Robot

The printable version is no longer supported and may have rendering errors. Please update your browser bookmarks and please use the default browser print function instead.

Ti robot ket mekanikal wenno pudno nga ahente, ken kadawyan a maysa a elektro-mekanikal a makina nga inturturong babaen ti programa ti kompiuter wenno elektroniko a sirkuito. Dagiti robot ket mabalinda nga autonomo wenno semi-autonomo ken sumakop manipud kadagiti kasla tao a kas ti Advanced Step in Innovative Mobility (ASIMO) ti Honda ken ti TOSY Ping Pong Playing Robot (TOPIO) ti Tosy aginggana kadagiti industrial a robot, dagiti kolektibo a naprograma a 'pangen' a robot, ken dagiti pay mikroskopiko a nano a robot. Babaen ti panagtulad ti kasl abiag a langa wenno panangipan kadagiti automatiko a panagggunay, ti robot ket mabalin a nangitultol ti puot ti kinasirib wenno bukodna a panunot.

Ti robotika ket isu ti sanga ti teknolohia a mangirebbeng ti daremdem, pannakaaramid, operasion, ken ti panangipakat kadagiti robot,^[1] ken dagiti pay sistema ti kompiuter pra iti panagtengngel kaniada, panagrikna a pakaammo, ken panagproseso ti pakaammo. Dagitoy a teknolohia ket mangirebbeng kadagiti naaramid nga automatiko a makina a mangsukat ti tattao kadagiti napeggad nga enbironmento wenno dagiti proseso ti panagpataud, wenno kapada ti tao iti langa, panagkukua, ken/wenno kognision. Adu tattan kadagiti robot ket naparegget babaen ti katutubo a mangit-ited kadagiti pagobraan iti nareggetan ti katutubo a robotika.

Iti panagrangrang-ay dagiti mekanikal a pamay-an babaen ti Industrial a panawen, adun dagiti naserbi a panangipakat nga insingasing idi babaen ni Nikola Tesla, nga isu idi 1898 ket dumibuho ti bangka a tinengngel babaen ti radio. Dagiti elektronika ket rimmang-ayda kadagiti puersa a nangiturong ti panagrang-ay iti iyu-umay dagiti immuna nga elektroniko nga autonomo a robot a pinartuat babaen ni William Grey Walter idiay Bristol, Inglatera idi 1948. Ti immuna a dihital ken maprograma a robot ket pinarnuay idi babaen ni George Devol idi 1954 ken nanaganan daytoy idi ti Unimate. Daytoy idi ket nailako iti General Motors idi 1961 nga idiay ket nausar idi a mangbagkat kadagiti pisi ti napudot a metal manipud kadagiti makina ti die casting idiay Inland Fisher Guide Plant idiay Laud ti Trenton a paset ti Ewing Township, New Jersey.^[2]

Dagiti robot ket sinukatandan ti tattao^[3] iti panagtulong iti panagaramid kadagiti maulit-ulit ken napeggad nga obra a saan a kaykayat nga aramiden ti tao, wenno saanda a maaramid gapu ti limitasion ti kadakkel, ken uray pay dagiti akin-ruar a limbang wenno iti sirok ti baybay nga idiay ket saan nga agbiag ti tattao kadagiti napeggad nga enbironmento.

Adda met dagiti panagdandanag a maipanggep iti umad-adu a panagusar kadagiti robot ken ti papaelda iti kagimongan. Dagiti robot ti pinabpabasol kadagiti ngumat-ngato a pannakaawan ti trabaho gapu ti panagsuksukatda kadagiti agtrabtrabaho kadagiti dadduma pagannongan. Ti panagusar kadagiti robot iti militar a pannakigubat ket mangiyaon kadagiti etikal a pagdanagan. Ti pannakabalin ti autonomo ti robot ken dagiti mabalin a pagbanagan ket naibagbagan kadagiti piksion ken mabalin a pudno a pagdanagan iti masakbayan.

Dagiti nagibasaran

^ "robotics". Oxford Dictionaries. Naiyarkibo manipud iti kasisigud idi 2011-05-18. Naala idi 4 Pebrero 2011.
^ Pearce, Jeremy. "George C. Devol, Inbentor ti Robot nga IMa, ket Natayen nga agtawen iti 99", The New York Times, Agosto15, 2011. Naala idi Pebero 7, 2012. "Idi 1961, ti General Motors ket nangikabil ti immuna nga Unimate nga ima iti maysa nga asemblia a linia iti pabrika ti kompania idiay Ewing Township, N.J., ti suburbo ti Trenton. Ti ramit ket inusar nga agbakkat ket agituon kadagiti parte ti die-cast a metal a naala anapudot manipud kadagiti pagisukogan."
^ Akins, Crystal. "dagiti 5 a trabaho nga agdama a sinuksukatan babaen dagiti robot". Excelle. Monster. Naiyarkibo manipud iti kasisigud idi 2013-04-24. Naala idi 2013-04-15.

Dagiti akinruar a silpo

Dagiti midia a mainaig iti Robot iti Wikimedia Commons
Robotics iti Curlie (iti Ingles)
Portal ti robotika
Dibision ti robotika – NASA Naiyarkibo 2019-07-20 iti Wayback Machine

Daytoy nga artikulo dagiti nangruna nga artikulo ket pungol. Makatulongka iti Wikipedia babaen ti panagnayon iti daytoy.

[OED-1] "robotics". Oxford Dictionaries. Naiyarkibo manipud iti kasisigud idi 2011-05-18. Naala idi 4 Pebrero 2011.

[2] Pearce, Jeremy. "George C. Devol, Inbentor ti Robot nga IMa, ket Natayen nga agtawen iti 99", The New York Times, Agosto15, 2011. Naala idi Pebero 7, 2012. "Idi 1961, ti General Motors ket nangikabil ti immuna nga Unimate nga ima iti maysa nga asemblia a linia iti pabrika ti kompania idiay Ewing Township, N.J., ti suburbo ti Trenton. Ti ramit ket inusar nga agbakkat ket agituon kadagiti parte ti die-cast a metal a naala anapudot manipud kadagiti pagisukogan."

[3] Akins, Crystal. "dagiti 5 a trabaho nga agdama a sinuksukatan babaen dagiti robot". Excelle. Monster. Naiyarkibo manipud iti kasisigud idi 2013-04-24. Naala idi 2013-04-15.

[1]

[2]

[3]