O Mediano

O Mediano ye en as garras meridionals d'a sierra Ferrera, en o cabo alto d'una extensión de faixas de cultura estreitas y menudas. Se concara con o sarrato de a Mula, por alto de Moliniás y a poquez cientos de metros de a pardina de a Marinyosa.

Toz cuatro asentamientos, a Marinyosa, Moliniás, a Mula y o Mediano, formaban a partida de «Fosau Alto», fendo achuntamiento de conchunta con o lugar de Fosau («Fosau Baixo»), que ye o lugar mas amanau. Dende o sieglo XIX, as aldeyas y as pardinas de Fosau yeran incluidas en o municipio de Toledo d'a Nata, dica que en a decada de 1960 o municipio va desapareixer en achuntar-se en o nuevo achuntamiento de a Fueva.^[2]

Seguntes Manuel Benito Moliner, o termin «Mediano» puede fer referencia a la posesión de bel propietario antigo, con nombre «MEDIO»^[3] con l'addición d'una terminación -ano (especificadera de pertinenza), lo que significaría que ye de procedencia latina.