Studnice (distrikto Chrudim)

	Studnice
	municipo
	Studnice
Flago	Blazono
	Oficiala nomo: Studnice
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Hlinsko
Historia regiono	Bohemio
Montaro	Fera montaro
Situo	Studnice
- alteco	624 m s. m.
- koordinatoj	49° 44′ 17″ N 15° 54′ 11″ O / 49.73806 °N, 15.90306 °O (mapo)
Areo	15,71 km² (1 571 ha)
Loĝantaro	457 (2024)
Denseco	29,09 loĝ./km²
Unua skribmencio	1392
Horzono	MET (UTC+1)
- somera tempo	MET (UTC+2)
Poŝtkodo	539 01
NUTS 3	CZ053
NUTS 4	CZ0531
NUTS 5	CZ0531 572322
Katastraj teritorioj	3
Partoj de municipo	3
Bazaj setlejunuoj	3
	Situo enkadre de Ĉeĥio Situo enkadre de Ĉeĥio
	Vikimedia Komunejo: Studnice (Chrudim District)
	Retpaĝo: www.obecstudnice.cz
	Portalo pri Ĉeĥio

Por aliaj signifoj, bv. rigardi la apartigilan paĝon: Studnice

Koordinatoj: 49° 44′ 17″ N 15° 54′ 11″ O / 49.73806 °N, 15.90306 °O (mapo)

Municipo Studnice situas en Ĉeĥio, regiono Pardubice, distrikto Chrudim, ĉe akva rezervujo Hamry, 3 km sude de la urbo Hlinsko. Vivas ĉi tie 457 loĝantoj (2024).

La najbaraj municipoj de la setlejo estas Hamry, Hlinsko, Vortová, Vítanov, Krucemburk, Vojnův Městec kaj Herálec (distrikto Žďár nad Sázavou).

Historio

Vilaĝo Studnice situas sub du historie monumentaj montetoj nomataj Přední kaj Zadní Hradiště (Antaŭa kaj Malantaŭa Opidumo). Arĥeologiaj trovaĵoj pruvas, ke ĉi tie estis unu el la plej malnovaj setlejoj en la regiono. La plej malnova skriba noto pri la vilaĝo estas el la jaro 1303 kaj informas, ke Beneš el Vartenberk donacis al sinjoro Mikuláš vilaĝestran oficon por kelkaj vilaĝoj, inter kiuj estas nomata ankaŭ Studnice. En la jaro 1350 praga arĥiepiskopo Arnošt el Pardubice vicigis en administradon de Litomyšla episkopejo inter aliaj ankaŭ vilaĝon Studnice.

La unuan lernejon en Studnice oni establis en la jaro 1787 en la domo n-ro 69. Nur en la jaro 1861 estis konstruita teretaĝa lerneja domo kaj en la jaro 1884 alkonstruita la dua etaĝo. Ĝi estis uzata ĝis la jaro 1978, kiam instruado estis transigita al proksima Hlinsko.

En la jaro 1995 estis en la vilaĝo konstruita nova kapelo de Sankta Zdislava. La 11-an de oktobro 1998 ĝi estis solene konsekrita de episkopo Dominik Duka el Hradec Králové.

En la vilaĝo estas atentata tradicio de karnavalaj procesioj.

Ambaŭ neĉefaj vilaĝpartoj Košínov kaj Zalíbené estis fonditaj en la 18-a jarcento sur grundoj de estinta episkopa kaj sinjora korto. En Košínov laboris muelejo kaj segejo. En ĉirkaŭaĵo de Zalíbené en la dua duono de 19-a jarcento oni minis torfon.