Diabétis Mellitus

Diabétis Mellitus

Supkategoria di	glucose metabolism disease, endocrine system disease, autoimmune disease of endocrine system
Ta kousa	cataract, peripheral neuropathy, diabetic retinopathy, diabetic nephropathy, diabetic foot
Studiá pa	endocrinology, diabetology
Afflicts	Homo sapiens
Health specialty	diabetology, endocrinology
Symptoms and signs	polyuria, polydipsia, polyphagia
Drug or therapy used for treatment	chromium picolinate, voglibose, Insulin Lispro, metformin
Possible medical findings	polyuric-polydipsic syndrome
Risk factor	maternal smoking
Handled, mitigated, or managed by	diabetes management
ICD-9-CM	250
NCI Thesaurus ID	C2985, C2985

Diabétis Mellitus (DM), mas miho konosi komo suku den boka di pueblo, ta forma parti di un grupo di malesa metabóliko den kual un nivel haltu di suku ta wòrdu midi den sanger pa un periodo largu.^[1] Síntomanan di suku haltu den sanger ta urina frekuente i mas set i hamber ku normal. Sin tratamentu diabétis por kousa diferente komplikashon riba termino kortiku i largu. Komplikashonnan den termino kortiku ta inklui, koma i morto. Riba termino largu komplikashonnan manera atake selebral, bista ku ta bai atras, malesa di nir króniko i malesa di kurason. 

Diabétis ta un konsekuensia di un pankreas ku no ta traha sufisiente insulina òf ora sèlnan den bo kurpa no réakshona bon riba insulina. Tin tres tipo prinsipal di diabétis mellitus:

• Diabétis tipo 1 (DM 1) ta un konsekuensia di un pankreas ku no ta traha sufisiente insulina. E motibo pa kual esaki ta sosode no ta konosí.
• Diabétis tipo 2 (DM 2) ta un konsekuansia di selnan den bo kurpa ku no ta reakshona bon riba insulina.
• E di tres forma di diabétis ta okurí den hende muhe embarasá, ku prome ku nan embaraso no ta tin diabétis, ku ta desaroya un nivel haltu di suku den sanger. 

Prevenshon i tratamentu di diabétis ta konsistí di un dieta salú, ehersisio regularmente, un peso normal i stop di huma. DM tipo 1 ta wòrdu tratá dor di inyekshon di insulina. DM tipo 2 por wòrdu tratá ku inyekshon di insulina pa baha nivel di suku den sanger. Den algun hende ku DM tipo 2, baha di peso ta un manera efektivo pa manehá e malesa aki. Hende muhé embarasá ku ta desaroyá diabétis durante nan embaraso ta rekupera mesora despues di nasementu di e yu.

Síntomanan di diabétis sin tratamentu ta, baha di peso, urina hopi (mas ku normal), hopi set i hamber. Den DM tipo 1 e síntomanan aki ta desaroya rapidamente (dentro di siman òf luna). Al kontrario,  den DM tipo 2 nan ta desaroya poko poko i den sièrto kaso nan ta ousente.

Maske e síntomanan menshoná aki riba ta esnan mas komun tin diferente otro síntomanan ku ta presenta den hende ku DM ku no ta spesifiko pa e malesa aki. Dolor di kabes, kansansio, heridanan difísil pa kura, infekshon di kueru i bista ku ta bai atras òf bista wazu.

Tur forma di diabétis ta kore riesgo di komplikashonnan riba termino largu (10-20 aña). Un di e komplikashonnan mas grandi ta dańo na vena ku ta duna mas chèns pa haña problema ku kurason.

Un di e promé komplikashonnan ta daño di vena chikí ku ta kousa problema ku wowo, nir i nèrvio. Daño na wowo ta resulta den bista ku tiki tiki ta bai atras i sieguedat. Daño di vena di nir ta resulta den proteína den urina ku den termino largu por kousa malesa di nir króniko. Hende ku malesa di nir króniko mayoria bia mester di diálisis òf un transplante di nir. Daño di nèrvio den kurpa ta e komplikashon mas komun. Síntomanan ta doló i menos sintído den man ku pia.

Sièrto hende ta haña herida na pia ku ta difísil pa kura i ku tin bia ta wòrdu tratá dor di amputashon.