ಜರೊ

ಜ್ವರೊಟ್ಟು ಮಸ್ತ್ ವಿಧೊಕುಲು ಉಂಡು. ಶೀತ ಜ್ವರ, ಮಲೇರಿಯಾ, ದೆಂಗ್ಯು, ಕೊಲೆರಾ, ಟೈಫಾಯ್ಡ್, ಮಂಜಲ್ ಸೀಕ್, ಎಬೋಲಾ-ಉಂದು ಪೂರ ಜರತ್ತ ವಿಧಕ್ಲು.

ಬ್ಯಾಕ್ಟೀರಿಯಾ ಪನ್ಪುನ ಕೀಟಾಣುದ ಸೋಂಕುರ್ದಾತ್ರ ಬರ್ಪುನ ಜ್ವರಕುಲೆಟ್ಟ್ ಟೈಫಾಯ್ಡ್ ಜ್ವರಲಾ ಒಂಜಿ.ಉಂದು ಜ್ವರ ಸಾಲ್ಮೊನೆಲ್ಲಾ ಟೈಫಿ ಪನ್ಪುನ ಒಂಜಿ ಬ್ಯಾಕ್ಟೀರಿಯಾರ್ದಾತ್ರ ಬರ್ಪುನು.^[೧] ಧೂಳು ದಿಂಜಿನ ಸಾದಿ ಬರಿತ್ತ ತಿನ್ಯೆರೆ ತಿಂದ್ಂಡ ಉಂದು ಕೀಟಾಣು ನರಮಾನ್ಯನ ಕರ್‌ಲ್‍ನ್ ಸೇರುಂಡು.ಐತ್ತ ದೇಹೊರ್ದು ಉತ್ಪತ್ತಿ ಆಪುನ 'ಒ' ಬೊಕ್ಕ 'ಎಚ್' ವಿಷೊಲು ಜ್ವರ ಬರ್ಪುನಲ್ಕ ಮನ್ಪುಂಡು. ಕರ್‍ಲ್‍ನ್ ಸೇರಿನ ಕ್ರಿಮಿಲು ವಂಶ ಅಭಿವೃದ್ಧಿ ಆಯಿನೆರ್ದ್ ಬೊಕ್ಕ ಕರ್‍ಲ್‍ಡಿತ್ತಿನ ದುಗ್ಧರಸ ನಾಳದ ಮೂಲಕ ಅಂಚೆನೆ ನೆತ್ತೆರ್‍ದ ಮೂಲಕ ಇಡೀ ದೇಹೊನು ಸೇರುಂಡು.ಪಿತ್ತಕೋಶೊನು ಸೇರುಂಡು.ಪಿತ್ತರಸದ ಮೂಲಕ ಪಿರ ಪಿರ ಕರ್‍ಲ್‍ನ್ ಸೇರುಂಡು.ನೆತ್ತ ಪರಿಣಾಮ ನರಮಾನ್ಯಗ್ ರಕ್ತಸ್ರಾವ ಆವು.ಅಂಚೆನೆ ಮಿದುಳು ಪೊರೆ ಉರಿಯೂತಲಾ ಆವು.

• ಉಂದು ರೋಗ ಜಾಸ್ತಿ ೫ರ್ದ್ ೨೫ ವರ್ಷದ ನಡುತ್ತ ಜೋಕ್ಲೆಗ್ ಅಂಚೆನೆ ಜವನ್ಯೆರೆಗ್ ಆಪುಂಡು.
• ಜ್ವರ ಒಂಜಿ ವಾರ ಉಪ್ಪುಂಡು.ಲೆಂಚಿದ ಮುಟ್ಟುದಲ್ಕ ಜ್ವರ ದಿನೊರ್ದು ದಿನಕ್ಕ್ ಏರೋಂದು ಪೋಪುಂಡು.
• ಕೆಲವೆರೆಗ್ ಪಚ್ಚೆ ಬಣ್ಣದ ಭೇಧಿಲಾ ಆಪುಂಡು.
• ಉಂದು ಕಾಯಿಲೆ ಉಂಡು ಪಂದ್ ಗೊತ್ತಾಯೆರೆ ವೈಡಾಲ್ ನೆತ್ತೆರ್ ಪರೀಕ್ಷೆ ಮನ್ಪೊಡು.ಐರ್ದ್ ಬೊಕ್ಕ ಸೂಕ್ತ ಮರ್ದ್ ದೆತೋನುಂಡ ಕಾಯಿಲೆ ಗುಣ ಆಪುಂಡು.