可愛文化

可愛文化（日文：かわいい文化）係指日本所引領嘅一種流行文化，自1970年代以來，「可愛」已經成為咗日本文化嘅重要要素，譬如大眾文化、娛樂、服裝、飲食、玩具、打扮、行為同禮節等，無一樣唔受佢影響。外國觀察家發現日本嘅可愛文化好得意，但有時又顯得怪異，因為日本人將呢種文化運用喺幾乎所有嘅生活領域中，甚至係人口統計學都係噉。呢種現象喺其他文化入面好可能代表嘅就係將細路仔嘅嘢用喺嚴肅嘅場合，畀人感覺好兒戲（例如政府出版物、公共告示牌、辦公室、軍方嘅廣告同埋民航機等等，數都數唔嗮）。

作為一種文化現象，「可愛」已經成為咗日本文化嘅一部分，亦成為咗日本嘅國家象徵之一。《酷日本》（日文標題：クール・ジャパン）嘅作者杉山知之相信，「可愛」早已深植喺日本嗰種以和為貴嘅文化入面。武藏大學社會學教授栗田宣義指出「可愛」喺日本係一個「好有魔力嘅詞」，只要係人類想像得到嘅嘢都可以係可愛嘅^[1]。

另一方面，對「可愛文化」抱懷疑態度嘅人認為可愛其實係人類童心未泯嘅象徵^[1]。但係有啲日本人認為「可愛文化」畀人感覺日本人始終唔願意長大，逃避殘酷嘅現實，亦危及咗傳統文化。但亦都有人認為可愛文化幫日本賺到大筆嘅錢，甚至為日本文化外交力量創造咗有利嘅籌碼^[2][3][4]。

可愛商品喺東亞國家或地區特別流行，例如韓國、臺灣同埋香港^[5]。其中尤其係臺灣受影響最犀利。

喺某啲亞洲同西方文化當中，鍾意日本流行文化嘅人經常將日文嘅「可愛」（kawaii，可愛い）同其他日文單詞連用，但實際上會造成誤用。「可愛」一般淨用喺御宅族次文化入面，美國歌手Gwen Stefani曾經喺佢嘅MV當中隨口講出咗呢個詞^[6]。

• 可愛
• 萌
• 日本流行文化
• 日本街頭時尚

• （香港繁體）卡哇伊熱潮 扭轉日本文化
• （香港繁體）日本文化 難解可愛魔咒
• （香港繁體）日本「卡瓦伊」文化的幼稚力
• （大陸簡體）日本人生活離不開“卡哇伊”
• （大陸簡體）日本流行文化 可愛當道
• （大陸簡體）中日合拍動畫片 關公變卡哇伊？