Akkusatiiva
Akkusatiiva lea nominatiiva-akkusatiiva-gielaid nomeniid kásus. Dáin gielain akkusatiiva almmuha, ahte sátni lea transitiivavearbba objeaktan.
Davvisámegiela akkusatiiva
[rievdat | rievdat wikiteavsttain]Davvisámegielas akkusatiiva lea seamma hápmi go genetiivvas. Jos definere kásusa morfologalaš davvisámegielas ii leat go guokte grammatihkalaš kásusa: nominatiiva ja genitiiva, nie ahte davvisámegiela objeakta lea genitiivvas. Substantiivvat sojahuvvojit dušše ovttaid- ja máŋggaidloguin, muhto persovdnapronomenat sojahuvvojit maiddái guvttiidlogus. Máŋggaidlogu geažus lea -i- ja akkusatiivva geažus, -d dahjege ovttas máŋggaidlogu akkusatiivva geažus lea -id[1]:
Substantiivvat
[rievdat | rievdat wikiteavsttain]| ovttaidlohku | máŋggaidlohku | |
|---|---|---|
| Bárrastávvalsubstantiiva | máná | mánáid |
| Bárahisstávvalsubstantiiva | beatnaga | beatnagiid |
| Kontrakšuvdnasubstantiiva | bohcco | bohccuid |
Persovdnapronomenat
[rievdat | rievdat wikiteavsttain]| Persovdna ja lohku | Nominatiiva | Akkusatiiva |
|---|---|---|
| 1. ovttaidlohku | mun | mu |
| 2. ovttaidlohku | don | du |
| 3. ovttaidlohku | son | su |
| 1. guvttiidlohku | moai | munno |
| 2. guvttiidlohku | doai | dudno |
| 3. guvttiidlohku | soai | sudno |
| 1. máŋggaidlohku | mii | min |
| 2. máŋggaidlohku | dii | din |
| 3. máŋggaidlohku | sii | sin |
Dárogiela akkusatiiva
[rievdat | rievdat wikiteavsttain]Dárogielas akkusatiiva gávdno dušše pronomena sojaheamis. Pronomen lea akkusatiivvas go vearbba preposišuvnna objeaktan
- Eg ser deg "Mun oainnán du"
- Eg kjem til deg "Mun boađán du lusa"
Substantiivvain ja numerálain lea čađat seammá hápmi, vaikko livččii makkár funkšuvdna cealkkagis.
Geahča maid
[rievdat | rievdat wikiteavsttain]- Mu uhca giellaoahpas (RTF)
Gáldut
[rievdat | rievdat wikiteavsttain]- ↑ Substantiivvat: Kásus : Akkusatiiva 02.07.2012 17:59:03: Romssa universitehta: Giellatekno. Čujuhuvvon 24.05.2013.