Mofa'aukhu

Mofa'aukhu ma fa'aukhu zi samösa niha, ya'ia da'ö; suhu ma zau-zau mbotonia irugi ba zi 37 °C ma tola töra nifa'aso sambua wökhö zi fakhai ba peradangan. Ba Danö Niha, fa'aukhu andre, tenga fökhö sawena, hiza no i'oroi meföna no laila niha. Hiza ba da'ö oi tumbu ngawalö zöndra zifakhai ba wökhö andrö. Itaria lamane, anakhö-nakhö. Fehede da'a laŵa'ö ia ba ndraono sofa'aukhu. Na ba niha satua oya manö zöndra niha meföna si no oi la'ila niha, so laŵa'ö sitesafo, irugi dalu-dalunia, la'alui mbulu ndru'u, so ni badu, ba so göi ni tangi (la rino mbulu ndru'u, ba lasauni zofa'aukhu). Na molo'ö fangi'ila ba wa'atua-tua, sindruhunia niha sofa'aukhu, sambua dandra wa do safusi ma sel darah putih mohalöŵö ia ba wolaŵa tungö si so ba mboto niha. Iraono salaŵa fa'aukhu ba tola agakandro duturu gahe faoma tuturu danga. Ba na töra atö ba zi tölu ngaluo wa'aukhu zi samösa niha, moguna la'ohe ba zamareso fökhö, ma so khönia zifakhai ba malaria nifa'aso ndri ma tungö tanöbö'ö. Lala ba wolaŵa fa'aukhu andrö, sito'ölönia labe'e dalu-dalu moroi khö doto simane; parasetamol mazui ibuprofen ma sifarahu ba dalu-dalu antipiretik

Fa'aukhu tebai la aombösi tödö, me ato zi no mondröi ulidanö ba wökhö andre. , Ba ginötö iada'a ba niha si so ba mbanua sebua, moguna alio möi khö doto samareso fökhö, ena'ö böi ahou. Ba oya lala si no oi lafalua niha ba wangadogo-dogo fa'aukhu, simane; labasöi nukha-nukha ba labe'e gamaudu gangango zofa'aukhu, baero da'ö na mondri ba böi mangoguna'ö idanö sokafu, la rino nidanö ba la'emondrisi faoma idanö saukhu, ba tatu manö sa'ae lala salio na möi ba khö zamareso fökhö ena'ö labadu dalu-dalu.

Samösa niha sorasoi fa'alaŵa wa'aukhu suhu mbotonia, tandra-tandra si tola mu'ila simane; ahele böböi, motetaru mbörö mbu ma mogikhi, afökhö högö, oi mu'ötö-ötö ndroto-ndroto, tebai manga, alio aukhu, ambö mamadu idanö, ba tanöbö'önia nasa.^[1] Sofökhö faukhu andre hegöi sofökhö tanöbö'ö, lö raso-raso gö na manga ia. Asese laŵa'ö lamane, afeto mbawa.

Iraono sawuyu si 6 waŵa ofeta 5 fakhe, itaria börö wa'alaŵa wa'aukhu, ba tola agakandro, ba fawea-wea. Arakhagö fefu ndraono oi no irai larasoi wökhö da'a, töra-töra ba ndröfi si döfi.

1. ↑ KlikDokter.Com, "(HNS/AYU)" 18 Maret 2022 , ''Demam'', https://www.klikdokter.com/penyakit/demam mufaigi me 18 mbaŵa si önö 2022