Svinčany

Svinčany
municipo
Malfrubaroka preĝejo de Sankta Laŭrenco en Svinčany
Flago Blazono
Oficiala nomo: Svinčany
Ŝtato	Ĉeĥio
Regiono	Regiono Pardubice
Distrikto	Distrikto Pardubice
Administra municipo	Přelouč
Historia regiono	Bohemio
Montaro	Svitava montetaro
Situo	Svinčany
- alteco	260 m s. m.
- koordinatoj	49° 58′ 19″ N 15° 38′ 30″ O / 49.97194 °N, 15.64167 °O / 49.97194; 15.64167 (mapo)
Areo	8,19 km² (819 ha)
Loĝantaro	573 (2024)
Denseco	69,96 loĝ./km²
Unua skribmencio	1226
Horzono	MET (UTC+1)
- somera tempo	MET (UTC+2)
Poŝtkodo	535 01
NUTS 3	CZ053
NUTS 4	CZ0532
NUTS 5	CZ0532 575771
Katastraj teritorioj	2
Partoj de municipo	3
Bazaj setlejunuoj	4
Situo enkadre de Ĉeĥio
Vikimedia Komunejo: Svinčany
Retpaĝo: www.svincany.cz
Portalo pri Ĉeĥio

Municipo Svinčany (legu Svinĉany) troviĝas en distrikto Pardubice, regiono Pardubice, Ĉeĥa respubliko, 11 kilometrojn sudoriente de urbo Přelouč. Vivas ĉi tie 573 loĝantoj (2024).

La najbaraj municipoj de la setlejo estas Jeníkovice, Heřmanův Městec, Klešice, Chrtníky, Svojšice, Stojice kaj Choltice.

La unua skriba mencio pri la komunumo devenas el la jaro 1226, kiam la vilaĝo apartenis al Křišťan el Svinčany.

Al la municipo apartenas vilaĝoj:

• Svinčany
• Dolní Raškovice
• Horní Raškovice

Origina ligna preĝejo estis dokumentita jam en la jaro 1349. Nuntempa preĝejo estas malfrubaroka, konstruita en la jaroj 1764 ĝis 1768 fare de konstruisto Francisko Tomaso Jedlička. Ĝi estas ununava kun trilatere fermita pastrejo, kun sakristio sur dekstra kaj kapelo sur maldekstra flanko. La turo estas sur okcidenta fronto. La fasado estas dispartigita per tri duopoj da pilastroj. Pastrejo estas tegmentita per klostra volbo, la navo havas traban plafonon stukitan sur kano.

Pentraĵoj en interioro, iluzia kolona arĥitekturo, estas laboraĵo de Josef Kramolín. Predikejo estas rokoka. Baptujo estas ornamita per motivoj de fajfiloj kaj pentrita grupo ĉe Bapto de Ĥristo. Ĉirkaŭ la preĝejo estas tombejo kun baroka kadavrejo.

Estinta paroĥejo estas baroka el la jaro 1778, duetaĝa. En salonego de la dua etaĝo estas survandaj pentraĵoj de Josefo Kramolín.

Pestokolono ĉe la preĝejo estas el la jaro 1713.

Statuo de Madono ĉe la preĝejo de F. Kofránek estas el la jaro 1892.

Foje sur herbejo malantaŭ la vilaĝo granda aprino elfosis sonorilon. La homoj levis la sonorilon el la grundo kaj sur loko post ĝi restis fonteto, kiu neniam elsekiĝas nek frostiĝas. La sonorilo estis pendigita sur la turon de la preĝejo de Sankta Laŭrenco kaj la komunumo estas okaze de tiu aparta okazaĵo nomata Svinčany (porkinvilaĝo).

• Marek Podhorský: Pardubický kraj. Eldonis freytag & berndt, eldonejo en Prago en j. 2004.
• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

• Paĝaro de mikroregiono Heřmanoměstecko 1 ĉeĥe Arkivigite je 2017-07-24 per la retarkivo Wayback Machine
• Paĝaro de mikroregiono Heřmanoměstecko 2 ĉeĥe Arkivigite je 2010-07-14 per la retarkivo Wayback Machine
• Paĝaro de mikroregiono Heřmanoměstecko 2 - biciklovojoj ĉeĥe Arkivigite je 2017-10-15 per la retarkivo Wayback Machine