2024
| Historio > yarcento |
| Yarcenti: |
| 20ma21ma22ma
|
| Yardeki: 2000a • 2010a • 2020a • 2030a • 2040a |
| Yari: 2001 • 2002 • 2003 • 2004 • 2005 |
La yaro 2024 (MMXXIV per Romala algarismi) esas bisextila yaro komencinta ye lundio segun Gregoriala kalendario. Ol esas la 24ma yaro de la triesma yarmilo, la 24ma yaro de la 21ma yarcento, e la 5ma yaro de la yari 2020a.
Dum la komenco di ca yaro, l'invado di Ukraina da Rusia, la Milito en Sudan, l'interna milito di Myanmar e la Milito Israel-Hamas duris. Dum la yaro, cirkume 76 landi, qui habitesas da preske 4 miliard individui, havos nacional o regional elekti.
Klimato ed ambiento en 2024
L'efekti di klimatala modifikuri, nome globala varmesko, intensigesis en multa loki en 2024. En januaro, duris l'efekti di la sikeso che Amazoniana regiono di Brazilia. Plu kam 630 mil personi afektesis en 2023[1]. On previdis ke natural inundadi yarala di Amazoniana riveri esus min intensa kam la mezavalora serio historiala, od admaxime egaleskus ol dum la pluvoza sezono. Altralatere, l'efekti di la sika sezono en la regiono esus plu grava en 2024 kam en 2023[2]. Fakte, ca previdado konfirmesis en agosto ed en septembro. Ank en januaro komencis serioza sikeso en Zambia, qua efektigis skarseso di nutrivi ed aquo e judikesis kom la maxim serioza en du yardeki. Prezidanto Hakainde Hichilema deklaris nacionala dizastro ye la 29ma di februaro[3]. La sikeso afektis 84 ek la 116 distrikti di la lando. Plu kam 1 milion pueri afektesis.
Ye la 6ma di marto komencis serio di inundadi en Pakistan ed Afganistan, qui produktis 839 morti, 2154 plusa homi vundita e 40 altri desaparinta til la 16ma di julio. Violentoza pluvegi printempala kontrastis kun exajere sika vintro; sika suli ne absorbis l'aquo efikive, do l'efekti di pluvegi divenis plu grava. En aprilo, eventis neexpektita pluvego sur Oman ed Unionita Araba Emirii - UAE. Dum 24 hori, pluvis 254,8 milimetri - to esis la mezavalora pluvo-quanto expektata por UAE dum la tota yaro[4]. Segun la meteorologiala centro di la lando, ol esis la maxim intensa pluvego enrejistrita dum 75 yari. En Oman, adminime 19 personi mortis pro la pluvegi[4]. En estal Afrika, ciklono Hidaya formacesis ye la 30ma di aprilo proxim Seycheli. Ol frapis Tanzania per venti di plu kam 120 km/h ye la 3ma di mayo[5]. Malgre ne efektigar grandega destruktado, ol esis la 3ma e la maxim intensa ciklono qua frapis la regiono dum la historio.
En aprilo, mayo e junio, ank eventis forta pluvegi en Braziliana stato Rio Grande do Sul, nome en la centro e la nordo dil stato. Urbo Santa Maria recevis pluvo-quanto di 436,2 milimetri dum quar dii - triople la quanto expektata por la monato, to esas, 140 mm[6]. Segun statistiki publikigita ye la 5ma di mayo, 334 ek la 497 urbi di Rio Grande do Sul afektesis da pluvegi, qui produktabis til lore 75 morti ed afektabis 781 mil personi[7]. Weste del stato, che urbo Porto Xavier, an la frontiero kun Arjentinia, fluvio Uruguay atingis 10 metri super lua mezavalora nivelo[8]. Samatempe, sikeso ed alta temperaturi frapas diversa regioni che norda misfero. En India, 60 personi mortabis de marto til mayo pro l'alta temperaturi[9], ed en Bangladesh omna skoli decidis suspensar docado pro l'alta temperaturi, qui atingis 40°C e mem 42°C omnadie. La pluvo-quanto dum musonala sezono esis infre la mezavaloro di antea yari, e to afektis la produktado di grani di la lando[9]. En Chinia, severa sikeso afektis nordala provinci, samatempe kam pluvegi ed inundadi frapas la sudo di la lando,[10] nome provinci Zhejiang, Fujian, Jiangxi, Hunan, Guangxi, e Guizhou. Norde de la lando, enrejistresis 40,2°C che urbo Fenyang, lokala rekordo por monato junio.[10] En aprilo, Chiniana Ministerio pri Agrokultivo enrejistris augmento di pluvo-quanto per 50% til 80% en kelka regioni sude de la lando[10].
En junio, meteorologiisti anuncis ke somerala varmeso komencis frue en Europa. En centrala e sudala Grekia, enrejistresis 43°C dum la duesma semano di junio. En Turkia, temperaturi superirabas per 8°C e mem per 12°C la mezavalora temperaturo expektata por la monato.[11] Ank en marto komencis serio di kaloro-ondi en Nordal e Central Amerika, duranta til somero, e produktanta serio di rekordi di temperaturi: ye la 25ma di mayo, enrejistresis 34,7°C che urbo México; ye la 26ma di mayo enrejistresis 48°C che urbo San Juan Bautista Valle Nacional, Mexikia, e 44,4°C che urbo Del Rio, Texas. Ye la 20ma di junio enrejistresis 52°C che urbeto Tepache, stato Sonora, Mexikia. Til la fino di junio plu kam 248 personi mortis pro l'alta temperaturi, de qui plu kam 93 en Usa e plu kam 155 en Mexikia.
En marto, ambientalisti* previdis ke Braziliana regiono Pantanal subisus lua maxim serioza sikeso de sua historio[12]. Segun mezuradi facita dum l'unesma 4 monati del yaro, la nivelo di fluvio Paraguay esis 68% min alta kam la mezavalora expekto por ca epoko.[13] Pro l'intensa sikeso, til la 9ma di julio forestala incendii destruktabis 760 mil hektari de la vejetantaro di ca biomo*.
Che norda misfero, uragano Deryl formacesis ye la 28ma di junio e disipis ye la 11ma di julio. Klasifikita kom "kategorio 5" (la maxim forta) kande ol eniris Karibia, kun venti qui atingis 270 km/h, Deryl frapis Barbados, Grenada, Trinidad e Tobago, la nordo di Venezuela, Insuli Kaiman, Belize, peninsulo Yukatan, Usa (nome Texas, Louisiana e la valo di rivero Ohio) til Kanada, e produktis 64 morti e 6,2 miliard dolari en domaji. Ol esis la maxim forta uragano historiale enrejistrita dum la komenco di julio. Che Pacifiko, tifono Gaemi, anke konocata kom "super tifono Carina", frapis Taiwan, estal Chinia e Filipini. Olua venti atingis 230 km/h. Til la 26ma di julio, ol produktabis plu kam 43 morti, plu kam 880 plusa homi vundita e plu kam 80 altri desaparinta.
Ye la fino di julio komencis pluvegi en Sudan, qui efektigis granda inundadi e produktis plu kam 68 morti ed afektis adminime 17 mil plusa homi[14]. Plu kam 12 mil domi destruktesis o domajesis. To plumaleskis la humanala situaciono en la lando, ja severe afektita da interna milito. Ye la 24ma di agosto, aquobarilo Arbaat krulis, e la morto-statistiko augmentis til adminime 148 personi. Violentoza pluvegi ank afektis tota central e westal Afrika: segun raporto dal Unionita Nacioni, plu kam 716 mil personi afektesis e plu kam 62 mil domi destruktesis o domajesis en Centrafrika, Chad, Ivora Rivo, Demokratial Republiko Kongo, Liberia, Mali, Nigeria, Nijer e Togo[15]. En la nordo di Chad, pluvegi produktabis adminime 54 morti, e granda destruktado.[16] La pluvego duris, ed ye la 10ma di septembro, aquobarilo Alau krulis, e centi di mili di personi mustis evakuesar.[17]
En Sud-Amerika, granda incendii en la norda regiono di Brazilia dum la monato agosto afektis cirkume 540 mil habitanti dil urbo Porto Velho. Braziliana guvernerio sendis 1500 fairogardisti por kombatar diversa incendii, qui expansas pro la sikeso.[18] La sikeso en la norda regiono di la lando afektas la pesko e la navigado en riveri di la regiono. Omna 62 urbi di Amazonas deklaris urjanteso-stando pro la sikeso e l'incendii[19]. La sikeso e l'incendii ank afektis stati di Centro-westala regiono ed altri, exemple Ceará, Minas Gerais, Sao Paulo e Rio de Janeiro. Che urbo Ribeirão Preto, skoli suspensis funcionado pro la granda quanto di fuligino produktita dum rurala incendii. La fumo di la brulado kovris multa urbi dum monato septembro, exemple Sao Paulo e Fortaleza,[20]. Ye la 26ma di agosto, 60 urbi en Ceará havis incendii en vejetantaro, exemple Icó, Sobral, Itaitinga, Maracanaú ed Ubajara. La quanto di incendii en la stato esis la maxim granda depos 2018[21]. Segun raporto publikigita ye la 9ma di septembro, 59% ek la surfaco di Brazilia subisis l'efekti di sika vetero[22]. Ye la 13ma di septembro stato Sao Paulo havis 1752 loki kun incendii, quarople la quanto enrejistrita dum septembro 2023[23]. Segun INPE, Braziliana instituto por kosmala inquesti, 71,9% de tota forestala incendii di Sud-Amerika enrejistrita til la 14ma di septembro eventis en Brazilia[24]. La maxim multa incendii en Brazilia eventis pro homal agado, exemple por eliminar sika vejetantaro ante plantaco[24]. Del incendii en Brazilia, 49% eventis che biomo* Amazonia, 30% che biomo cerrado, 13,2% che Atlantika foresto, 5,4% che biomo* Pantanal, ed 1,9% che biomo* caatinga[24]. En Peru, prezidantino Dina Boluarte deklaris urjanteso-stando en tri regioni ye la 18ma di septembro, pos ke 16 personi mortis, e fairi minacis kultivi.[25] En Equador, la sikeso faciligis la propago di forestal incendii, qui afektis plu kam 20 mil hektari di foresti. L'alta temperaturi di la sezono desfaciligas kombatar la fairi, nome en montoza regioni[26].
En septembro eventis la maxim serioza pluvegi ed inundadi en central ed estal Europa en 30 yari, qui produktabis adminime 26 morti e 11 plusa homi desaparinta til la 20ma di septembro[27]. Pluvegi afektis Austria, Chekia, Germania, Hungaria, Italia, Moldova, Polonia, Rumania e Slovakia. Adminime 250 mil domi afektesis, la maxim multa en Chekia. En 5 dii, pluvis plu kam 500 mm en Lipová-lázně, vilajo distanta 235 km de Praha[28]. Ank en semptembro, tifono Yagi frapis Myanmar, ed efektigis pluvegi ed inundadi qui produktis adminime 113 morti til la 15ma di septembro.[29] En central e westal Afrika, inundadi produktabis plu kam 1000 morti e diplasis centi di mili di homi til la 20ma di septembro.[30] En India, Bangladesh e Nepal anke duras eventar musonal inundadi dum septembro. Che Indiana stato Bihar, adminime 46 personi, la maxim multa pueri, mortis dronita en riveri pos inundado ye la 26ma di septembro, dum festivalo Jivitputrika. Ye la sama dio, pluvis 275 mm en Mumbai, produktanta adminime 4 morti[31]. En Nepal, adminime 38 personi mortas e 29 desaparis inter la 27ma e la 28ma di septembro. La destrukti pro musonal inundadi en la lando augmentabas multe dum recenta yari.
Ye la 27ma di septembro, uragano Helene frapis Usana stati Florida, Georgia, Sudal Karolina e Tennessee per venti qui atingis 225 km/h, atinginta "kategorio 4" che skalo Saffir-Simpson. Lua morto-statistiko til la 28ma di septembro esis 44 homi, de qui 28 en Sudal Karolina e 21 en Georgia.[32] Ye la 5ma di oktobro, uragano Milton formacesis sur gulfo di Mexikia, e du dii pose ol atingis "kategorio 5" che skalo Saffir-Simpson, kun venti qui atingis 285 km/h. Ante ke ol frapis Florida ye la 10ma di oktobro, diversa tornadi frapis la stato. Milton atingis Florida kom uragano kategorio 3 ye la 10ma di oktobro. Ol produktis adminime 16 morti en Florida e 2 morti en Mexikia.
Eventi
- 1ma di januaro - Egiptia, Etiopia, Iran, Saudi-Arabia ed Unionita Araba Emirii membreskas BRICS.[33]
- 1ma di januaro - Ter-tremo kun forteso 7,6 che skalo di Richter frapas la centro e la nordo di Japonia, e produktas plu kam 100 morti.[34]
- 1ma di januaro - Etiopia anuncas pakto kun Somalilando pri uzo dil portuo di Berbera, e divenos l'unesma lando agnoskanta la nedependo di ca regiono.[35]
- 1ma di januaro - Pos kapitulaco, Republiko Arcah oficale cesas existar, segun dekreto dal prezidanto Samvel Shahramanyan, e la regiono durigas apartenar ad Azerbaijan.
- 2ma di januaro - En Japonia, aviono Airbus A350 de kompanio Japan Airlines kolizionas kontre aviono di rivala patroliado che aeroportuo Haneda, Tokyo, ed incendias komplete. Omna 379 pasajeri e kruani del Airbus sucesas eskapar de flami, tamen 5 kruani de patrolio-aviono mortas.[36]
- 3ma di januaro - Duopla atako per bombo en Kerman, Iran, dum ceremonio por rimemorigar l'asasino di generalo Qasem Soleimani eventinta en 2020, produktas 84 morti.[37]
- 4ma di januaro - Rusa prezidanto Vladimir Putin lansas dekreto qua grantas Rusa civitaneso a stranjeri qui luktas alonge Rusa armeo kontre Ukrainani, e lia familii.
- 7ma di januaro - En Bangladesh eventas parlamental elekti, kun la partopreno di nur 41,8% ek l'individui apta a votar. Partiso Ligo Awami de chefministrino Sheikh Hasina Wazed vinkas 222 ek la 300 sidili del parlamento.
- 8ma di januaro - Usa lansas kosmoprobilo Peregrine Mission One vers la Luno. To esas l'unesma lunala misiono depos olta di programo Apollo.
- 8ma di januaro - Invado di Ukraina da Rusia: Rusia lansas atako kun 38 fuzei e senpilotist aviacili kontre provinci Dnipropetrovsk, Kharkiv, Khmelnytskyi e Zaporizhzhia, e produktas adminime 4 morti e 38 plusa homi vundita.
- 9ma di januaro - En Equador deklaresas urjanteso-stando pos ke drogo-komercisto José Adolfo Macías Villamar eskapas de karcero. La deklaro efektigas violentoza respondo de organizita krimino, qua lansas serio di ataki, kapto di gajo-homi, invado di televiziono-staciono en Guayaquil dum transmisado di programo, e konflikti inter policisti e kriministi. La situaciono plumaleskas, e prezidanto Daniel Noboa dekretas ke 22 kriminal organizuri esas terorista organizuri.
- 13ma di januaro - Terglitado en El Carmen de Atrato, Kolumbia, produktas 34 morti e vundas adminime 35 plusa homi.
- 14ma di januaro - Rejino Margrethe la 2ma abdikas la krono di Dania kande el kompleteskas 52-yara regno. Elua filiulo Frederik asumas la krono kom Frederik la 10ma di Dania[38].
- 15ma di januaro - Bernardo Arévalo divenas prezidanto di Guatemala.
- 15ma di januaro - Nauru establisas diplomacala relati kun Popul-Republiko Chinia e revokas lua agnosko di Republiko Chinia.
- 19ma di januaro - Japoniana kosmoprobilo SLIM sucese terovenas sur lunala surfaco.
- 22ma di januaro - En India, Hindua templo inauguresas en Ayodhya, Uttar Pradesh, ube ante existis moskeo Babri Masjid, demolisita en 1992 da turbo di Hindua nacionalisti.
- 23ma di januaro - Ter-tremo kun forteso 7.1 che skalo di Richter frapas komtio Uqturpan, Xinjiang, Popul-Republiko Chinia, produktas 3 morti e 5 plusa homi vundita.
- 23ma di januaro - Invado di Ukraina da Rusia: adminime 18 civili mortas e cirkume 130 plusa homi vundesas pro ataki per fuzei Rusa kontre Kyiv e Kharkiv.
- 24ma di januaro - Invado di Ukraina da Rusia: Ukraina abatas aviono Ilyushin Il-76 Rusa transportanta 65 enkarcerigita soldati Ukrainana, 6 kruani e 3 altra individui. Omna 76 personi en nave mortas.[39]
- 3ma di februaro - Chili deklaras urjanteso-stando pos ke adminime 51 personi mortis e centi de altri reportesis desaparinta dum granda incendii, proxim Valparaíso e Viña del Mar. Plu kam 1100 konstrukturi esas destruktita.
- 3ma di februaro - Senpilotist aviacili de Ukraina atakas petrolo-refinerio en provinco Volgograd, Rusia.
- 6ma di februaro - Ter-glitado en Maco, Davao de Oro, Filipini, produktas adminime 54 morti, e 63 plusa homi desaparinta.[40]
- 6ma di februaro - En Mogadishu, Somalia, 10 personi mortas e cirkume 20 plusa homi vundesas kande 4 bombi explozas che merkato Bakara, la maxim granda dil urbo.[41]
- 11ma di februaro - En Finlando, ex-chefministro Alexander Stubb vinkas prezidantal elekto.
- 21ma di februaro - Invado di Ukraina da Rusia: Adminime 60 Rusa soldati mortas dum aeral atako en loko por entreno di trupi en Donetsk.[42]
- 29ma di februaro - Adminime 112 personi mortas e centi de plusa homi vundesas kande Israelan armeo pafas kontre grupo vartanta nutrivi en Gaza[43].
- 2ma di marto - Invado di Ukraina da Rusia: 3 personi mortas e plusa 8 homi vundesas kande senpilotist aviacilo Rusa atakas apartamento en Odesa, Ukraina.
- 7ma di marto - Suedia membreskas NATO.
- 17ma di marto - Rusa prezidanto Vladimir Putin rielektesas 5esma-foye per 87% ek la voti.
- 21ma di marto - Europana Konsilistaro konkordas pri diskutar membresko di Bosnia e Herzegovina che Europana Uniono.
- 22ma di marto - Atako per pafado che spektaklo-domo Crocus City Hall en Moskva, Rusia, produktas adminime 137 morti e 182 plusa homi vundita.[44]
- 22ma di marto - En Nijer, adminime 23 soldati mortas, plusa 17 vundesas e 34 altri desasparas pos embusko da jihadista grupo en Teguey, regiono Tillabéri, weste de la lando. Segun militisti Nijerana, 30 jihadisti anke mortis.[45]
- 25ma di marto - Sekureso-Konsilistaro dil Unionita Nacioni aprobas apelo pri nemediata pafo-ceso en Gaza e demandanta nemediata liberigo di gajo-homi.
- 26ma di marto - Navo kolizionas kontre ponto super fluvio Patapsco en Baltimore, Maryland, Usa. La 3-kma ponto krulas, vehili falas en la fluvio, e 6 personi desaparas.[46]
- 27ma di marto - Domo di Reprezentanti di Tailando aprobas lego agnoskanta samasexua mariajo per 400 voti kontre 10.
- 28ma di marto - Ciklono Gamane frapas Madagaskar e produktas adminime 11 morti e serioza inundadi.
- 29ma di marto - Aeral atako Israelana kontre l'aeroportuo di Aleppo, Siria, mortigas 38 Siriana soldati.
- 1ma di aprilo - Israel bombardas Iranana ambasadeyo en Damaskus, mortiganta 16 personi.
- 2ma di aprilo - Fairo dum labori por rinovigo di noktoklubo en Istanbul, Turkia, produktas 29 morti ed 8 plusa homi vundita.
- 3ma di aprilo - Ter-tremo kun forteso 7,4 che skalo di Richter frapas l'esto di Taiwan.
- 5ma di aprilo - Polico di Equador invadas Mexikian ambasadeyo en Quito, por arestar ex-viceprezidanto Jorge Glas, qua recevabis politikala refujo. To violacas la konvenciono di Wien pri diplomacala relati, e Mexikia e Nikaragua ruptas relati kun Equador.
- 5ma di aprilo - Krulo dil aquobarilo Orsk, sur fluvio Ural, produktas 5 morti, ed efektigas plu kam 1,2 miliard Rubli domaji.
- 7ma di aprilo - Paromo sinkas en Mozambik, produktanta plu kam 100 morti.[47]
- 9ma di aprilo - Pos renunco di Leo Varadkar, Simon Harris divenas la maxim yuna chefministro (Taoiseach) di Republiko Irlando.
- 13ma di aprilo - Iran atakas Israel per senpilotisti aviacili, pos ke Israel bombardis Iranan ambasadeyo en Damaskus dum la komenco di la monato.
- 16ma di aprilo - Adminime 32 personi mortas pro pluvegi en la regiono di Persiana gulfo, qui efektigas rapida inundadi.[48]
- 8ma di mayo - Gordana Siljanovska-Davkova divenas l'unesma prezidantino di Norda Makedonia, pos ke centra-sinistrana partisi perdas l'elekti.[49]
- 15ma di mayo - Robert Fico, chefministro di Slovakia, subisas atento per pafo dum renkontro kun suporteri che urbo Handlová[50].
- 22ma di mayo - Norvegia, Hispania e Republiko Irlando agnoskas Palestinana stato.
- 24ma di mayo - Ter-glitado en Papua-Nova-Guinea produktas adminime 2 mil morti e cirkume 670 plusa homi desaparinta.[51]
- 2ma di junio - En Mexikia eventas prezidantal elekti, e Claudia Sheinbaum, kandidatino suportita dal prezidanto Andrés Manuel López Obrador, elektesas kom l'unesma prezidantino di la lando.
- 12ma di junio - En Kuwait-Urbo, incendio che lojeyo por exterlandana laboristi produktas 50 morti e 40 plusa homi vundita.[52]
- 24ma di junio - En Hwaseong, provinco Gyeonggi, Sud-Korea, incendio che fabrikerio di baterii ek litio produktas 22 morti e 2 plusa homi vundita.[53]
- 25ma di junio - Mili di demonstreri atakas e brulas Keniana parlamento en Nairobi, e 19 personi mortas, e 200 plusa homi vundesas. Plu kam 130 plusa homi arestesas da polico dum konflikti.[54]
- 26ma di junio - En Bolivia, militisti invadas prezidantala palaco en La Paz probanta sensucese facar stato-stroko. La komandinto di sediciva militisti, generalo Juan José Zúñiga, arestesas. Entote 12 civili vundesas e 21 militisti arestesas.[55]
- 2ma di julio - En Hathras, Uttar Pradesh, India, fugo-paniko dum religioza festo produktas 123 morti.
- 2ma di julio - En Nederlando, Dick Schoof divenas chefministro.
- 4ma di julio - Eventas parlamental elekti che Unionita Rejio. Konservemi vinkesas da Laboristi unesmafoye depos 2005 en Anglia, ed unesmafoye depos 2010 en Skotia.
- 5ma di julio - Volkani Etna e Stromboli eruptas en Italiana insulo Sicilia, e l'aeroportuo Catania-Fontarossa mustas klozesar.[56]
- 5ma di julio - Keir Starmer, de Laboristala partiso, divenas chefministro dil Unionita Rejio.
- 13ma di julio - Donald Trump subisas atento kontre ilua vivo kande diskursanta kom kandidato a prezidanteso di Usa en Butler, Pensilvania. Trump vundesas en lua dextra orelo, e l'atakero, Thomas Matthew Crooks, mortigesas da un ek la membri di Usana Sekreta Servado.[57]
- 19ma di julio - Falio en aktualigo di sekureso-programo developita da Usana kompanio CrowdStrike Inc. por Microsoft produktas disrupto en la funcionado di cirkume 8,5 milion komputatori* qui uzas funcionanta sistemo Microsoft Windows. La falio, qua kreis tale nomizita "blua skreno di la morto" afektis komputatori en aeroportui, banki, hospitali e televiziono-kanali.[58]
- 21ma di julio - Pro saneso-motivi, Joe Biden decidas renuncar lua kandidateso a rielekto por prezidanto di Usa.[59]
- 22ma di julio - Terglitadi produktas 229 morti en Geze Gofa, Etiopia.
- 26ma di julio - En Francia, kriminoza incendii afektas ferovoyala transporto, nome per treni di granda rapideso ante l'inauguro-ceremonio dil Olimpiala Ludi en Paris.
- 26ma di julio til la 18ma di agosto - Triesmafoye en la historio, Olimpiala Ludi eventas en Paris, Francia.
- 28ma di julio - En Venezuela, Nicolás Maduro deklaras sua vinko en prezidantal elekto, tamen kelka Sud-Amerikana landi ne agnoskas to. Konseque, Venezuelana guvernerio suspendas diplomacala relati kun li.
- 4ma di agosto - En Bangladesh, chefministrino Sheikh Hasina Wazed anuncas elua renunco pos intensa populala protesti.[60]
- 9ma di agosto - Aviono ATR 72 de Braziliana kompanio Voepass Linhas Aéreas falas proxim rezidal areo che municipo Vinhedo, stato Sao Paulo, e nulu ek la 62 personi en nave transvivas.[61]
- 11ma di agosto - Ukrainana prezidanto Volodimir Zelenski anuncas ke Ukrainan armeo komencabis atako che provinco Kursk, en Rusia. Ye la sama dio, Rusia anuncas ke 76 mil personi evakuesis de la regiono.[62]
- 12ma di agosto - NASA anuncas ke datumi kolektita da kosmosondilo InSight konfirmis l'existo di liquida aquo en Marso, de 10 til 20 km sub la surfaco[63].
- 15ma di agosto - Sekureso-servado di Ukraina arestas 102 militisti Rusa kom militala kaptiti, pos ke li kapitulacas[64].
- 17ma di agosto - Malgre nekompleta, Nusantara inauguresas kom chefurbo di Indonezia. La ceremonio homajanta la nedependo di la lando unesmafoye eventas en la nova chefurbo[65].
- 17ma di agosto - Milito en Sudan: En Galgani, Sudan, adminime 85 personi mortas dum kriminoza incendii e spoliado meze tumulto, pos atako da paramilitisti* de la Trupi por Rapida Atako.[66]
- 21ma di agosto - En Iran, omnibuso transportanta Pakistanana shia pilgrimanti qui iris a pilgrimo Arba'in en Karbala, Irak, kolizionas e renversas, produktanta 28 morti e 23 plusa homi vundita.[67]
- 22ma di agosto - En Shiroro, Nigeria, 13 farmisti mortigesas dum atako atribuita a grupo Boko Haram.[68]
- 28ma di agosto til la 8ma di septembro - Paralimpiala Ludi eventas en Paris.
- 29ma di agosto - Ciklono Shanshan frapas prefektio Kagoshima en Kyushu, Japonia, per venti qui atingis 215 km/h. Adminime 3 personi mortas, e plu kam 250 mil rezideyi privacesas di elektro. Toyota e Nissan suspendas produktado en fabrikerii di la regiono.
- 2ma di septembro - Supera Korto di Brazilia decidas blokusar interretala platformo X (olim Twitter) pos diversa demandi, ignorita da platformo, por removar kontenaji kalumnioza e falsa novaji, e pos ke Elon Musk refuzis indikar reprezentanto legala di la platformo en Brazilia.
- 17ma til la 18ma di septembro - Per du ciberataki*, 32 personi mortigesas e 3200 plusa homi vundesas kande mesajili e komunikili uzita da membri de Hezbollah explozas. On judikas ke la Sekreta Servado di Israel esis l'exekutanto dil ciberataki*.
- 21ma di septembro - Adminime 51 personi mortas e 20 plusa homi vundesas pro explozo en mineyo di karbono proxim Tabas, Iran[69].
- 27ma di septembro - Uragano Helena frapas Usana stati Florida, Georgia, Sudal Karolina e Tennessee per venti qui atingis 225 km/h, produktanta adminime 40 morti e lasanta plu kam 4 milion domi ed entraprezi sen elektro.[70]
- 27ma di septembro - Israelan avioni bombardas Beirut, Libano, produktanta adminime 6 morti e vundanta 91 plusa homi.[71]
- 30ma di septembro - Unionita Rejio divenas l'unesma lando de G7 qua eliminas komplete l'uzo di karbono por produktar elektro, pos 142-yar-uzo.
- 1ma di oktobro - Du Palestinani pafas kontre pediranti en Jaffa, Israel e produktas adminime 7 morti e 17 plusa homi vundita.
- 3ma di oktobro - Batelo kulbutas che lago Kivu, en Demokratial Republiko Kongo, ed adminime 78 personi dronas su.[72]
- 4ma di oktobro - Inundadi e terglitadi en Jablanica, Bosnia e Herzegovina, produktas 16 morti.[73]
- 10ma di oktobro - Adminime 10 personi mortas pro tornadi efektigita da uragano Milton en Usana stato Florida.[74]
Naski
Morti
- 1ma di januaro - Basdeo Panday, chefministro di Trinidad e Tobago (n. 1933)[75]
- 1ma di januaro - Niklaus Wirth, Suisa komputera ciencisto, kreinto di programifo-linguo Pascal (n. 1934)[76]
- 2ma di januaro - Zvi Zamir, Israelana militisto, ex-chefo di Mosad (n. 1925)
- 4ma di januaro - David Soul, Usana-Britanian aktoro e kantisto (n. 1943)
- 5ma di januaro - Mário Jorge Lobo Zagallo, Braziliana futbalisto (n. 1931)[77]
- 7ma di januaro - Franz Beckenbauer, Germana futbalisto (n. 1945)[78]
- 16ma di januaro - Alexei Navalni, Rusa politikisto e aktivisto kontre korupteso (n. 1976)
- 22ma di januaro - Arno Penzias, Usana fizikisto, Nobel-laureato (n. 1933)[79]
- 23ma di januaro - Frank Farian, Germana muzikala produktisto, kompozisto e kantisto (n. 1941)[80]
- 23ma di januaro - Melanie, Usana kantisto e kompozisto (n. 1947)
- 24ma di januaro - Carl Andre, Usana skultisto (n. 1935)
- 30ma di januaro - György Barkó, Hungara aktoro (n. 1931)
- 2ma di februaro - Oskar Negt, Germana filozofo (n. 1934)[81]
- 4ma di februaro - Hage Geingob, prezidanto e chefministro di Namibia (n. 1941)[82]
- 5ma di februaro - Dries van Agt, chefministro di Nederlando (n. 1931)
- 6ma di februaro - Sebastián Piñera, prezidanto di Chili (n. 1949)[83]
- 6ma di februaro - John Bruton, chefministro di Republiko Irlando (n. 1947)[84]
- 10ma di februaro - Edward Lowassa, chefa ministro di Tanzania (n. 1953)
- 11ma di februaro - Kelvin Kiptum, Kenian atleto (n. 1999)
- 21ma di februaro - Roger Guillemin, Franca endokrinologiisto, Nobel-laureato (n. 1924)[85]
- 23ma di februaro - Wilson Fittipaldi Júnior, Brazilian automobilisto (n. 1943)
- 28ma di februaro - Félix Aráuz, Equadorana piktisto (n. 1935)
- 28ma di februaro - Nikolai Rijkov, Rusa politikisto (n. 1929)
- 29ma di februaro - Ali Hassan Mwinyi, prezidanto di Tanzania (n. 1925)[86]
- 29ma di februaro - Brian Mulroney, chefministro di Kanada (n. 1939)[87]
- 29ma di februaro - Paolo Taviani, Italiana cinematografisto, un ek la fratuli Taviani (n. 1931)
- 1ma di marto - Iris Apfel, Usan aferisto, interior-konceptisto e vest-ikono (n. 1921)
- 1ma di marto - Akira Toriyama, Japoniana desegnisto di manga (n. 1955)
- 3ma di marto - Agbéyomé Kodjo, chefministro di Togo (n. 1954)
- 8ma di marto - Herbert Kroemer, German-Usana fizikisto, Nobel-laureato (n. 1928)
- 11ma di marto - David Mixner, Usan aktivisto pri homeosexual yuri (n. 1946)
- 13ma di marto - Marcello Gandini, Italian automobilo-desegnisto (n. 1938)
- 14ma di marto - Frans de Waal, Nederlandana biologo (n. 1948)
- 24ma di marto - Def Rhymz, Surinamana-Nederlandana rap-muzikisto (n. 1970)
- 26ma di marto - Richard Serra, Usana skultisto e videoartisto (n. 1938)
- 29ma di marto - Louis Gossett jr., Usan aktoro (n. 1936)
- 2ma di aprilo - Maryse Condé, Franca-Guadelupana skriptistino (n. 1934)
- 5ma di aprilo - Mahammed Dionne, chefministro di Senegal (n. 1959)
- 6ma di aprilo - Ziraldo Alves Pinto, Braziliana kartunisto, skriptisto, humuristo e jurnalisto (n. 1932)
- 8ma di aprilo - Peter Ware Higgs, Britaniana fizikisto, Nobel-laureato (n. 1929)
- 10ma di aprilo - O. J. Simpson, Usan aktoro e ludisto di Usana futbalo (n. 1947)
- 10ma di aprilo - Edward Lowassa, chefa ministro di Tanzania (n. 1953)
- 20ma di aprilo - Gediminas Kirkilas, chefministro di Lituania (n. 1951)[88]
- 4ma di mayo - Frank Stella, Usana piktisto e grafik-artisto (n. 1936)
- 5ma di mayo - César Luis Menotti, Arjentiniana futbalisto ed entrenisto (n. 1938)
- 6ma di mayo - Bernard Pivot, Franca jurnalisto e televiziono-prizentisto (n. 1935)
- 9ma di mayo - Roger Corman, rejisisto e film-produktisto (n. 1926)
- 13ma di mayo - Alice Munro, Kanadana skriptistino (n. 1931)
- 13ma di mayo - Lucien Lafour, Nederlandan arkitekto (n. 1942)
- 19ma di mayo - Ebrahim Raisi, Iranana shia kleriko, yuristo, politikisto ed 8ma prezidanto di Iran (n. 1960)
- 23ma di mayo - Morgan Spurlock, Usana cinematografisto (n. 1970)
- 24ma di mayo - Doug Ingle, Usana muzikisto (Iron Butterfly) (n. 1945)
- 8ma di junio - Sergei Beshukov, Rusa shakoludistulo (n. 1971)
- 9ma di junio - James Lawson, Usan aktivisto ed universitatala profesoro (n. 1928)
- 11ma di junio - Françoise Hardy, Franca kantistino ed aktorino (n. 1944)[89]
- 16ma di junio - Jodie Devos, Belga kantistino (n. 1988)
- 18ma di junio - Anouk Aimée, Franc aktorino (n. 1932)
- 18ma di junio - Stojan Andov, Makedoniana politikisto (n. 1935)
- 19ma di junio - Jan Cremer, Nederlandana skriptisto e piktisto (n. 1940)
- 1ma di julio - Ismail Kadare, Albaniana skriptisto (n. 1936)
- 6ma di julio - Pino D'Angiò, Italiana kantisto e kompozisto (n. 1952)
- 7ma di julio - Bengt Ingemar Samuelsson, Sueda biokemiisto, Nobel-laureato (n. 1934)[90]
- 11ma di julio - Shelley Duvall, Usan aktoro e film-produktisto (n. 1949)
- 12ma di julio - Bill Viola, Usan artisto (n. 1951)
- 12ma di julio - Ruth Westheimer, Usana-juda konsilisto pri sexualeso, terapiisto, aktoro e skriptisto (n. 1928)
- 13ma di julio - Shannen Doherty, Usan aktorino (n. 1971)
- 15ma di julio - Wieteke van Dort, Nederlandana kantistino ed aktorino (n. 1943)
- 19ma di julio - Nguyễn Phú Trọng, prezidanto di Vietnam (n. 1944)
- 22ma di julio - John Mayall, Britaniana kantisto, muzikisto e kompozisto (n. 1933)[91]
- 31ma di julio - Ismail Haniya, politikala duktero di Hamas (n. 1963)
- 4ma di agosto - Tsung-Dao Lee, Chinian-Usana fizikisto, Nobel-laureato (n. 1926)[92]
- 14ma di agosto - Gena Rowlands, Usan aktorino (n. 1930)
- 17ma di agosto - Silvio Santos, Brazilian entraprezisto e televiziono-prizentisto (n. 1930)[93]
- 18ma di agosto - Alain Delon, Franc aktoro (n. 1935)[94]
- 19ma di agosto - Michel Guérard, Franca koquisto (n. 1933)
- 25ma di agosto - Selim Hoss, chefministro di Libano (n. 1929)[95]
- 27ma di agosto - Juan Izquierdo, Uruguayana futbalisto (n. 1997)[96]
- 27ma di agosto - Lisette Lewin, Nederlandana skriptisto e jurnalisto (n. 1939)
- 30ma di agosto - Tuheitia Paki, rejo dil populo Maori (n. 1955)
- 5ma di septembro - Sérgio Mendes, kantisto, kompozisto e pianisto (n. 1941)
- 6ma di septembro - Pim de la Parra, Surinamana-Nederlandana cinematografisto (n. 1940)
- 9ma di septembro - James Earl Jones, Usana cinem-aktoro (n. 1931)
- 11ma di septembro - Alberto Fujimori, exprezidanto di Peru (n. 1938)[97]
- 11ma di septembro - Peter Klashorst, Nederlandana piktisto, muzikisto e fotografisto (n. 1957)
- 13ma di septembro - Michaela DePrince, Usana dansistino (n. 1995)
- 15ma di septembro - Tito Jackson, Usana kantisto (The Jacksons) (n. 1953)[98]
- 18ma di septembro - Salvatore Schillaci, Italiana futbalisto (n. 1964)
- 20ma di septembro - Ibrahim Akil, Libanana membro di Hizbola (n. 1962)
- 22ma di septembro - Fredric Jameson, Usana filozofo e literaturala kritikisto (n. 1934)
- 27ma di septembro - Maggie Smith, Britanian aktorino (n. 1934)
- 28ma di septembro - Kris Kristofferson, Usana kantisto, kompozisto ed aktoro (n. 1936)
- 30ma di septembro - Ken Page, Usana komediisto e cinem-aktoro (n. 1954)
- 5ma di oktobro - Ildar Dadin, Rusa politikal aktivisto (n. 1982)
- 7ma di oktobro - Cissy Houston, Usana kantistino (n. 1933)[99]
- 7ma di oktobro - Nicholas Pryor, Usan aktoro (n. 1935)
- 9ma di oktobro - Lily Ebert, Hungara skriptisto, transvivinto di holokausto (n. 1923)
- 15ma di oktobro - Antonio Skármeta, Chiliana skriptisto (n. 1940)
- 16ma di oktobro - Liam Payne, Britaniana kantisto (One Direction) (n. 1993)[100]
- 18ma di oktobro Yaya Sinwar, chefo di Hamas (n. 1962)
Nobel-premiiziti
Referi
- ↑ Seca histórica no Norte tende a se agravar nas próximas semanas - Autoro: Geraldo Campos Jr. Publikigita da Poder360. Dato di publikigo: 7ma di oktobro 2023. Idiomo: Portugalana.
- ↑ Seca: Cheia dos rios do Amazonas será menos intensa em 2024, alerta SGB - Publikigita da Portal do Holanda. Dato di publikigo: 2ma di aprilo 2024. Idiomo: Portugalana.
- ↑ Zambia: President Hichilema Declares Drought As A National Disaster and Emergency - Dato di publikigo: 1ma di marto 2024. Idiomo: Angla.
- ↑ 4,0 4,1 Qué causó la histórica tormenta que desató el caos en Dubái y generó severas inundaciones en la península arábiga - Publikigita da BBC. Dato di publikigo: 17ma di aprilo 2024. URL vidita ye 5ma di mayo 2024. Idiomo: Hispana.
- ↑ East Africa Floods: Cyclone Hidaya weakens; Kenya, Tanzania bear brunt of torrential rainfall - Dato di publikigo: 5ma di mayo 2024.
- ↑ Temporais no RS: em quatro dias, estado tem o triplo de chuvas, 13 mortes e alerta para mais inundações - Publikigita da G1. Dato di publikigo: 2ma di mayo 2024. Idiomo: Portugalana.
- ↑ Chuvas afetam 781 mil pessoas no RS; mortes sobem para 75 - Publikigita da Um Só Planeta. Dato di publikigo: 5ma di mayo 2024.
- ↑ Cheia do Rio Uruguai alaga municípios do noroeste do Rio Grande do Sul - Publikigita da Um Só Planeta. Dato di publikigo: 5ma di mayo 2024. Idiomo: Portugalana.
- ↑ 9,0 9,1 Onda de calor se intensifica na Ásia e deixa milhões sob risco na Índia e China - Publikigita da Climainfo. Dato di publikigo: 16ma di junio 2024. Idiomo: Portugalana.
- ↑ 10,0 10,1 10,2 China’s record heat and heavy rain raise food security concerns - Publikigita da CNN. Dato di publikigo: 14ma di junio 2024. Idiomo: Angla.
- ↑ Holidaymakers told to prepare for ‘record-breaking temperatures’ in Europe this summer - Publikigita da The Telegraph. Dato di publikigo: 16ma di junio 2024. Idiomo: Angla}.
- ↑ Pantanal terá a sua pior seca em 2024, estimam ambientalistas - Publikigita da Folha de S. Paulo. Dato di publikigo: 22ma di marto 2024.
- ↑ Seca no Pantanal será a mais grave dos últimos cinco anos, estima estudo - Publikigita da UOL. Dato di publikigo: 3ma di julio 2024. Idiomo: Portugalana.
- ↑ Sudan: Humanitarian impact of heavy rains and flooding Flash Update No. 2 (as of 2 August 2024) [EN/AR] - Publikigita da Reliefweb. Dato di publikigo: 2ma di agosto 2024.
- ↑ West and Central Africa: Flooding Situation Overview - as of 15 August 2024 - Publikigita da OCHA, Unionita Nacioni. Dato di publikigo: 15ma di agosto 2024. Idiomo: Angla.
- ↑ Floods kill 54 in northern Chad: governor - Publikigita da AL24 News. Dato di publikigo: 17ma di agosto 2024. Idiomo: Angla.
- ↑ Nigeria: Hundreds of thousands in need of aid as flooding wipes out homes – WFP - Publikigita da Unionita Nacioni. Dato di publikigo: 13ma di septembro 2024. Idiomo: Angla.
- ↑ Brazil sends 1,500 firefighters to combat Amazon forest blazes - Publikigita da The Guardian. Dato di publikigo: 22ma di agosto 2024.
- ↑ AM declara situação de emergência ambiental e de saúde pública em todas as 62 cidades devido à seca e queimadas - Publikigita da G1. Dato di publikigo: 28ma di agosto 2024. Idiomo: Portugalana.
- ↑ Fumaça que cobre céu de cidades do Ceará causa riscos à saúde? Médico recomenda cuidados - Publikigita da G1. Dato di publikigo: 25ma di agosto 2024.
- ↑ Número de focos de queimadas cresce no Ceará e é o maior desde 2018 - Publikigita da G1. Dato di publikigo: 26ma di agosto 2024. Idiomo: Portugalana.
- ↑ During Brazil’s worst drought, wildfires rage and the Amazon River falls to a record low - Publikigita da AP. Dato di publikigo: 9ma di septembro 2024. Idiomo: Angla.
- ↑ Incêndios em SP: estado registra 16 focos ativos neste sábado - Publikigita da Metrópoles. Dato di publikigo: 14ma di septembro 2024. Idiomo: Portugalana.
- ↑ 24,0 24,1 24,2 {{extera ligilo |titulo=Brasil concentra 71,9% das queimadas na América do Sul nas últimas 48h|url=https://agenciabrasil.ebc.com.br/geral/noticia/2024-09/brasil-concentra-719-das-queimadas-na-america-do-sul-nas-ultimas-48h%7Ceditero=Agência Brasil|publikigita ye=14ma di septembro 2024
- ↑ Peru declares state of emergency in regions scorched by forest fires - Publikigita da Reuters. Dato di publikigo: 18ma di septembro 2024. Idiomo: Angla.
- ↑ Incendios forestales han afectado más de 20.000 hectáreas en menos de un mes en Ecuador - Publikigita da El Universo. Dato di publikigo: 19ma di septembro 2024. Idiomo: Hispana.
- ↑ Flood-hit region leaders to meet in Poland to discuss EU aid - Publikigita da France 24.
- ↑ Floods claim more lives as torrential rain pounds central Europe - Publikigita da Reuters. Dato di publikigo: 15ma di septembro 2024. Idiomo: Angla.
- ↑ Myanmar's flooding death toll rises to 113, state media reports - Publikigita da Reuters. Dato di publikigo: 15ma di septembro 2024. Idiomo: Angla.
- ↑ Deadly flooding in West and Central Africa leaves corpses of crocodiles and snakes floating among human bodies - Publikigita da CBS News. Dato di publikigo: 20ma di septembro 2024. Idiomo: Angla.
- ↑ Heavy rains snarl traffic, shut schools in Mumbai and nearby regions - Publikigita da Al Arabiya. Dato di publikigo: 26ma di septembro 2024. Idiomo: Angla.
- ↑ Dozens dead and millions without power after Helene’s deadly march across southeastern US - Publikigita da AP. Dato di publikigo: 28ma di septembro 2024. Idiomo: Angla.
- ↑ Shweta, Sharma:Brics countries agree major expansion as six countries invited to join Publikigita da The Independent. Dato di publikigo: 24ma di agosto 2023. URL vidita ye 24ma di agosto 2023. Idiomo: Angla.
- ↑ Japan earthquake death toll crosses 100 - Publikigita da Al Jazeera. Dato di publikigo: 6ma di januaro 2024. URL vidita ye 6ma di januaro 2024. Idiomo: Angla.
- ↑ Ethiopia signs pact to use Somaliland's Red Sea port - Publikigita da Reuters. Dato di publikigo: 1ma di januaro 2024. Idiomo: Angla.
- ↑ Plane engulfed in flames at Japan airport after collision kills 5 - Publikigita da NBC News. Dato di publikigo: 2ma di januaro 2024. Idiomo: Angla.
- ↑ Iran revises down death toll from Kerman attacks to 84 - Publikigita da Xinhua. Dato di publikigo: 4ma di januaro 2024. Idiomo: Angla.
- ↑ Her er kong Frederiks valgsprog – TV 2 - Publikigita da nyheder.tv2.dk. Dato di publikigo: 14ma di januaro 2024. Idiomo: Dana.
- ↑ Ucrânia derruba avião militar russo e mata 74 pessoas em Belgorod - Publikigita da UOL. Dato di publikigo: 24ma di januaro 2024. Idiomo: Portugalana.
- ↑ Death toll rises to 54 in southern Philippines landslide - Publikigita da Al Jazeera. URL vidita ye 11ma di februaro 2024. Idiomo: Angla.
- ↑ Ten dead, 20 others injured in multiple blasts in market in Somali capital - Publikigita da Al Jazeera. Dato di publikigo: 6ma di februaro 2024. Idiomo: Angla.
- ↑ Ukraine war: Dozens of Russian troops 'die in air strike' - Publikigita da BBC News. Dato di publikigo: 21ma di februaro 2024. Idiomo: Angla.
- ↑ Israel abre fogo, mata ao menos 112 e fere centenas que esperavam por comida em Gaza, diz Ministério da Saúde palestino - Publikigita da CNN. Dato di publikigo: 29ma di februaro 2024. Idiomo: Portugalana.
- ↑ Tiroteio e explosões deixam ao menos 40 mortos em casa de shows na Rússia - Publikigita da UOL. Dato di publikigo: 22ma di marto 2024. Idiomo: Portugalana.
- ↑ Terrorists Ambush Nigerien Soldiers Near Mali, Burkina Faso Border, Kill 23; 34 Others Unaccounted For - Publikigita da Sahara Reporters. Dato di publikigo: 22ma di marto 2024. Idiomo: Angla.
- ↑ Ponte desaba após colisão de navio cargueiro nos EUA: Guarda Costeira diz que 6 vítimas estariam mortas - Publikigita da BBC News Brasil. Dato di publikigo: 26ma di marto 2024. Idiomo: Portugalana.
- ↑ Autoro: Jose Tembe, Natasha Booty, Ido Vock. Mozambique ferry disaster kills more than 90—officials Publikigita da BBC News. Dato di publikigo: 8ma di aprilo 2024. Idiomo: Angla.
- ↑ Dubai airport chaos as UAE and Oman reel from deadly storms -
- ↑ North Macedonia elects first woman president as center-left incumbents suffer historic losses - Publikigita da AP. Dato di publikigo: 8ma di mayo 2024. Idiomo: Angla.
- ↑ VÍDEO: Robert Fico, primeiro-ministro da Eslováquia, é baleado na rua; estado de saúde é crítico, com risco de vida - Publikigita da G1. Dato di publikigo: 15ma di mayo 2024. Idiomo: Portugalana.
- ↑ Papua-Nova Guiné: deslizamento deixou ao menos 2 mil mortos, segundo autoridades - Autoro: Redação Terra. Publikigita da Terra. Dato di publikigo: 27ma di mayo 2024. Idiomo: Portugalana.
- ↑ Incêndio no Kuwait deixa 50 mortos, a maioria indianos - Publikigita da UOL (de AFP). Dato di publikigo: 13ma di julio 2024. Idiomo: Portugalana.
- ↑ Blaze at South Korea lithium battery plant kills 22 workers - Publikigita da Reuters. URL vidita ye 24ma di junio 2024. Idiomo: Angla.
- ↑ At least 200 injured, 100 arrested in Kenya tax protests: Rights groups - Publikigita da Al Jazeera. Dato di publikigo: 23ma di junio 2024. Idiomo: Angla.
- ↑ Bolivian general arrested and accused of coup after dramatic showdown with president - Publikigita da CNN. Dato di publikigo: 27ma di junio 2024. Idiomo: Angla.
- ↑ Sicily closes airport as Etna and Stromboli volcanoes erupt - Publikigita da Al Jazeera. Dato di publikigo: 5ma di julio 2024. Idiomo: Angla.
- ↑ Trump is Safe After Assassination Atempt; Suspected Gunman is Dead - Publikigita da The New York Times. Dato di publikigo: 13ma di julio 2024. URL vidita ye 31ma di julio 2024. Idiomo: Angla.
- ↑ Microsoft: apagão cibernético paralisou 8,5 milhões de dispositivos - Publikigita da CNN. Dato di publikigo: 20ma di julio 2024. Idiomo: Portugalana.
- ↑ Biden Drops Out of Race, Scrambling the Campaign for the White House - Publikigita da The New York Times. Dato di publikigo: 21ma di julio 2024.
- ↑ Bangladesh's PM resigns and flees country as protesters storm her residence capping weeks of unrest Publikigita da Washington Post. Dato di publikigo: 5ma di agosto 2024. Idiomo: Angla.
- ↑ Avião com 62 pessoas a bordo cai em Vinhedo e não há sobreviventes - Publikigita da G1. Dato di publikigo: 9ma di agosto 2024. URL vidita ye 11ma di agosto 2024. Idiomo: Portugalana.
- ↑ Zelensky confirms troops fighting inside Russia as Ukraine hit in overnight attack - Publikigita da BBC News. Dato di publikigo: 11ma di agosto 2024. Idiomo: Angla.
- ↑ Reservoir of liquid water found deep in Martian rocks - Publikigita da BBC News. Dato di publikigo: 12ma di agosto 2024. Idiomo: Angla.
- ↑ Ukraine claims the War's Largest Surrender of Russian Troops - Publikigita da Bloomberg. Dato di publikigo: 15ma di agosto 2024. Idiomo: Angla.
- ↑ Autoro: Achmad Ibrahim, Edna Tarigan. Indonesia holds unfinished future capital’s first Independence Day ceremony Publikigita da Associated Press. Dato di publikigo: 17ma di agosto 2024. Idiomo: Angla.
- ↑ Sudan’s paramilitary fighters killed 85 people in an attack on a central village, residents say - Publikigita da AP. Dato di publikigo: 17ma di agosto 2024. Idiomo: Angla.
- ↑ Pakistani pilgrim bus overturns, killing 28, injuring 23 in Iran - Publikigita da Reuters. Dato di publikigo: 21ma di agosto 2024. Idiomo: Angla.
- ↑ Suspected Boko Haram Gunmen Kill 13 Farmers In Nigeria - Publikigita da Barron's. Dato di publikigo: 22ma di agosto 2024.
- ↑ Explosão em mina de carvão no Irã deixa 51 mortos e 20 feridos - Publikigita da G1. Dato di publikigo: 22ma di septembro 2024. Idiomo: Portugalana.
- ↑ Furacão Helene deixa 40 mortos nos EUA e 4 milhões sem energia na costa leste - Publikigita da Folha de S.Paulo. Dato di publikigo: 28ma di septembro 2024. Idiomo: Portugalana.
- ↑ Waves of explosions rock Beirut as Israel says it attacked Hezbollah HQ - Publikigita da Al Jazeera. Dato di publikigo: 27ma di septembro 2024. Idiomo: Angla.
- ↑ At least 78 people killed after boat capsizes in DRC - Publikigita da Al Jazeera. Dato di publikigo: 3ma di oktobro 2024. Idiomo: Angla.
- ↑ Bosnia hit by heavy floods and landslides, killing at least 16 people - Publikigita da Al Jazeera. Dato di publikigo: 4ma di oktobro 2024. Idiomo: Angla.
- ↑ Hurricane Milton leaves at least 10 dead, millions without power in Florida - Publikigita da Reuters. Dato di publikigo: 11ma di oktobro 2024. Idiomo: Angla.
- ↑ Kissoon, Carolyn:Basdeo Panday has died Publikigita da Trinidad Daily Express. Dato di publikigo: 1ma di januaro 2024. URL vidita ye 2ma di januaro 2024.
- ↑ Niklaus Wirth ist tot: IT-Welt trauert um Erfinder von Pascal Publikigita da WinFuture. Dato di publikigo: 3ma di januaro 2024. Idiomo: Germana.
- ↑ Morre Zagallo aos 92 anos no Rio; Brasil perde uma de suas maiores lendas - Publikigita da UOL. Dato di publikigo: 6ma di januaro 2024. Idiomo: Portugalana.
- ↑ Lenda do futebol alemão, Franz Beckenbauer morre aos 78 anos - Publikigita da terra.com.br. Dato di publikigo: 8ma di januaro 2024. Idiomo: Portugalana.
- ↑ Hafner, Katie:Arno A. Penzias, 90, Dies; Nobel Physicist Confirmed Big Bang Theory Nomo di la publikigo: The New York Times. Dato di publikigo: 22ma di januaro 2024. Idiomo: Angla.
- ↑ German music producer Frank Farian dies aged 82 – DW – 01/23/2024 - Publikigita da dw.com. URL vidita ye 23ma di januaro 2024. Idiomo: Angla.
- ↑ Oskar Negt ist tot - Publikigita da Der Spiegel. Dato di publikigo: 2ma di februaro 2024. Idiomo: Germana.
- ↑ Namibia's President Geingob Dies; Mbumba Sworn in as Successor - Publikigita da AllAfrica. Dato di publikigo: 4ma di februaro 2024. Idiomo: Angla.
- ↑ Muere ex Presidente Sebastián Piñera en accidente aéreo en Lago Ranco Publikigita da El Mercurio Online. Dato di publikigo: 6ma di februaro 2024. Idiomo: Hispana.
- ↑ Former Taoiseach John Bruton has died, aged 76 - Publikigita da Irish Independent. Dato di publikigo: 6ma di februaro 2024. Idiomo: Angla.
- ↑ Wade, Nicholas:Roger Guillemin, 100, Nobel-Winning Scientist Stirred by Rivalries, Dies Publikigita da The New York Times. Dato di publikigo: 23ma di februaro 2024. Idiomo: Angla.
- ↑ Former Tanzania President Ali Hassan Mwinyi dies at 98 - Publikigita da The East African. Dato di publikigo: 29ma di februaro 2024. Idiomo: Angla.
- ↑ Former Canadian Prime Minister Brian Mulroney dies at 84, according to media reports - Publikigita da CNN. Dato di publikigo: 29ma di februaro 2024. Idiomo: Angla.
- ↑ Mirė politikas, buvęs Lietuvos premjeras Gediminas Kirkilas - Idiomo: Lituaniana.
- ↑ Françoise Hardy, Influential French Singer and Actress, Dies at 80 - Publikigita da Exclaim!. Dato di publikigo: 11ma di junio 2024. Idiomo: Angla.
- ↑ Nobelpristagaren Bengt Samuelsson död - Publikigita da SVT. Dato di publikigo: 8ma di julio 2024. Idiomo: Sueda.
- ↑ John Mayall, Pioneer of British Blues, dies at 90 - Publikigita da The New York Times. URL vidita ye 23ma di julio 2024. Idiomo: Angla.
- ↑ di agosto 2024/news-1vOScJzZCA8/p.html Nobel laureate Tsung-Dao Lee passes away, aged 98, media reports - Autoro: CGTN. Publikigita da news.cgtn.com. URL vidita ye 5ma di agosto 2024. Idiomo: Angla.
- ↑ O adeus ao Patrão - Publikigita da UOL. Dato di publikigo: 17ma di agosto 2024. Idiomo: Portugalana.
- ↑ Alain Delon, lenda do cinema francês, morre aos 88 anos - Publikigita da UOL. Dato di publikigo: 18ma di agosto 2024. Idiomo: Portugalana.
- ↑ Former Prime Minister Salim Hoss Passed Away - Publikigita da MTV Lebanon. Dato di publikigo: 25ma di agosto 2024. Idiomo: Angla.
- ↑ Luto en el fútbol sudamericano: falleció Juan Izquierdo, jugador de Nacional de Montevideo - Publikigita da DirecTV Sports. Dato di publikigo: 28ma di agosto 2024. Idiomo: Hispana.
- ↑ Alberto Fujimori, a former president of Peru who was convicted for human rights abuses, dies at 86 - Publikigita da Associated Press. Dato di publikigo: 12ma di septembro 2024. Idiomo: Angla.
- ↑ Tito Jackson, irmão de Michael Jackson, morre aos 70 anos - Autoro: Giovanna Camiotto. Publikigita da Terra. Dato di publikigo: 16ma di septembro 2024. Idiomo: Portugalana.
- ↑ Cissy Houston, a Grammy-winning gospel singer and Whitney Houston’s mother, dies at 91 - Publikigita da AP. Dato di publikigo: 7ma di oktobro 2024. Idiomo: Angla.
- ↑ Liam Payne, ex-One Direction, morre ao cair do 3º andar de hotel argentino - Publikigita da UOL. Dato di publikigo: 17ma di oktobro 2024. Idiomo: Portugalana.
- ↑ Nobel de Física 2024 premia pioneiros da inteligência artificial - Publikigita da Folha de S. Paulo. Dato di publikigo: 8ma di oktobro 2024. Idiomo: Portugalana.
- ↑ Press release: The Nobel Prize in Chemistry 2024 - Publikigita da Nobelprize.org. Dato di publikigo: 11ma di oktobro 2024.
- ↑ Nobel de Medicina 2024 vai para Victor Ambros e Gary Ruvkun pela descoberta dos microRNAs - Publikigita da Folha de S.Paulo. Dato di publikigo: 7ma di oktobro 2024. Idiomo: Portugalana.
- ↑ Prêmio Nobel da Literatura 2024 é vencido pela sul-coreana Han Kang - Publikigita da CNN Brasil. Dato di publikigo: 10ma di oktobro 2024. Idiomo: Portugalana.
- ↑ Nihon Hidankyo wins Nobel Peace Prize for work on nuclear weapons abolition - Publikigita da The Washington Post. Dato di publikigo: 11ma di oktobro 2024.
- ↑ Nobel de Economia 2024: Daron Acemoglu, Simon Johnson e James A. Robinson vencem o prêmio - Publikigita da CBN. Dato di publikigo: 14ma di oktobro 2024. Idiomo: Portugalana.