Lèi de Hooke
La lèi de Hooke es una lèi fisica edictada en 1676 per lo fisician anglés Robert Hooke (1635-1705). Permet de modelizar lo comportament d'un solid elastic somés a una constrencha fisica. Valida per lei deformacions pichonas, considèra que la deformacion elastica es una foncion lineara dei constrenchas aplicadas. Es fòrça utilizada dins de disciplinas tecnicas e scientificas coma la sismologia, l'acostica e la mecanica moleculara.