Ksylofůn

Ksylofůn – perkusyjny insztrumynt ze zorty idjofůnůw. Do Ojropy przibůł we Strzednich Storoczach ze Azyji, nale nojbarzi popularny stoł śe we XIX stuleću bez kůmpozycyje Charlesa Camille Saint-Saënsa, kery uůnygo wprowadźůł na zowdy do orkestry symfůńicznyj. Uod poczůntku XX st. je używany we szulach a przedszulach lo wychowańo muzycznego bajtli. Ta metoda wymyślůł Carl Orff.

Składo śe ze dwuch tajli drywńonych sztabek uo roztomajtej dugośći rozlygowanych růwnolegle do śebje, kere śe uderzo szpecjolnymi pałkůma. Kożdy klocek uodpowjado za jedyn dźwjynk. Nojczynśći coby klang robjůł wjynksze larmo pod sztabkůma mocuje śe metalowe rurki.