Unión Soviética

Unión de Repúbricas Socialistas Soviéticas
Союз Советских Социалистических Республик

1922–1991 (En detalli) (En detalli)
Lema nacional: Пролетарии всех стран, соединяйтесь! (russu; Proletarius de tolos paisis, uni-vus!)
Luengua oficial	Russu
Capital	Moscú
Cumprimentu  - Total  - % augua	22,402,200 km² 1,04%
Puebración  - Total (2007)  - Densiá	293.047.571 (1991) 13,1 ab/qm²
Monea	Rublu
Inu	La Enternacional (1922-1944) Inu la Union Soviética (1944-1991)
Biembru de: ONU, Pactu de Varsóvia

La Unión de Repúbricas Socialistas Sovieticas (abreviau comu Unión Soviética o URSS) hue un estau assitiau en Eurásia, enstituiu comu federal i socialista, que essistió entri 1922 i 1991.

La Unión tuvu un sistema políticu de partiu únicu dominau pol Partiu Comunista ata 1990.^[1] Enque la URSS hue nominalmenti una Union de Repúbricas Soviéticas (15 en total endespues de 1956) cona capital en Moscú, hue realmenti un estau altamenti centralizau con una economía planificá.

La revolución russa de 1917 que provocó la caia del Empériu russu, tuvu como sucessol el Gobielnu Provisional Russu, que hue de corta duracion. Debiu a que los bolcheviquis ganarun la Guerra Civil Russa i hundarun la Union Soviética en diziembri de 1922 cona fusion de la Repúbrica Socialista Federativa Soviética de Rússia, Repúbrica Federal Socialista Soviética de Transcaucasia, República Socialista Soviética de Ucránia i la Repúbrica Socialista Soviética de Bielorrúsia.

Endespues la muerti del primel lídel soviéticu, Vladimir Lenin, en 1924, Josif Stalin estuvu a ganal la runcha pol poel, i derigió el país a través d'una endustrializacion a gran escala con una economia centralizá i a la su vezi, con represion política. En juñu de 1941, duranti la Segunda Guerra Mundial, Alemaña i los sus aliaus envadieron la Union Soviética, un país con el que via estableciu un pactu de no agresión. Endespues de quatru añus duna guerra que causó dañus albondu, la Unión Soviética salió vitoriosa comu una de las dos superpotencias del mundu, junta los Estaus Unius, eniciandu-si la Guerra Fria, que acabijó en 1991, endespues d'una serii reholmas que acabarun cona disolucion de la URSS.

• Rússia
• Arménia
• Azerbaiyán
• Bielorrússia
• Cazastán
• Estónia
• Geólgia
• Letónia
• Lituánia
• Moldávia
• Quirguistán
• Tayiquistán
• Turkmenistán
• Ucránia
• Uzbequistán

1. ↑ Bridget O'Laughlin (1975) Marxist Approaches in Anthropology Annual Review of Anthropology Vol. 4: pp. 341–70 (October 1975) (doi:10.1146/annurev.an.04.100175.002013).
   William Roseberry (1997) Marx and Anthropology Annual Review of Anthropology, Vol. 26: pp. 25–46 (October 1997) (doi:10.1146/annurev.anthro.26.1.25)