Carrera (Muro de Roda)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre Carrera que ye una pardina en a Fueva. Ta altros usos d'a parola «Carrera» se veiga Carrera.

Carrera ye una pardina d'o municipio d'a Fueva, en a provincia de Uesca y comarca de Sobrarbe. Actualment se troba despoblada.

Carrera
Despoblau d'Aragón
Entidat  • País  • Provincia  • Comarca  • Municipio	Despoblau  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	0 hab. (2010)
Altaria  • Meyana	±900 m.
Codigo postal	22336
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas	42°21′38.41″N 0°14′15.48″E
Carrera Carrera en Aragón

Carrera ye una sola casa que se troba en a baixant occidental d'o tozal de Muro de Roda, cosirando a fondonada d'a Fueva. Se troba a poca distancia por debaixo de Muro de Roda, en una garra de o mismo tozal a on ye o lugar, y un poquet mas luent por alto d'a pardina de Fumanal. Aproximadament, 1 kilometro a desepara de l'altra pardina que i hai en a comarca, que ye o Pamporciello, anque se troba en o calcil d'a sierra, cuasi en o plano.

A casa de Carrera, que be de datar d'o sieglo XVI por as suyas caracteristicas constructivas, ye en verdat un casal fuerte defensau con una torre retonda con aspilleras y finestrons ta fer tiro en un d'os suyos costaus.^[1] Isto a emparenta con Casa Mur d'Aluchán y con a Casa Moriello d'Arasanz. En l'actualidat a casa no disposa de tellau, y buena cosa d'as paretz i son caitas.^[1]

En chunto con belaltras pardinas d'a comarca, y con os lugars de Ministirio, Muro de Roda y o Lumo de Muro, va fer parte d'o municipio de Muro de Roda dica a suya absorción en a Fueva en a decada de 1960.^[2]