Club do Mar Bueu

Club do Mar Bueu
Sorrera	1982
Herria	Bueu, Pontevedra
Lehendakaria	Manuel Juncal Gil
Entrenatzailea	José Ferral
Patroia(k)	Andrés Ríos Villar Jesús Rodríguez Piedras
Kolorea(k)	gorria eta beltza
Trainerua	Maruxia
Palmaresa	0 Kontxako Bandera 0 TKE Liga 0 Galiziako A Liga 0 Galiziako B Liga 1 Espainiako Txapelketa 0 Galiziako Txapelketa
2024: Kontxa	ez
2024	12.a (TKE Liga)
Webgunea	www.marbueu.es.tl

Club do Mar Bueu Galiziako Pontevedran dagoen Bueuko arraun taldea da.

1982an sortu zen taldea eta 1986an Espainiako Batel Txapelketan hartu zuen parte. 1989an Galiziako Traineru Txapelketan hirugarren egin zuen. Galiziako traineru ligan 2004ean lortu zuen posturik onena, zortzigarren hain zuzen ere. 2008an izan zuen azken denboraldia eta 2012an C.R. Vila Cangasekin bat eginda Sociedad Deportiva de Remo Morrazo izenarekin itzuli zen Galiziako B Ligara eta elastiko zuria eta traineru beltza zeramatela. Bi urte egin dituzte elkarrekin eta bietan bosgarren gelditu dira.

Itzulera bikaina izan zuen, Galiziako B Ligan bigarren postuan gelditu eta igoera play-offetan Galiziako lehen mailara igo zen. 2015 denboraldian ordea arraunlari batzuk Samertolameuk fitxatu zizkion eta ezinean aritu ondoren Ligako azken postuan gelditu zen Bueu. 2016rako traineruen kopuruen birmoldaketa bat egon zenez A Ligan mantentzea lortu zuen. Hurrengo urteetan A Ligako ohorezko txandan aritu da.

2021ean bigarren eginez igoera play-offak jokatu zituen baina ez zuen igoerarik lortu. 2022an maila bikainean jarraitu zuen. Espainiako Txapelketa irabazi zuen eta azken aurreko estropadan egindako akats baten erruz ez zuen Galiziako Liga irabazi. Play-offean hirugarren egin zuen eta ez zuen mailaz igotzerik lortu. 2023an hirugarren aldiz jarraian txapeldunordea izan zen Galiziako Ligan eta sorpresa emanez TKE Ligara igotzea lortu zuen. Hurrengo urtean azken postuan gelditu zen eta maila galdu zuen.

• Txapelduna (1): 2022.

• Galiziako Traineru Txapelketa (0): hirugarren 1985ean, 1989an eta 1992an.

• Parte hartzeak (1): 2024
• Galiziako A Liga (0): bigarren 2021, 2022 eta 2023ab.
• Galiziako B Liga (0): bigarren 2014an.

• Espainiako Trainerilla Txapelketa (1): 2021 (gazte mailakoa).

• Espainiako Batel Txapelketa (1): 2020.
• Galiziako Batel Txapelketa (3): 2018, 2019, 2020.

Club do Mar Bueu - B
Sorrera	1982
Patroia(k)
Kolorea(k)	gorria eta beltza
Trainerua	Maruxia
Palmaresa	0 Galiziako A Liga 0 Galiziako B Liga
2024: Kontxa	ez
2024	5.a (Galiziako B Liga)

2024 denboraldian talde nagusiak TKE Ligara igotzea lortu zuen lehen aldiz eta Galiziako Ligarako B trainerua osatu zuen.

• (Galizieraz) Liga Galega de Traiñeiras-en webguneko informazioa

	2024ko TKE ligako taldeak
Bermeo Urdaibai  • Bueu  • Cabo da Cruz  • Donostiarra  • Getaria  • Hondarribia  • Kaiku  • Lekittarra  • Ondarroa  • Orio  • San Pedro  • Zierbena