Malte

Malte, cchiù sattamènde Repubbleche de Malte (jndr' ô maltese Repubblika ta' Malta, jndr'ô 'nglese Republic of Malta), jè 'nu stato 'nzulare de l'Europe meridionale, membre de ll'Aunìone Europèe. Jè 'nu arcipelaghe acchjate jndr' ô Mediterranee, jndr' ô canale de Malte, a 80 km d'a Sicilia, a 284 km d'a Tunisie e a 333 km d'a Libie, acchijate jndr'â reggione fiseche tagliáne. Cu 'na grannèzze de 316 km², jè une de le statère cchiù piccele e populate a 'u munne. 'A capitale sove jè 'A Vallette e 'a cetata cchiù javitate jè Birkirkara. L'isole prengepále jè caratterizzate da 'nu granne numere de cetate ca, 'nzime ad 'a capitale, ccrejène 'na conurbazione de 368.250 crestiáne.

Malte
(dettaglie) (dettaglie)
Date amministrative
Nome comblete	Repubbleche de Malte
Nome ufficiale	Repubblika ta' Malta Republic of Malta
Lènghe ufficiale	maltese, 'nglese[1]
Otre lènghe	tagliáne
Capitale	'A Vallette  (6.098 ab. / 2009)
Politiche
Forme de governe	repubbleche parlamendare
Presidende	George Abela
Prime ministre	Lawrence Gonzi
'Ndipendenze	21 settèmmre 1964 da 'u Regne Aunìte
Trasute jndr'à l'ONU	1º decèmmre 1964
Trasute jndr'à l'UE	1º másce 2004
Superficie
Totale	316[1] km² (184º)
% de le acque	0.001%
Popolazzione
Totale	417.617 ab. (2010)
Denzetà	1.322 ab./km²
Nome de le javetande	Template:AggNaz/Malte
Sciugrafije
Continende	Europe
Fuse orarie	UTC+1 UTC+2 jndr'â ore legale
Economie
Valute	Euro
PIL (nominale)	10,045 milione de $ (2010)
PIL pro capite (nominale)	24,792 $ (2010)
ISU (2011)	0,832 (assaje ìrte) ({{{HDIOrdine}}}º)
Varie
Codece ISO 3166	MT, MLT, 470
TLD	.mt, .eu
Prefisse tel.	+356
Sigle autom.	M
Late de guide	Sinistre (↑↓)
Inne nazionale	L-Innu Malti
Feste nazionale	21 settèmmre

'U Paìse tène doje lènghe ufficiale, 'u maltese e le 'nglese. Le tagliáne, lènga ufficiale fine a 'u 1934, jè angore assaje diffuse, combrese da cchiù o mènde doje terze de le maltese^[2].

Duranne 'u curse d'a storie, 'a posizione sciugrafeche de Malte hé date granne 'mbortanze a l'arcipelaghe, subenne 'u condrolle une nnande a ll'otre de le Fenice, Grice, Cartaggenese, Romane, Arabe, Normanne, Aragonese, Cavaliere de Malte, Frangese e 'Nglese.

Malte jè 'ndernazionalmènde canosciute cumme localetata turisteche, p'ô svaghe e specialmènde p'a culture, date ca ben 3 site UNESCO se iacchijene jndr'ô Paìse, 'mbrà le quale le temble megaliteche de Ġgantija, Mnajdra e Ħaġar Qim. 'A trasùte jndr'â ll'Aunìone Europèe jè avvenute 'u 1º másce 2004 e da 'u 1º scennàre 2008 jè trasùte a fàce vanne de l'eurozone. Malte jè pure membre d'u Commonwealth.