Siktivkar

Siktivkar
Сыктывкар (ven. da komi)
Lidnanznam;	Flag;
Valdkund	Venäma
Eläjiden lugu (2016)	245,313 ristitud
Pind	152 km²
	Siktivkar Сыктывкар (ven. da komi)
Pämez'	Vladimir Goldin (velgusentäutai, 18−11−2016-)
Telefonkod	+7−8212-xxx-xxx
Avtokod	11, 111
Aigvö	UTC+3 (MSK+0)

Siktivkar (ven. da komi: Сыктывкар, venälaine virkand: [sɨktɨfˈkar], znamoičeb «Sisol-lidn», «lidn Sisol-jogen randal» komin kelel) om lidn Venälaižes Federacijas. Se om Komin Tazovaldkundan pälidn da kaikiš suremb lidn.

Fail:Администрация Сыктывкара.jpg

Lidnan nevondkundan da administracijan pert' (ezimal).

Fail:Название города на коми языке.jpg

«Siktivkar»-nimituz komin kirjamil.

Istorii

Eländpunkt mainitase ezmäižen kerdan kuti Permevelisk vl 1570 Orteliusan atlasas. Vl 1586 jumalankodikundan tulendan Ust'-Sisol-keskuz jumalankodinke mainitase Jarenskan aigkirjas, lähižidenke nimitadud tanhidenke ühtes. Vl 1780 volost' sai lidnan statusad, nimitihe lidnad Ust'-Sisol'sk:aks (ven.: Усть-Сысольск). Vozil 1796-1918 oli Vologdan gubernijan makundan keskuseks.

Vl 1930 lidnad udesnimitihe nügüdläižikš VCIK:an käskön mödhe, anttihe nimi komin kelel lidnan 150-voččen jubilejan oiktastuseks. Vspäi 1936 (5. tal'vku) Siktivkar om sätud Komin Tazovaldkundan pälidnaks.

Geografijan andmused

Siktivkar seižub soiden da mecoiden keskes. Lidn sijadase tazovaldkundan suvipäivlaskmas, Sisolan (komi: Сыктыв / Сыктыл, ven.: Сысола) lanktendan sijas Vičegd-jogehe (huralpäi), Sisolan hural randal tobjimalaz i Vičegdan hural randal. Lidnan keskuz seižub 172 m korktusel valdmeren pindan päl. Matkad Moskvhasai om 1003 km suvipäivlaskmha orhal, 1331 km avtotedme (Kirovan kal't).

Klimat om ven. Voden keskmaine lamuz om +1,3 C°. Voib panda halad heinkus eskai. Paneb sadegid 621 mm vodes, kezal niid om enamba (73-75 mm kus).

Siktivkaran Ežvan rajon om ičeze administracijanke, märitud röunanke. Toižed rajonad oma lidnanlaptoikš, ned oma oficialižetomad, märitud röunoid niil ei ole. Ližaks, 3 lidnanvuittušt žilod da 3 muite žilod mülüdas Siktivkaran lidnümbrikho.

Eläjad

Vl 1967 lidnan ristitišt oli 102 tuhad eläjid. Vl 2010 lidnan eläjiden lugu oli 235 006 ristitud, lidnümbrikos — 250 874 rist.

Rahvahad (lidnümbrik, vn 2010 Venäman rahvahanlugemižen mödhe^[1], enamba 0,4%): venälaižed — 63,0%, komilaižed — 24,7%, ukrainalaižed — 2,6%, saksalaižed — 0,8%, vaugedvenälaižed — 0,8%, totarlaižed — 0,5%, azerbaidžanlaižed — 0,5%, čuvašalaižed — 0,4%, toižed — 2,3%, rahvahuden ozutandata — 4,4%.

Ižanduz da transport

Ižandusen päsarakod oma mecan ümbriradmine, cellüloz-bumagaine sarak, sauvondmaterialiden pästand, sömtegimišt.

Avtobusad, taksid da ehtatimed (kezal) oma kundaližeks transportaks lidnas. Raudte tuli lidnha vl 1961. Avtobusad da lendimed ühtenzoittas Siktivkarad makundoiden keskusidenke da federacijan lahižiden subjektoiden pälidnoidenke. Rahvahidenkeskeine civiline Siktivkar-lendimport (SCW / СЫВ) sijadase 2 km päivnouzmha lidnan keskusespäi. Sišpäi tehtas reisid Venämadme, Bakuhu, om čarterreisid Keskmeren lebutahoihe.

Homaičendad

↑ Национальный состав и владение языками, гражданство (Rahvahaline mülükund da kel'mahtused, rahvahanikuz) //Vn 2010 Venäman rahvahanlugemižen lopmižed Komin Tazovaldkundas. — Komistat (komi.gks.ru). (ven.)

Irdkosketused

	Komin Tazovaldkundan lidnad
	Int \| Jemv \| Mikun' \| Pečor \| Siktivkar \| Sosnogorsk \| Uht \| Usinsk \| Vorkut \| Vuktil

	Venälaižen Federacijan subjektoiden pälidnad
	Abakan \| Alauz'lidn \| Anadir' \| Arhangel'sk \| Astrahan' \| Barnaul \| Belgorod \| Birobidžan \| Blagoveščensk \| Bränsk \| Čeboksarad \| Čeläbinsk \| Čerkessk \| Čit \| Elist \| Gatčin \| Gorno-Altaisk \| Groznii \| Habarovsk \| Hanti-Mansiisk \| Irkutsk \| Iževsk \| Ivanovo \| Jakutsk \| Jaroslavl' \| Jekaterinburg \| Joškar-Ol \| Kaliningrad \| Kalug \| Kazan' \| Kemerovo \| Kirov \| Kizil \| Kostrom \| Krasnodar \| Krasnogorsk \| Krasnojarsk \| Kurgan \| Kursk \| Lipeck \| Magadan \| Magas \| Mahačkal \| Maikop \| Moskv \| Murmansk \| Nal'čik \| Nar'jan Mar \| Novosibirsk \| Omsk \| Orel \| Orenburg \| Penz \| Perm' \| Petropavlovsk Kamčatkal \| Petroskoi \| Piter \| Pskov \| Rostov Donal \| Räzan' \| Salehard \| Samar \| Saransk \| Saratov \| Siktivkar \| Simferopol' (de fakto) \| Sevastopol' (de fakto) \| Smolensk \| Stavropol' \| Sur' Uz'lidn \| Suvisahalinsk \| Tambov \| Tomsk \| Tul \| Tver' \| Tümen' \| Uf \| Ulan Ude \| Ul'janovsk \| Vladikavkaz \| Vladimir \| Vladivostok \| Volgograd \| Vologd \| Voronež

[1] Национальный состав и владение языками, гражданство (Rahvahaline mülükund da kel'mahtused, rahvahanikuz) //Vn 2010 Venäman rahvahanlugemižen lopmižed Komin Tazovaldkundas. — Komistat (komi.gks.ru). (ven.)

[1]

Lidnanznam	Flag
Valdkund	Venäma
Eläjiden lugu (2016)	245,313 ristitud
Pind	152 km²
Siktivkar Сыктывкар (ven. da komi)
Pämez'	Vladimir Goldin (velgusentäutai, 18−11−2016-)
Telefonkod	+7−8212-xxx-xxx
Avtokod	11, 111
Aigvö	UTC+3 (MSK+0)