Comarca de Tabeirós - Terra de Montes

Comarca de Tabeirós - Terra de Montes

Centro Comarcal de Tabeirós-Terra de Montes, situado na parroquia de Toedo (A Estrada).
Localización
42°36′N 8°24′O / 42.6, -8.4
Estado	España
Comunidade autónoma	Galicia
Provincia	Provincia de Pontevedra
Capital	A Estrada
Contén a división administrativa	A Estrada Forcarei
Poboación
Poboación	23.659 (2020) (52,53 hab./km²)
Xeografía
Superficie	450,39 km²

A comarca de Tabeirós - Terra de Montes é unha comarca galega situada na provincia de Pontevedra. Pertencen a esta comarca os concellos da Estrada e Forcarei. Tamén se inclúe nesta comarca o concello de Cerdedo malia a súa fusión no 2016 co concello de Cotobade, da comarca de Pontevedra. A comarca está formada por dúas bisbarras diferenciadas: por unha banda, Tabeirós (integrada polo concello da Estrada); e pola outra, unha gran parte da comarca histórica de Terra de Montes.

Esta comarca de 450,39 km²^[1] sitúase entre as Terras do Deza e as da costa e nela distínguense dúas unidades xeográficas distintas: a Terra de Tabeirós ao norte, que forma parte do val do Ulla, e a zona montañosa da Terra de Montes ao sur.

En 2020 a poboación era de 23.659 habitantes^[1], dos cales 20.351 vivían no concello da Estrada,^[2] o que é indicativo do carácter de núcleo reitor comarcal desta vila. As cidades máis importantes preto da comarca son Compostela e Pontevedra.

A comarca de Tabeirós - Terra de Montes está a ser unha zona onde a sangría demográfica é constante: entre 1981 e 2016 a comarca perdeu de 13.474 habitantes (un terzo da poboación).^[3]

Os lugares máis poboados da comarca no 2020 eran os seguintes:^[4]

A Terra de Montes conformouse desde a división parroquial que realizaran os reis suevos Teodomiro e Miro na segunda metade do século VI. A comarca consolidouse coa súa incorporación á sede arcebispal de Iria Flavia. En 1115 o arcebispo Xelmírez, por doazón de Dona Urraca, construíu a torre-fortaleza do Castro de Montes, desde a que os xuíces-meiriños gobernaban a comarca. En 1135 construíuse o mosteiro de Aciveiro, arredor do cal se creou unha importante actividade comercial e artesanal a partir do século XII.

Tras as eleccións municipais do ano 2019, o PP gobernou o concello da Estrada^[5] e o de Cerdedo-Cotobade mentres que o PSdeG-PSOE o de Forcarei^[6].

Vexa o artigo principal en Galería de imaxes da comarca de Tabeirós - Terra de Montes

• 
  Localización da comarca en Galicia.
• 
  Municipios e localización da comarca na provincia de Pontevedra.

• Asociación Amigos da Terra de Montes