Euzkadi Buru Batzarra

Euzkadi Buru Batzarra edo EBB Euskal Herri osorako Euzko Alderdi Jeltzaleak (EAJ) daukan erakunde nagusia da.

Sabin Arana Bizkai Buru Batzarreko lehenbiziko lehendakaria izan zen, erakunde hau Eusko Alderdi Jeltzalea eratu aurreko lehenbiziko erakundea izan zelarik. 1903an Aingeru Zabala Ozamiz "Kondaño", eta 1906an Santiago Aldak, Alipio Larraurik, Antonio Arroyok, Vicente Larrinagak eta Eduardo Arriagak osaturiko Zuzendaritza Batzordeak jarraitu ziotelarik. Guzti hauek BBBko lehendakariak bakarrik izan ziren, oraindik EBB ez baitzen sortu.

Jada, 1908ko urriaren 18an Euzkadi Buru Batzarra erakundea sortu eta bere lehenbiziko lehendakaria Luis Arana Goiri izan zen.^[1]

Hilabete batzuk aurretik, 1908ko apirilaren 20an, Gipuzko Buru Batzarra Zumarragan sortu zen, Pazko Igandean.^[2] 1911ko abenduan Napar Buru Batzarra eta Araba Buru Batzarra sortu ziren.

Aldiz, 1990eko apirilaren 7an Ipar Buru Batzarra sortu zen.

Lehenbiziko EBBko lehendakari haien ondorengoen artean postu horretan aldi luzeenak Juan de Ajuriagerrak eta Xabier Arzalluzek izan dituzte.

• 1895-1903 Sabino Arana Goiri
• 1903-1906 Aingeru Zabala Ozamiz "Kondaño"
• 1906-1908 Santiago Aldak, Alipio Larraurik, Antonio Arroyok, Vicente Larrinagak eta Eduardo Arriagak osaturiko Zuzendaritza Batzordea.

• 1908-1916 Luis Arana Goiri

• 1930-1932 Ramon Bikuña
• 1932-1933 Luis Arana Goiri
• 1933-1934 Jesus Doxandabaratz
• 1934-1935 Ixaka Lopez-Mendizabal
• 1935-1951 Doroteo Ziaurritz
• 1951-1957 Juan Ajuriagerra
• 1957-1962 Jose Agerre
• 1962-1971 Joseba Rezola, Jesus Solaun eta Ignacio Untzetak osaturiko Zuzendaritza Batzordea.
• 1971-1975 Mikel Isasi
• 1975-1977 Ignacio Untzeta
• 1977-1980 Carlos Garaikoetxea
• 1980-1984 Xabier Arzalluz
• 1984-1985 Roman Sudupe
• 1985-1987 Jesus Insausti "Uzturre"
• 1987-2004 Xabier Arzalluz
• 2004-2007 Josu Jon Imaz
• 2007-2013 Iñigo Urkullu
• 2013-gaur egun arte Andoni Ortuzar

• (Gaztelaniaz)(Frantsesez)EAJren webgunea