e

e

1. cénkinme pitite lete et deujhinme voyale di l’ alfabet latén.
2. chife catoize e sistinme egzadecimå.
   • Li grijhe coleur avou l’ côde rodje-vert-bleu (RVB) 238, 238, 238 pout si scrire « #eeeeee » u co « #eee » dins ene foye di stîle (CSS), avou des grandès u ptitès letes.

Cisse lete cial ni doet nén esse maxheye avou l’ lete foirt ershonnante di l’ alfabet cirilike : е.

Lijhoz l’ årtike Lete E so Wikipedia

Tayon-bodje latén "in illo" (minme sinse)

• AFE :
  • diferins prononçaedjes :
    • (divant on sustantif) /ɛ/ /o/ /u/ /a/ /ɛ̃/ /ã/ ; miersipepieuzmint e l’ notule ALW 2.5 .
    • (divant on pårticipe prezintrece) /ɛ/ /a/ /ɛ̃/ /ã/; miersipepieuzmint e l’ notule ALW 2.86 .
  • prononçaedje zero-cnoxheu : /ɛ/

e (nén candjåve)

1. divant on sustantif omrin defini li cmince pa ene cossoune (vout dire: dins li).
   • Dji m' pormoenne e bwès.
   • Elle esteut-st e corti.
2. divant on sustantif omrin defini ki cmince pa ene voyale (pout esse replaecî pa dins, avou l' årtike l' ki dmeure).
   • Metoz çoula e l' årmå.
3. (pus stroetmint) dins (divant sacwants sustantifs u nos prôpes femrins, avou rsaetchaedje di l' årtike).
   • Ça s' a passé e France.
   • I s' a tapé e Mouze.
   • Gn aveut des soris e scole.
4. dins (divant des prezintoes, omrins u femrins)
   • E ç' payis ci, vos seroz cwite des hapeus d' boûsse.
   • End a e sacwants plaeces.
   • Dj' a ene pire e m' solé.
   • Esmayel si feme, ele serè reclôse e leu måjhone — Lucyin Mahin, Vera.
5. (pus stroetmint) dins (on metou lingaedje).
   • Rimetoz mu ci tecse la e walon.
   • Li djudje breya on cmandmint e l' almand — Joseph Minet (fråze rifondowe).
6. (toponimeye) divant sacwants nos d' plaece.
   • I dmeure e-n Ôvîfa.
   • C' est ene pormoennåde e Djambe avou les scrijheus did la.
7. divant on pårticipe prezintrece, marcant ene accion ki s' fwait e minme tins.
   • Rotans e tchantant.

1. walon e scole: cours di walon tins des scoles ordinaires.

   F. "wallon à l'école".

2. mete ene sacwè e plaece : el bén rindjî.

   F. "ranger".

3. e trexhe (Loukîz a : trexhe)
4. va s’ tchire e Mouze, on voerè t’ cou (Loukîz a : Mouze)

(minme sourdant etimolodjike)

• e- (betchete)

• el#Etimolodjeye 2 («e li» divant sustantif femrin)
• ezès (e les)
• eto
• ewoeye
• erote
• tenoncô
• tenawete
• eneviè
• mousse-e-stron, mousse-e-brén, mousse-e-flate
• Enzivå
• avou l' disfondowe « in »
  • tinzintins
  • infén

Gn a des cas la ki l' francès « en » n’ est nén ratourné pa « e » :

• côper a bokets ; moussî a-n Almand, pårti a deus (gn a nole idêye di « dins li »)
• F. "passer de main en main" = passer d’ ene mwin a l’ ôte
• F. " de mal en pis" = todi pus pire ; i va todi pus må.

• è (endè)

Li mot dins on tite di live, di gazete, di soce, di marke

• E payis des shabotîs: roman da Joseph Calozet, mins la ki l' « e » est dizo l' disfondowe « o ».
• E Djambe avou les scrijheus: antolodjeye des scrijheus d' Djambe

e (dins), el (dins li)

e (dins on lingaedje, ou dvant on pårticipe prezintrece)

sinse d' ecloymint (e corti, e Mouze, e scole) Loukîz a : dins

• Almand : im ^(de) omrin, in ^(de) (der) femrin
• Inglès : in ^(en)
• Espagnol : en ^(es) (el, la)
• Francès : dans ^(fr) (le, la), à ^(fr) (wallon à l'école), ès ^(fr) (docteur ès science)
• Neyerlandès : in ^(nl)

Lijhoz l’ årtike Divancetes_el_toponimeye#Divancete_e so Wikipedia