O Pocino de Charo

Ye una aldeya historica de Charo, a poquez cientos de metros de a dita localidat, y tamién situada en as garras de o tozal de Charo, anque en alto d'un sarratón por a man norte, o que ye o motivo d'a suya denominación. Se i arriba por una bifurcación d'a pista que se desepara d'a carretera local HU-V-6442 ta puyar-se-ne ta Charo.

En chunto con Charo, a Lueza, Aluchán y bellas pardinas que tamién i ha en as baixants d'o tozal, va estar parte d'o municipio de Charo dica a suya inclusión en o municipio de Muro de Roda cara ta 1857.^[3][4] Dende a decada de 1960 fa parte d'o municipio d'a Fueva.^[3]

A capilleta d'a localidat ye consagrada a l'advocación de Sant Esteban, y en l'actualidat se destina ta borda ta magacenar-ie ferramientas.

O nombre d'o Pocino gosa tener una etimolochía latina clara, pos dimana de a parola aragonesa «pocino» (d'o latín «<PUTINUS», «de puzos» u d'o latín «(LOCUM) OPACĪNUM»^[5] "puesto escuro") que suele definir un puesto en l'ubago de bel mont, que ye chusto como se troban as casas d'a población respective a o tozal de Charo. L'apelativo «de Charo» se documenta dende 1873, y fa referencia clara a la pertenencia a o municipio que teneba cabecera en Charo.

•  
  Una casa en o Pocino, con boira.
•  
  Bordas.

• 1 de mayo, fiesta menor,^[6] fendo-le honras a Sant Salvador, que se celebra de conchunta con os vecins de Charo y con a Lueza.
• 11 de noviembre, Fiesta Mayor, fendo-le honras a Sant Martín.^[6]

•   Se veigan as imáchens de Commons sobre o Pocino.