TKE Ligako 2022ko denboraldia

**2022ko Eusko Label Liga**
Datu orokorrak

Getariako Arraun Elkarteak (irudian) lehen aldiz egin zuen arraun TKE Ligan 2022ko denboraldian.
Antolatzailea	Traineru Kluben Elkartea
Partaideak	12 talde
Estropadak	20 estropada
Hasiera	2022ko uztailaren 2a
Amaiera	2022ko irailaren 18a
Palmaresa
Txapelduna	Urdaibai (218 p.)
Txapeldunordea	Hondarribia (215 p.)
Ohorezko tx.	Donostiarra (200 p.) Orio (184 p.)
Jaitsiera	Ares (51 p.)
← 2021	2023 →

TKE Ligako 2022ko denboraldia Eusko Label Ligaren hogeigarren denboraldia izan zen. Txapelketa uztailaren 2an hasi zen Bilbo hiriko uretan eta irailaren 18an bukatu zen Portugaleten; guztira, 20 estropada jokatu ziren^[1]. Aurreko denboraldian Eusko Label Ligako garaikurra bigarren aldiz jarraian irabazi ostean, Itsasoko Ama Arraun Elkartea izan zen 2022an titulua defendatzen saiatu zen elkartea^[2]; santurtziarrek, baina, ontzia osatzeko arazoak izan zituzten, neguan arraunlari ugarik taldea utzi baitzuen, eta denboraldiari ziurgabetasun handiarekin ekin zioten^[3]. Lehian Getaria eta Kaiku elkartu zitzaizkion, 2021ean lehen mailan arraun egiteko txartela lortu zuten elkarteak^[4].

Denboraldi honetako txapeldun nagusia Urdaibai izan zen^[5]. TKE Ligaren historian zortzigarren aldia izan zen Bou Bizkaiako mutilek garaikurra irabazi zutena (azkenekoa 2018an izan zen); guztira, 218 puntu lortu zituzten eta 20 estropadetatik 7tan garaile izan ziren. Dena den, azken asteburura arte lehia estua izan zen txapeldunordearekin, Ama Guadalupekoa ontziarekin. Hain zuzen ere, Hondarribia Arraun Elkarteak denboraldiari nahi zuen bukaera eman ez zion arren, 215 puntu eta 7 bandera eskuratu zituen. Ohorezko txanda, bestalde, Donostiarrak eta Oriok osatu zuten^[6]. Azkenik, banderei dagokienez, banaketa zabalagoa izan zen; Hondarribiak 7 bandera eraman zituen herrira, Urdaibaik 6, Donostiarrak 3, eta Oriok eta Ondarroak bana. Antiguako Amako arraunlariek etxean irabazitako bandera ondarrutarrek lehen mailan irabazi zuten bigarren bandera izan zen^[5].

Bestetik, Ares arraun elkarteak agur esan behar izan zion TKE Ligari. Galiziarrak txapelketako kaskarrenak izan ziren: 18 estropadetatik 11etan bi ontzi motelenen artean izan ziren eta 51 puntu baino ez zituzten eskuratu. GT Ligara zuzenean jaisteko txartela, ondorioz, beraien esku gelditu zen; hori bai, TKE Ligaren historian 12. gelditu diren elkarteen artean puntu gehien eskuratu zituena izan zen. Isuntza Arraun Elkartea, aldiz, azkenaurrekoa izan zen 69 punturekin eta lekittarrek maila eusteko jaitsiera play-offa jokatu behar izan zuten. Kanporaketa horretan, baina, atzean utzi zituzten Bueu, San Pedro eta Pedreña ontziak eta, beraz, hurrengo urtean lehen mailan arituko dira Samertolameurekin batera^[5].

Azkenik, CaixaBank Patroi Hoberenaren Saria Ander Etxegoien getariarrarentzat izan zen bigarren aldiz^[7]. Podiuma Unax Eizagirrek eta Gorka Aranberrik osatu zuten.

Partaideak

Guztira, 12 elkartek hartu zuten parte hogeigarren denboraldian; horietatik 6 bizkaitarrak ziren, 4 gipuzkoarrak eta 2 galiziarrak^[1]. Aurreko denboraldiarekin alderatuz gero, berritasuna Getaria eta Kaiku elkarteen parte hartzea izan zen, Tiránek eta Zarautzek utzitako postuak bete zituztenak^[4].


Hondarribia • • Lekittarra • Urdaibai • Cabo da Cruz • Orio • Donostia Kantauri itsasoa Ozeano Atlantikoa • Zierbena • Santurtzi • Ondarroa • Ares • Getaria • Kaiku

Kolorea	Izena	Arraun Elkartea	Trainerua	Entrenatzailea	Udalerria (Herrialdea)	2021
	Ares	Club de Remo Ares	Santa Olalla de Lubre	José Manuel Peláez	Ares (Coruña)	9.a
	Cabo da Cruz	Club de Remo Cabo de Cruz	Cabo da Cruz	Gustavo Vázquez	Boiro (Coruña)	8.a
	Donostiarra	Kaiarriba Arraun Elkartea	Torrekua II	Igor Makazaga	Donostia (Gipuzkoa)	4.a
	Getaria	Getariako Arraun Elkartea	Esperantza	Ion Larrañaga	Getaria (Gipuzkoa)	1.a (KAE)
	Hondarribia	Hondarribia Arraun Elkartea	Ama Guadalupekoa	Mikel Orbañanos	Hondarribia (Gipuzkoa)	2.a
	Kaiku	Kaiku Arraunaren Kirol Elkartea	Bizkaitaŕa	Jose Luis Korta	Sestao (Bizkaia)	2.a (KAE)
	Lekittarra	Isuntza Arraun Elkartea	Lekittarra	Osertz Alday	Lekeitio (Bizkaia)	10.a
	Ondarroa	Ondarroa Arraun Elkartea	Antiguako Ama	Iñaki Errasti	Ondarroa (Bizkaia)	7.a
	Orio	Orio Arraunketa Elkartea	San Nikolas	Jon Salsamendi	Orio (Gipuzkoa)	3.a
	Santurtzi	Itsasoko Ama Arraun Elkartea	Sotera	Mikel Portularrume	Santurtzi (Bizkaia)	1.a
	Urdaibai	Bermeo Urdaibai Arraun Elkartea	Bou Bizkaia	Iker Zabala	Bermeo (Bizkaia)	6.a
	Zierbena	Zierbena Arraun Elkartea	Zierbena	Jon Elortegi	Portua, Zierbena (Bizkaia)	5.a

Estropadak

Denboraldi honetan 20 estropada eta 18 bandera izan ziren jokoan^[1].

Z.	Izena	Lekua	Data	Txapelduna
1.	Bilboko XIII. Bandera	Bilbo, Bizkaia	2022ko uztailaren 2a		Orio
2.	Fabrika XIV. Bandera	Donostia, Gipuzkoa	2022ko uztailaren 3a		Donostiarra
3.	VI Bandeira Cidade da Coruña¹	Coruña, Coruña	2022ko uztailaren 9a		Urdaibai
4.	VI Bandeira Cidade da Coruña¹	Coruña, Coruña	2022ko uztailaren 10a		Urdaibai
5.	Orioko XXXII. Estropadak - Orio Kanpina X. Bandera	Orio, Gipuzkoa	2022ko uztailaren 16a		Hondarribia
6.	Petronor XXXIX. Bandera	Zierbena, Bizkaia	2022ko uztailaren 17a		Donostiarra
7.	Sestaoko Udaleko XXI. Bandera	Sestao, Bizkaia	2022ko uztailaren 23a		Hondarribia
8.	Santurtziko XLIII. Ikurriña	Santurtzi, Bizkaia	2022ko uztailaren 24a		Hondarribia
9.	Getxoko Estropaden XLIV. Ikurriña	Getxo, Bizkaia	2022ko uztailaren 30a		Donostiarra
10.	El Correo XXXVII. Ikurriña-Kutxabank Sari Nagusia	Lekeitio, Bizkaia	2022ko uztailaren 31		Hondarribia
11.	Hondarribiko XXXV. Bandera-Mapfre Sari Nagusia	Hondarribia, Gipuzkoa	2022ko abuztuaren 6a		Urdaibai
12.	Getariako XIII. Estropada-500. Urteurrena Saria	Getaria, Gipuzkoa	2022ko abuztuaren 7a		Urdaibai
13.	Ondarroako XXXVIII. Bandera	Ondarroa, Bizkaia	2022ko abuztuaren 13a		Ondarroa
14.	CaixaBank X. Bandera	Castro Urdiales, Kantabria	2022ko abuztuaren 14a		Hondarribia
15.	Zarauzko XLV. Ikurriña²	Zarautz, Gipuzkoa	2022ko abuztuaren 20a		Urdaibai
16.	Zarauzko XLV. Ikurriña²	Zarautz, Gipuzkoa	2022ko abuztuaren 21a		Hondarribia
17.	Concello de Aresko XV. Bandeira	Ares, Coruña	2022ko abuztuaren 27a		Urdaibai
18.	Concello de Boiroko XXXII. Bandeira	Boiro, Coruña	2022ko abuztuaren 28a		Hondarribia
19.	Bermeo Hiriko XL. Ikurriña-BTWC Sari Nagusia	Bermeo, Bizkaia	2022ko irailaren 17a		Hondarribia
20.	LII. Sari Nagusia-El Corte Inglés XLVII. Bandera	Portugalete, Bizkaia	2022ko irailaren 18a		Urdaibai

¹ Cidade da Coruña bandera bi jardunalditan jokatu zen; bietan bermeotarrak izan ziren azkarrenak eta zapia etxera eraman zutenak^[8].
² Zarauzko Ikurriña bi jardunalditan jokatu zen eta txapelduna Urdaibai izan zen. Nahiz eta bigarren egunean ontzi azkarrena Hondarribiarena izan, bi egunetako denborak gehituta bizkaitarrena izan zen traineru bizkorrena^[9].

Sailkapena

Emaitza	Arraun Elkartea	Puntuak	1	2	3	4	5	6	7	8	9	10	11	12	13	14	15	16	17	18	19	20	Banderak	Lorpena
1.	Urdaibai	218	8	10	12	12	10	9	11	11	10	11	12	12	10	11	12	11	12	11	11	12	6^2,3	Txapelduna
2.	Hondarribia	215	10	11	10	10	12	11	12	12	11	12	11	3	9	12	11	12	11	12	12	11	7³	Txapeldunordea
3.	Donostiarra	200	11	12	9	11	11	12	10	10	12	10	10	10	6	10	9	10	9	10	10	8	3	Ohorezko txanda
4.	Orio	184	12	9	11	9	9	10	9	9	9	9	8	11	5	9	10	9	10	9	7	10	1	Ohorezko txanda
5.	Getaria	128	6	8	8	7	3	8	5	2	6	8	9	6	4	8	7	6	6	6	8	7	-
6.	Kaiku	113	4	7¹	5	8	7	7	7	7	8	2	3	8	2	4	2	8	5	5	5	9	-
7.	Zierbena	111	9	4	4	6	8	6	8	3	5	4	4	2	3	6	8	7	1	8	9	6	-
8.	Cabo da Cruz	98	5	5¹	1	1	5	1	6	4	7	6	5	5	11	3	4	3	8	7	6	5	-
9.	Ondarroa	77	3	1	3	5	4	2	3	5	4	5	7	4	12	5	6	2	3	3	-	-	1
10.	Santurtzi	75	7	3	2	4	2	4	4	6	1	1	1	9	8	7	3	5	7	1	-	-	-
11.	Lekittarra	69	1	6	7	2	6	5	1	1	3	7	6	7	1	1	5	4	2	4	-	-	-	Jaitsiera play-offa
12.	Ares	51	2	2	6	3	0⁴	3	2	8	2	3	2	1	7	2	1	1	4	2	-	-	-	2023ko GT Liga

¹ Kaikuk eta Cabo da Cruzek hiruna segundoko zigorra jaso zuten^[10].
² Cidade da Coruña bandera bi jardunalditan jokatu zen; bietan bermeotarrak izan ziren azkarrenak eta zapia etxera eraman zutenak^[8].
³ Zarauzko Ikurriña bi jardunalditan jokatu zen eta txapelduna Urdaibai izan zen. Nahiz eta bigarren egunean ontzi azkarrena Hondarribiarena izan, bi egunetako denborak gehituta bizkaitarrena izan zen traineru bizkorrena^[9].
⁴ Ares estropadatik kanporatua izan zen azken luzean Cabo da Cruzen traineruaren aurka jo ondoren^[11].

Jaitsiera/Igoera play-offa

Jaitsiera/Igoera play-offean bost ontzik hartu zuten parte: TKE Ligako denboraldia 11. postuan amaitu zuen elkarteak, Lekittarrak; KAE Ligako bi traineru azkarrenek, San Pedrok eta Pedreñak; eta Galiziako Traineruen Ligako lehenengo bi traineruek, Samertolameuk eta Bueuk. Bostetik bik baino ez zuten lortuko 2023ko denboraldian parte hartzeko txartela^[12].

Kolorea	Izena	Arraun Elkartea	Trainerua	Entrenatzailea	Udalerria (Herrialdea)	Emaitza
	Bueu	Club de Mar Bueu	Maruxia	José Ferral	Bueu (Pontevedra)	2.a (GTL)
	Lekittarra	Isuntza Arraun Elkartea	Lekittarra	Osertz Alday	Lekeitio (Bizkaia)	11.a
	Pedreña	Sociedad Deportiva de Remo Pedreña	La Pedreñera	Joseba Fernández	Pedreña, M. de Cudeyo (Kantabria)	2.a (KAE)
	Samertolameu	Sociedad Deportiva Samertolameu	A Terca	Daniel Pérez	Meira, Moaña (Pontevedra)	1.a (GTL)
	San Pedro	Sanpedrotarra Arraun Elkartea	Libia	Asier Carballeda	San Pedro, Pasaia (Gipuzkoa)	1.a (KAE)

Emaitza	Arraun Elkartea	Puntuak	1. estrop.	2. estrop.	Lorpena
1	Lekittarra	9	5	4	2023ko TKE Liga
2	Samertolameu	9	4	5	2023ko TKE Liga
3	Bueu	6	3	3	2023ko GT Liga
4	San Pedro	3	2	1	2023ko KAE Liga
5	Pedreña	3	1	2	2023ko KAE Liga

Patroi Hoberenaren saria

Postua	Patroia	Arraun Taldea	Puntuak^[1]
1	Ander Etxegoien	Orio	141
2	Unax Eizagirre	Getaria	115
3	Gorka Aranberri	Urdaibai	109
4	Felix Duarte	Cabo da Cruz	102
5	Arkaitz Diaz	Donostiarra	98

Erreferentziak

↑ ^a ^b ^c ^d "2022ko egutegia eta emaitzak". Eusko Label Liga. 2022.05.25
↑ (Gaztelaniaz) «Santurtzi deja de ser amenaza» El Diario Vasco (Noiz kontsultatua: 2021.11.12).
↑ «Santurtzik irabazi du Eusko Label Liga» Berria (Noiz kontsultatua: 2022.01.06).
↑ ^a ^b «Tolosaldea Euskotren Ligan arituko da; Getaria eta Kaiku, Eusko Label Ligan» Eitb.eus (Noiz kontsultatua: 2022.01.02).
↑ ^a ^b ^c «Urdaibaik irabazi du Eusko Label liga ere» Berria (Noiz kontsultatua: 2022.10.07).
↑ «Urdaibai, Eusko Label Ligako txapeldun denboraldiko azken bandera irabazita» Eitb.eus (Noiz kontsultatua: 2022.10.07).
↑ «Ander Etxegoien eta Nadeth Agirre sarituko dituzte bihar, patroi onenak izan direlako» Karkara (Noiz kontsultatua: 2022.10.20).
↑ ^a ^b «Urdaibaik aurrerapausoa eman du Coruñako Banderako lehen jardunaldian» Eitb.eus (Noiz kontsultatua: 2022.07.09).
↑ ^a ^b «Oriok eta Urdaibaik irabazi dituzte Zarauzko Ikurrinak» Berria (Noiz kontsultatua: 2022.08.21).
↑ "Fabrika XIV. Bandera-Emaitzak". Eusko Label Liga. 2022.07.02
↑ (Gaztelaniaz) «Cabo recupera los puntos de Orio tras estimarse sus alegaciones» El Diario Vasco (Noiz kontsultatua: 2022.07.26).
↑ "Play-off 2. jardunaldia". Eusko Label Liga. 2022.09.18

Ikus, gainera

Kanpo estekak

TKE Ligaren webgunea

[Bibliografia1-1] "2022ko egutegia eta emaitzak". Eusko Label Liga. 2022.05.25

[Bibliografia2-2] (Gaztelaniaz) «Santurtzi deja de ser amenaza» El Diario Vasco (Noiz kontsultatua: 2021.11.12).

[3] «Santurtzik irabazi du Eusko Label Liga» Berria (Noiz kontsultatua: 2022.01.06).

[Bibliografia6-4] «Tolosaldea Euskotren Ligan arituko da; Getaria eta Kaiku, Eusko Label Ligan» Eitb.eus (Noiz kontsultatua: 2022.01.02).

[Bibliografia3-5] «Urdaibaik irabazi du Eusko Label liga ere» Berria (Noiz kontsultatua: 2022.10.07).

[Bibliografia4-6] «Urdaibai, Eusko Label Ligako txapeldun denboraldiko azken bandera irabazita» Eitb.eus (Noiz kontsultatua: 2022.10.07).

[7] «Ander Etxegoien eta Nadeth Agirre sarituko dituzte bihar, patroi onenak izan direlako» Karkara (Noiz kontsultatua: 2022.10.20).

[Bibliografia5-8] «Urdaibaik aurrerapausoa eman du Coruñako Banderako lehen jardunaldian» Eitb.eus (Noiz kontsultatua: 2022.07.09).

[Bibliografia7-9] «Oriok eta Urdaibaik irabazi dituzte Zarauzko Ikurrinak» Berria (Noiz kontsultatua: 2022.08.21).

[10] "Fabrika XIV. Bandera-Emaitzak". Eusko Label Liga. 2022.07.02

[11] (Gaztelaniaz) «Cabo recupera los puntos de Orio tras estimarse sus alegaciones» El Diario Vasco (Noiz kontsultatua: 2022.07.26).

[12] "Play-off 2. jardunaldia". Eusko Label Liga. 2022.09.18

[1]

[2]

[3]

[4]

[5]

[6]

[7]

[8]

[9]

[10]

[11]

[12]