Forcarei

Forcarei
Localización
	42°35′32″N 8°21′00″O / 42.5922, -8.3501
Estado	España
Comunidade autónoma	Galicia
Provincia	Provincia de Pontevedra
Capital	Forcarei
Poboación
Poboación	3.186 (2023) (19 hab./km²)
Xeografía
Parte de	Tabeirós - Terra de Montes
Superficie	167,7 km²
Comparte fronteira con	Lalín ; Cerdedo-Cotobade ; A Estrada ; A Lama ; O Irixo ; Beariz ; Silleda
Organización política
• Alcaldesa	Verónica Pichel Guisande
	Eleccións municipais en Forcarei
Identificador descritivo
Código postal	36...
Fuso horario	UTC+01:00
Código INE	36018
Páxina web	forcarei.net

Para outras páxinas con títulos homónimos véxase: Forcarei (homónimos).

Forcarei é un concello da provincia de Pontevedra, pertencente á comarca de Tabeirós - Terra de Montes. Segundo o IGE en 2019 tiña 3.388 habitantes. O xentilicio é forcareiés.^[1]

Xeografía

Forcarei é un concello situado ao norte da provincia, linda cos concellos de Cerdedo-Cotobade, Silleda, A Estrada, Lalín, Beariz e A Lama.

Evolución da poboación de Forcarei Fontes: INE e IGE.

1900

1930

1950

1981

2004

2009

2011

2012

2013

2014

2015

2016

2017

2018

2019

2020

2021

2022

2023

7751

8987

9040

7114

4616

4108

4044

(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Censo total	3.388 ⁽²⁰¹⁹⁾
Menores de 15 anos	250 (7,38 %)
Entre 15 e 64 anos	1.702 (50.24 %)
Maiores de 65 anos	1.436 (42,38 %)

No seu termo municipal nacen os tres principais ríos intrínsecos da provincia de Pontevedra: río Umia, río Lérez e río Verdugo.

Historia

En 1833 creouse o concello de Forcarei, se ben entre 1858 e 1862 denominouse Soutelo de Montes.

Patrimonio

Na capital municipal atópase a igrexa parroquial, dedicada a san Martiño. É obra de finais do século XVIII, do mestre canteiro Pedro Varela e o mestre asentador Pedro Gutiérrez. Orixinalmente era de planta de cruz latina pero en 1961 o arquitecto Javier García Santoro ampliou o brazo dereito. A única decoración da fachada, de estilo neoclásico, é unha pequena imaxe da Virxe nunha fornela sobre a porta. Á esquerda da fachada érguese a torre campanario, de sección cuadrangular no primeiro corpo e octogonal no segundo, e rematada nunha pequena cúpula.

Nas escaleiras de acceso á igrexa atópase un cruceiro construído a finais do XIX por Xosé Ferreiro. Este cruceiro estaba situado no centro da praza pero foi trasladado cando se acometeu a remodelación da praza e a construción do edificio do concello.

A Casa do Concello foi proxectada polo arquitecto pontevedrés César Portela.

Na parroquia de Santa María de Aciveiro sitúase o mosteiro de Santa María de Aciveiro que ocupou un papel fundamental na rexión desde a súa constitución no século XII ata o ano 1893. Na actualidade é un Hostal Monumento co nome de Hospedería de San Gonzalo das Penas.

Política

Artigo principal: Eleccións municipais en Forcarei.

Dende o ano 2023 o concello esta gobernado pola coalición formada polo PSdeG-PSOE e o BNG, con Verónica Pichel (PSdeG-PSOE) como alcaldesa.

Sendeirismo

Forcarei conta con dúas rutas homologadas de sendeirismo: o PR-G 100 "Sendeiro Natural Aciveiro - Candán", e o PR-G 113 "Ruta das Pontes do Lérez".

A primeira é unha ruta sendeirista circular de 15 km con principio e fin no coñecido mosteiro de Aciveiro.

A segunda é lineal duns 14 km con principio/fin no mosteiro de Aciveiro e remate/inicio en Gaxín

Forcarei na literatura popular

No convento de Aciveiro/ había un frade galiñeiro/ que así que se puña o sol:/ ¡churras, churras, ó poleiro! ^[2].

Galería de imaxes

Artigo principal: Galería de imaxes de Forcarei.

Antigo escudo na fachada da casa do concello.Renovación do deseño do escudo no ano 2006
Placa altimétrica.
Mosteiro de Santa María de Aciveiro.
Vista de Soutelo de Montes.
Monumento á Muller Labrega de Maxín Picallo.

Parroquias

Galicia \| Provincia de Pontevedra \| Parroquias de Forcarei
Aciveiro (Santa María) \| Castrelo (Santa Mariña) \| Dúas Igrexas (Santa María) \| Forcarei (San Martiño) \| A Madanela de Montes (Santa María Madanela) \| Meavía (San Xoán) \| Millarada (San Amedio) \| Pardesoa (Santiago) \| Pereira (San Bartolomeu) \| Quintillán (San Pedro) \| San Miguel de Presqueiras (San Miguel) \| Santa Mariña de Presqueiras (Santa Mariña) \| Ventoxo (San Nicolao)

Lugares de Forcarei

Para unha lista completa de todos os lugares do concello de Forcarei vexa: Lugares de Forcarei.

Notas

↑ Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 48. ISBN 978-84-8158-706-7.
↑ Marcial Valladares Núñez: Diccionario gallego-castellano (1884), s. v. poleiro. No orixinal: N'o convento d'Acibeiro/ habia un frade galiñeiro/ qu'asi que se puña o sòl/ churras, churras, ò poleiro.

Véxase tamén

Ligazóns externas

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 48. ISBN 978-84-8158-706-7.

[2] Marcial Valladares Núñez: Diccionario gallego-castellano (1884), s. v. poleiro. No orixinal: N'o convento d'Acibeiro/ habia un frade galiñeiro/ qu'asi que se puña o sòl/ churras, churras, ò poleiro.

[1]

[2]