Hastiin Leiw Éíwiksson

Hastiin Leiw Éíwiksson (Tin Dineʼé Bizaad Sání bikʼehgo: "Leifr Eiríksson"), ~970 yę́ędą́ą́ʼ bidizhchį́, éí Tin Kéyahdę́ę́ʼ tsin naaʼeeł yee chʼaa naagháhígíí ńtʼę́ę́ʼ.

Tin Dineʼé Bahaneʼ bikʼehgo hastiin Éíwiksson éí kéyah dah siʼánígíí yikáaʼgi naayáago bilagáana áłtséhígíí nilį́į́ ńtʼę́ę́ʼ jiní; díí éí Hastiin Christopher Columbus tʼah bitséedi. Bizhéʼé éí Éíwik Łichííʼígíí wolyéé ńtʼę́ę́ʼ áádóó bizhéʼé éí Haʼaʼaahjí Hakʼaz Dineʼé Bikéyahgóó tsin naaʼeeł yee chʼaa naayá jiní. Leiw Éíwiksson éí áádę́ę́ʼ "kéyah ániidígóó" tónteel tséʼnaa niʼníłʼééł, áádóó díí kéyah "Vinland" ("Chʼil naʼatłʼoʼii bikéyah") aníigo yózhí. "Vinland" éí Haʼaʼaahjí Deeteel Bikéyah siʼą́ą́ ńtʼę́ę́ʼ jiní.

Hastiin Leiw Éíwiksson éí Tin Kéyahdę́ę́ʼ *"Vinland"* hoolyéejįʼ tónteel tséʼnaa niʼníłʼééł jiní; díí éí *Tin Dineʼé Bahaneʼ* bikʼehgo.

Nááná Tin Dineʼé Bahaneʼ éí "Vinland" hoolyéedi kéédahatʼínígíí (bitsįʼ yishtłizhii) yaa halneʼ ałdóʼ. Hastiin Leiw Éíwiksson éí "Skraelingar" aníigo yózhí; díí saadígíí éí "biʼééʼ naaldlooshii bikágí bitsʼą́ą́ʼdę́ę́ʼ ádaalyaa" óolyéé shį́į́ ("Vinland" hoolyéedi kéédahatʼínígíí biʼééʼ doo aghaaʼ bitsʼą́ą́ʼdę́ę́ʼ ádaalyaa da).