftakar li għandek tissottometti t-tweġiba / il-proposta tiegħek
It-tweġiba tiegħek tiġi sottomessa b’suċċess biss jekk tikklikkja fuq “Issottometti t-Tweġiba Sħiħa” sal-iskadenza. Is-sistema tagħlaq l-akkwist rilevanti awtomatikament ladarba tkun għaddiet l-iskadenza, anki jekk is-sottomissjonijiet ikunu għadhom qed jiġu editjati. Il-BĊE ma huwa se jikkunsidra l-ebda tweġiba sottomessa wara l-iskadenza. Għandek tara wkoll il-messaġġ li ġej mas-sottomissjoni: "Issottomettejt tweġiba għal dan l-avveniment. Grazzi tal-parteċipazzjoni tiegħek."
- Erġa’ ċċekkja l-avvenimenti tiegħek wara s-sottomissjoni
Erġa’ aċċessa s-sistema elettronika ta’ sejħiet għall-offerti tal-BĊE wara li tkun issottomettejt it-tweġiba tiegħek biex tivverifika jekk il-kontenut huwiex komplut, u li l-istatus ta’ parteċipazzjoni huwa ssettjat għal “Iva”. Nagħtuk il-parir li tieħu screenshot tal-hemżiet mtellgħin tiegħek bħala prova tas-sottomissjoni f’każ ta’ problemi fis-sistema.
Dikjarazzjoni ta' privatezza
Ċaħda ta' responsabbiltà
Il-BĊE mhuwiex obbligat jagħti kuntratt bħala riżultat ta’ reġistrazzjoni ta’ fornitur fis-Sistema Elettronika tal-BĊE għall-Offerti jew parteċipazzjoni fi proċedura ta’ offerti.
Informazzjoni importanti għall-fornituri li jipparteċipaw fi proċeduri ta’ sejħiet għall-offerti li għaddejjin imnedija qabel il-15 ta’ Ottubru 2024
Is-sistema l-antika ta’ sejħiet għall-offerti elettroniċi tal-BĊE se tiġi dekummissjonata fi tmiem l-2024.
Sabiex taċċessa l-proċeduri ta’ sejħiet għall-offerti mwettqa fis-sistema elettronika ta’ sejħiet għall-offerti l-antika tal-BĊE, jekk jogħġbok uża l-link ta’ hawn taħt biex tilloggja:
Kif tuża s-sistema elettronika għall-offerti
- Kif tirreġistra
- Kif tisottometti offerta/risposta għal proċedura ta' akkwist
- Kif tibdel il-password tiegħek
- Kif timmaniġġja l-kont tiegħek bħala fornitur
Jekk ikollok bżonn ta’ xi għajnuna meta tuża s-sistema, jekk jogħġbok ikkuntattja lit-tim ta' appoġġ tekniku tal-BĊE fuq sourcing.support@ecb.europa.eu.
It-talbiet normalment jiġu ttrattati fi żmien 1-3 ijiem xogħol. Il-ħinijiet għall-għajnuna huma mit-Tnejn sal-Ġimgħa mit-08:30 sal-17:30 ħin ta’ Frankfurt, minbarra fil-vaganzi pubbliċi tal-BĊE.