Gonzalo López Abente

Gonzalo López Abente
	;
Biografía
Nacemento	24 de marzo de 1878 ; Muxía, España
Morte	23 de xullo de 1963 (85 anos); Muxía, España
Educación	Universidade de Santiago de Compostela
Actividade
Ocupación	poeta
Empregador	Irmandades da Fala; Seminario de Estudos Galegos; Real Academia Galega
Membro de	Real Academia Galega (académico de número) (1941–1963); Real Academia Galega (membro correspondente) (1918–1941)
Xénero artístico	Poesía, novela, teatro
Obra
	Obras destacables Escumas da ribeira, 1911; D'Outono, 1924; Nemancos, 1929,; Vaosilveiro, 1929
Familia
Cónxuxe	Balbina Abente Myszkovski
Pais	Francisco López García e Xulia Abente Lago
Premios
	(1971) Día das Letras Galegas ;
	Sinatura

Gonzalo Francisco López Abente, nado en Muxía o 24 de marzo de 1878 e finado na mesma vila o 23 de xullo de 1963, foi un escritor en lingua galega que cultivou o xornalismo, a narrativa, o teatro e a poesía, baseando na Costa da Morte boa parte da súa obra. Dirixiu a Irmandade da Fala de Muxía. En 1971 foi homenaxeado no Día das Letras Galegas^[1].

Traxectoria

Foi fillo de Francisco López García, capitán da mariña mercante e armador, e Xulia Abente Lago. Estaba emparentado por liña materna con Eduardo Pondal, pois Gonzalo era neto de Leandro Abente, médico de Muxía e irmán da nai de Pondal. Estudou o bacharelato en Santiago de Compostela rematando en 1893 e despois a carreira de Dereito, licenciándose en 1899. Viaxou por Francia, Bélxica e Países Baixos, pero pasou a maior parte da vida en Muxía dedicado aos negocios bancarios. Colaborou na prensa local e comarcal e chegou a dirixir El Eco de Mugía. En 1909 casou con Balbina Abente Myszkovski —filla do seu tío Victorino Abente Lago— que finou ao dar a luz en 1910, con vinte e seis anos de idade.^[2]

Como autor poético, sitúase nos seus libros anteriores á guerra civil (Escuma na ribeira, Alento da raza e D'Outono) na escola do "Poeta da Raza", Ramón Cabanillas. Como narrador, gañou en 1919 a única edición do Premio de Literatura d' A Nosa Terra coa novela O deputado de Beiramar. O 20 de febreiro de 1921, estreou a súa única peza teatral, María Rosa, correndo a representación a cargo do Cadro de Declamación das Irmandades da Fala da Coruña. Trátase dunha novela naturalista, valiosa non tanto por supor unha renovación estética senón pola súa temática feminista.

López Abente foi integrante das Irmandades da Fala e do Seminario de Estudos Galegos e presidente da Asociación de Escritores de Galicia. Colaborou en revistas e periódicos: El Noroeste, A Nosa Terra, Nós, Rexurdimento, Ronsel e Lar.

Co triunfo do bando franquista foi depurado do seu posto de traballo como xuíz municipal suplente. Conta diso dá o seu expediente de incautación.^[3]

O 27 de xullo de 1941 ingresou na Real Academia Galega, a proposta de Manuel Casás Fernández, Alejandro Barreiro Noya e Ángel del Castillo, co discurso A terra e a poesía de Eduardo Pondal,^[4] presentado o 27 de xullo de 1941.

Entrada dos poetas no SEG en 1926 en Santiago. Están, entre outros: Florentino López Cuevillas, Victoriano Taibo, Risco, López Abente, Cabeza de León, Antón Villar Ponte, Xosé Filgueira Valverde, Castelao, Otero Pedrayo, Lugrís, Leandro Carré e Jaime Vidal Rey.

En 1963 viron a luz tres libros máis de poesía da súa autoría: Nemancos, Cintileos nas ondas e Decrúa (este último póstumo).

Obra

Poesía

De pé, de esquerda a dereita: Sebastián González, Eladio Rodríguez, Enrique Peinador, López Abente, Pura González (muller de Lugrís), Celia Brañas, Otero Pedrayo, David Fernández Diéguez, Ángel del Castillo e Fernando Cortés Bugía. Sentados Fernando Martínez Morás, Castelao, Lugrís, Antón Villar Ponte e Estrada Catoyra.^[5]

Escumas da ribeira, 1911, Madrid.
Alento da raza, 1918, Madrid.
D'Outono, 1924, Ronsel, Lugo. Con debuxos de Álvaro Cebreiro.
Nemancos, 1929, Nós, A Coruña.
Centileos nas ondas, 1958, Galaxia, Vigo.
Decrúa, 1966, Ediciones Muxía, Buenos Aires.
Monza de frores bravas para Nosa Señora da Barca, 1971, RAG, A Coruña.^[6]^[7]
Antoloxía poética, 1995, Espiral Maior, A Coruña. Edición de Miro Villar.
Bretemada, 2011, Alvarellos Editora. Orixinal inédito de 1922, ed. de Miro Villar.
Obra poética completa, 2013, Espiral Maior. Edición de Miro Villar.

Narrativa

O diputado por Veiramar (1919. Imprenta Nova).^[8]
O novo xuez (1922, Céltiga).^[9]
Buserana (1925, Lar).
Fuxidos... (1926, Lar).
Vaosilveiro (1929).
A narrativa mariña (2012, Xerais).

Teatro

María Rosa (estreada en 1921, publicada en 1928 por Nós).

Ensaio

A terra e a poesía de Pondal (1965, Real Academia Galega).^[4]

Galería de imaxes

Buserana. 1925.
Fuxidos.... 1926.
Placa en Muxía.

Notas

↑ "Letras Galegas 1971: Gonzalo López Abente". Real Academia Galega.
↑ "Biografía. Fundación Lopez Abente". Arquivado dende o orixinal o 06 de novembro de 2018. Consultado o 28 de outubro de 2018.
↑ "Fue un gran entusiasta, afiliado, cotizante y organizador del “Frente Popular” y además peligroso por su forma de actuar, dedicándose por algún tiempo y sobre todo cuando se aproximaban las elecciones, a desarrollar una gran propaganda y campaña política en pro de dicho frente. Por su cultura (es Abogado) era siempre el que en los mitines de propaganda electoral, presentaba a los oradores socialistas, galleguistas y de izquierdas que con tal fin llegaban a Mugía, contribuyendo a envenenar el ambiente con sus palabras saturadas de extremismos. Este Sr. en unión de D. Manuel Lastres García, ambos íntimos amigos del funesto Casares Quiroga, tenían fundada una especie de Agencia de colocaciones, que utilizaban como gancho para captarse la voluntad de los vecinos pregonando que el que no fuera de izquierdas no obtendría trabajo y que si algún obrero que no fuera de sus ideales lo conseguía, devengaría jornal inferior al de los demás aunque el trabajo fuera mayor; desarrollando estos trabajos con motivo de la construcción de un muelle en aquél puerto, siendo tratados estos últimos obreros como esclavos mientras que los de izquierdas vivían bajo un régimen de favor patrocinados por el informado y su amigo el Sr. Lastres que parece blasonaban de tener “la sartén por el mango” y la influencia del citado Casares, que en dos ocasiones que estuvo en Mugía, fue obsequiado en el domicilio de estos señores con lunchs y banquete. Fue además uno de los fundadores de la Agrupación de Izquierda Republicana y de los principales cotizantes e influyentes en dicha organización, usando de lo cual cometió algunos atropellos en la preparación de las elecciones que trajeron el “frente popular”; abusando de la autoridad que ejercía como Juez Municipal Suplente en funciones, de cuyo cargo fue substituído al producirse el Movimiento Nacional. POR LO EXPUESTO SE LE INSTRUYE UN EXPEDIENTE DE INCAUTACIÓN". Expediente de depuración de López Abente (1937). Luís Lamela. Estampas de injusticia. La guerra civil del 36 en A Coruña y los documentos originados en la represión. Ediciós do Castro.
↑ ^4,0 ^4,1 López Abente, G. (1965). A terra e a poesía de Eduardo Pondal. Real Academia Galega.
↑ Recepción de Castelao na Real Academia Galega na Coruña o 25 de xullo de 1934.
↑ López Abente, G. (1971). Monza de frores bravas para Nosa Señora da Barca. Real Academia Galega.
↑ Con prólogo de Salvador Lorenzana (pseudónimo de Francisco Fernández del Riego).
↑ Con prólogo de Antón Villar Ponte.
↑ Con portada de Valentín Castro Díaz.

Véxase tamén

Bibliografía

"López Abente, Gonzalo". Diccionario enciclopédico galego universal 38. La Voz de Galicia. 2003-2004. p. 120. ISBN 84-7680-429-6.
"López Abente, Gonzalo". Diciopedia do século 21 2. Do Cumio, Galaxia e do Castro. 2006. p. 1248.
"López Abente, Gonzalo". Enciclopedia Galega Universal 11. Ir Indo. 1999-2002. p. 245. ISBN 84-7680-288-9.
Carballo Calero, R. (1975) [1963]. Historia da literatura galega contemporánea. Galaxia. ISBN 84-7154-227-7.
Couceiro Freijomil, Antonio (1951-53). Diccionario bio-bibliográfico de escritores (en castelán) 2. Bibliófilos Gallegos. p. 298.
Dobarro, X. et al.: Gran Enciclopedia Galega Silverio Cañada (DVD)|format= require |url= (Axuda). Grupo El Progreso. 2005. ISBN 84-87804-88-8.
Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 229. ISBN 84-7492-465-0.
Lorenzana, S. (1971). "Presencia da obra de López Abente". Monza de frores bravas para Nosa Señora da barca. RAG.
Méndez Ferrín, Xosé Luis (1984). De Pondal a Novoneyra. Edicións Xerais de Galicia. ISBN 84-7507-139-2.
Vilavedra, Dolores, ed. (1995). Diccionario da literatura galega I. Galaxia. pp. 330–332. ISBN 84-8288-019-5.
Villar González, Miro (1995). "Gonzalo López Abente, un poeta do mar". Antoloxía poética. Espiral Maior.
Villar Ponte, Antón (1919). "Unhas palabriñas…". O diputado por Veiramar. A Coruña: Imprenta Nova.

Outros artigos

Ligazóns externas

Gonzalo López Abente na páxina da RAG.
Fundación Gonzalo López Abente Arquivado 29 de abril de 2016 en Wayback Machine.
Biblioteca Virtual Galega

[1] "Letras Galegas 1971: Gonzalo López Abente". Real Academia Galega.

[BIOFUNDACION-2] "Biografía. Fundación Lopez Abente". Arquivado dende o orixinal o 06 de novembro de 2018. Consultado o 28 de outubro de 2018.

[3] "Fue un gran entusiasta, afiliado, cotizante y organizador del “Frente Popular” y además peligroso por su forma de actuar, dedicándose por algún tiempo y sobre todo cuando se aproximaban las elecciones, a desarrollar una gran propaganda y campaña política en pro de dicho frente. Por su cultura (es Abogado) era siempre el que en los mitines de propaganda electoral, presentaba a los oradores socialistas, galleguistas y de izquierdas que con tal fin llegaban a Mugía, contribuyendo a envenenar el ambiente con sus palabras saturadas de extremismos. Este Sr. en unión de D. Manuel Lastres García, ambos íntimos amigos del funesto Casares Quiroga, tenían fundada una especie de Agencia de colocaciones, que utilizaban como gancho para captarse la voluntad de los vecinos pregonando que el que no fuera de izquierdas no obtendría trabajo y que si algún obrero que no fuera de sus ideales lo conseguía, devengaría jornal inferior al de los demás aunque el trabajo fuera mayor; desarrollando estos trabajos con motivo de la construcción de un muelle en aquél puerto, siendo tratados estos últimos obreros como esclavos mientras que los de izquierdas vivían bajo un régimen de favor patrocinados por el informado y su amigo el Sr. Lastres que parece blasonaban de tener “la sartén por el mango” y la influencia del citado Casares, que en dos ocasiones que estuvo en Mugía, fue obsequiado en el domicilio de estos señores con lunchs y banquete. Fue además uno de los fundadores de la Agrupación de Izquierda Republicana y de los principales cotizantes e influyentes en dicha organización, usando de lo cual cometió algunos atropellos en la preparación de las elecciones que trajeron el “frente popular”; abusando de la autoridad que ejercía como Juez Municipal Suplente en funciones, de cuyo cargo fue substituído al producirse el Movimiento Nacional. POR LO EXPUESTO SE LE INSTRUYE UN EXPEDIENTE DE INCAUTACIÓN". Expediente de depuración de López Abente (1937). Luís Lamela. Estampas de injusticia. La guerra civil del 36 en A Coruña y los documentos originados en la represión. Ediciós do Castro.

[DISCURSO-4] 4,0 ^4,1 López Abente, G. (1965). A terra e a poesía de Eduardo Pondal. Real Academia Galega.

[5] Recepción de Castelao na Real Academia Galega na Coruña o 25 de xullo de 1934.

[6] López Abente, G. (1971). Monza de frores bravas para Nosa Señora da Barca. Real Academia Galega.

[7] Con prólogo de Salvador Lorenzana (pseudónimo de Francisco Fernández del Riego).

[8] Con prólogo de Antón Villar Ponte.

[9] Con portada de Valentín Castro Díaz.

[1]

[2]

[3]

[4]

[5]

[6]

[7]

[8]

[9]

Biografía

Nacemento	24 de marzo de 1878 Muxía, España
Morte	23 de xullo de 1963 (85 anos) Muxía, España
Educación	Universidade de Santiago de Compostela
Actividade
Ocupación	poeta
Empregador	Irmandades da Fala Seminario de Estudos Galegos Real Academia Galega
Membro de	Real Academia Galega (académico de número) (1941–1963) Real Academia Galega (membro correspondente) (1918–1941)
Xénero artístico	Poesía, novela, teatro
Obra
Obras destacables Escumas da ribeira, 1911 D'Outono, 1924 Nemancos, 1929, Vaosilveiro, 1929
Familia
Cónxuxe	Balbina Abente Myszkovski
Pais	Francisco López García e Xulia Abente Lago
Premios
(1971) Día das Letras Galegas
Sinatura