Fuent de Campo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Fuent de Campo (oficialment, en castellano, «Fuendecampo») ye un lugar aragonés d'o municipio d'a Fueva, en a provincia de Uesca y comarca de Sobrarbe. A suya población ye de 32 habitants (2011^[1]).

Fuent de Campo
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	32 hab. (2011)
Altaria  • Meyana	689 m.
Distancia  • 123 km  • 13 km  • 7 km	enta Uesca enta L'Aínsa enta Tierrantona
Codigo postal	22452
Patrons	Asumpción de María
Parroquial  • Diocesi  • Arcipestrau	Balbastro-Monzón Sobrarbe-Ribagorza
Ríos	A Nata
Coordenadas	42°24′45.82″N 0°15′54.88″E
Fuent de Campo Fuent de Campo en Aragón

O nuclio se troba formau de 6 casas, as 3 mas antigas en chunto con a ilesia forman un conchunto constructivo dificil de datar, caracterizau sobre tot por una vuelta triple de piedra que conecta os diferents edificios. As demés casas se troban esparzas, tan como bellas bordas y as naus d'as granchas de bestiar que son a industria d'o lugar, en dando-le a Fuent de Campo una disposición global de casar disperso. Se troba en o centro d'a plana agricola que ye o norte d'a Fueva, con as suyas casas a pocos metros d'o río d'a Nata.

Fuent de Campo con altros nuclios d'o norte d'a subcomarca de a Fueva, fayón parte d'o municipio de Toledo d'a Nata dica la suya absorción, en a decada d'os 60, por o municipio d'a Fueva. Fuent de Campo yera o mas gran d'os nuclios que integraban o Toledo, y lo mas baixo en altitut, por trobar-se ya en a plana de a Fueva.