Dinski rayonu

Dinski rayonu
Bayraq[d] Gerb
45°10′59″ şm. e. 39°13′59″ ş. u.HGYO
Ölkə	Rusiya[1][2]
Tarixi və coğrafiyası
Yaradılıb	1934
Sahəsi	1.361,96 km²
Əhalisi
Əhalisi	147.411 nəf. (2023)[3]
Rəsmi sayt
Vikianbarda əlaqəli mediafayllar

Dinski rayonu (rus. Динской район) — Rusiya Federasiyası, Krasnodar diyarının tərkibində inzibati ərazi vahidi. İnzibati mərkəzi Dinskaya kəndidir.

Krasnodar diyarının mərkəzi hissəsində yerləşir. Ərazi Krasnodar şəhəri, Ust-Labinski, Korenovski, Timaşevski, Kalininski, Krasnoarmeyski rayonları və Kuban çayı boyunca Adıgey Respublikası ilə həmsərhəddir. Rayonun sahəsi 136 196 hektardır.

31 dekabr 1934-cü ildə Krasnodar və Korenovski rayonlarının bölünməsi nəticəsində Plastunovski rayonu Azov-Qara dəniz diyarının bir hissəsi olaraq meydana gəlir. Rayon mərkəzi Plastunovskaya kəndin olur. Əvvəlcə rayon 4 kənd şurasından ibarət idi: Dinski, Koçetinski, Krasnoselski və Plastunovski.

21 fevral 1935-ci ildə Plastunovski rayonunun mərkəzi Dinskaya kəndinə köçürülür.

20 dekabr 1935-ci ildə rayona ləğv edilmiş Krasnodar rayonunun 2 kənd məclisi daxil edildi: Vasyurinski və Starokorsunski.

13 sentyabr 1937-ci ildən etibarən rayon Krasnodar diyarının bir hissəsi olmuşdur.

22 avqust 1953-cü ildə ləğv edilmiş Paşkovski rayonunun Paşkovski yarımstansiyası Plastunovski rayonuna birləşdirilir.

26 may 1961-ci ildə Plastunovski rayonu Dinski adlandırılır.

1 fevral 1963-cü ildə Dinskaya kənd dairəsi qurulur^[4].

11 fevral 1963-cü ildə ləğv edilmiş Novotitarovski rayonunun ərazisi Dinski rayonunun tərkibinə daxil olur.

1978-ci ildə Dinski rayonundan Elizavetinski Kənd Şurası Elizavetinskaya kəndi ilə birlikdə Krasnodar Şəhər Sovetinə verilir.

1993-cü ildə kənd sovetlərinin fəaliyyətinə son verilir. Kənd idarələrinin əraziləri kənd dairələrinə çevrilir.

2005-ci ildə rayonda 10 kənd inzibati ərazi vahidliyi qurulur.

1 yanvar 2006-cı il tarixinə rayon əhalisi 122 575 nəfər təşkil etmişdir. Bunların hamısı kənd sakinləridir. Bütün əhali arasında kişilər 46,5 %, qadınlar 53,5 % təşkil edir. Ümumi əhalinin 74162 (60,5 %) nəfəri əmək qabiliyyətli insanlar, 22,4 %-i pensiyaçılardır^[5].

Dinski rayonunda 10 kənd inzibati ərazi vahidliyi mövcuddur.

Dinskaya kəndində kənd təsərrüfatı məhsullarının emalı ilə yanaşı bir sıra kənd təsərrüfatı müəssisələri fəaliyyət göstərir: şəkər, konservlər, "Yujnaya Zvezda" qənnadı fabriki, "Dinskaya" ət fabriki ("ЕстЪ" ticarət markası).

Aleksey Petroviç Kompaniets (1916–1987) — Böyük Vətən müharibəsi iştirakçısı, Sovet İttifaqı Qəhrəmanı.

Nikolay İqnatoviç Kondratenko (1940–2013) — Krasnodar diyarının ilk qubernatoru.

• Муниципальное образование Динской район
• Динской район на портале исполнительных органов власти края Arxivləşdirilib 2009-03-01 at the Wayback Machine