Robotum

Scaena in *R.U.R. (Rossum's Universal Robots),* ludo Caroli Čapek anno 1920 docto, tria robota monstrat.

Robotum^[1]^[2] vel robotor^[3] est res creata manibus hominum quae se dirigit ipsam. Permulta robota vi electromagnetica impelluntur, quae possunt esse aut tactilia (quae in spatio existunt et tangi possunt) aut virtualia (quae formantur ex iussis computatralibus). Quamquam nomen robotum definire difficile est, multis robotis nonnulla propria sunt:

Robota facta sunt manibus vel mente hominum.
Possunt sentire ea quae eis circumstant, quibuscum res transigunt.
Habent facultatem rerum decernendarum atque sicut cogitandi.
Se movent modo callido atque congruenti.
Videntur se agere ut res destinatas efficiant, modo anthropomorphico.

Nomen

Nomen robotum in labris hominum late inveniri coepit post annum 1920, cum Carolus Čapek dramatista Cechoslovacus quendam ludum scaenicum modernismi nomine R.U.R. docuit. Eventa in prima parte huius operis se locantur in officina ubi robota producuntur. Hoc in dramate, robota videntur esse sicut veri homines, quae omni fere modo similes verorum hominum sunt. Haec robota cogitare plane possunt, quae etiam hominibus felice serviunt. Temporibus posterioribus Čapek, qui haec robota laboři (e nomine Latino labor) vocare voluerat, dixit non se, sed fratrem suum Iosephum nomen roboti finxisse. Robota Bohemice laborem servorum vel pauperum ruri, Slovace simpliciter laborem significat. Robota cognatum est cum Arbeit, nomine substantivo Theodisco.

Nexus interni

Notae

↑ v. Pons Wörterbuch des neuen Lateins, s.v. Roboter, quod citat Egger, Omnia dici possunt Latine, 96.
↑ Ebbe Vilborg, Norstedts svensk-latinska ordbok, editio secunda, 2009.
↑ Helfer Latinitas, vide etiam Ephemeride:"REUS ROBOTOR:Machinis ipsis causam esse dicendam propter menda propria."

Bibliographia

Cheney, Margaret. 1981. Tesla, Man Out of Time. Novi Eboraci: Dorset Press. ISBN 0-88029-419-1.
Craig, J. J. 2005. Introduction to Robotics. Upper Saddle River, NJ: Pearson Prentice Hall.
Needham, Joseph. 1986. Science and Civilization in China: Volume 2. Taipei: Caves Books Ltd.
Sotheby's New York. 1996. The Tin Toy Robot Collection of Matt Wyse.
Tsai, L. W. 1999. Robot Analysis. Novi Eboraci: Wiley.
DeLanda, Manuel. 1991. War in the Age of Intelligent Machines. Novi Eboraci: Swerve.

Nexus externi

Vicimedia Communia plura habent quae ad robota spectant.

[1] v. Pons Wörterbuch des neuen Lateins, s.v. Roboter, quod citat Egger, Omnia dici possunt Latine, 96.

[2] Ebbe Vilborg, Norstedts svensk-latinska ordbok, editio secunda, 2009.

[3] Helfer Latinitas, vide etiam Ephemeride:"REUS ROBOTOR:Machinis ipsis causam esse dicendam propter menda propria."

[1]

[2]

[3]