Ցուկատ

Ցուկատ, ըստ որոշ ենթադրությունների՝ «ցուկատ» բառն առաջացել է լատիներեն succidus^[1] բառից, սակայն ըստ մի շարք այլ կարծիքների՝ այն բխվում է եբրայերեն «սուկկա» (סוכה) բառից, ինչը եբրայական տոնակատարության ժամանակ օգտագործվող փայտե ժամանակավոր խրճիթ է։ Շաքարի օշարակում եփված, հետագայում չորացված, շաքարալյուրով պատված և շաքարի օշարակով ջնարակված մրգային զանգված։ Ցուկատների համար որպես հումք են ծառայում թարմ պտուղ-հատապտուղները, ինչպես նաև չստերիլիզացված մուրաբաները։

Արտադրության համար կիրառվում են հետևյալ հաջորդական քայլերը՝ հումքի նախապատրաստում, օշարակի պատրաստում, եփում, օշարակից պտուղների անջատում, շաքարալյուրի ցանում կամ օշարակով ջնարակում, չորացում և տարայավորում։

Առավել լայն տարածում ունեն արմավի^[2], արքայախնձորի, կոճապղպեղի^[3], բալի և ձմերուկի (կեղևի)^[4] ցուկատները։

Արտաքինից պտուղները պետք է լինեն ձևով և չափերով միանման և իրար չկպած։ Ըստ չափի և ձևի շեղումները թույլատրելի են 3-5 %-ի սահմաններում։

• Չոր նյութերի պարունակություն (%)^[5]
  • Ըստ ռեֆրակտոմետրի (%, ոչ պակաս)` 83
  • Ընղհանուր շաքարների պարունակություն (%)` 75
  • Ընդհանուր թթվություն (ըստ խնձորաթթվի, %)` 0,2 - 1,0
• Պտուղներից անջատված շաքարի քանակ (%, մինչև 1 կգ տարաներ)` 5^[5]

• Մուրաբա
• Ջեմ
• Պովիդլո

• «Պահածոյացման տեխնոլոգիա», Ժ. Գ. Աղաջանյան, խմբ. Ա. Ա. Ֆահրադյան. - Երևան։ «ՀՊԱՀ», 2011, Մաս 1 - 405 էջ

Վիքիպահեստն ունի նյութեր, որոնք վերաբերում են «Ցուկատ» հոդվածին։

Բառարաններ և հանրագիտարաններ Բրոքհաուսի և Եփրոնի փոքր · Մեծ նորվեգական