Ruapehu District

Ruapehu District
distrikt
Land	New Zealand
Areal	2 624,115 km²
Folketal	13 650 (Estimat i juni 2 008)[1]
Ruapehu District 38°48′14″S 175°15′43″E / 38.804°S 175.262°E / -38.804; 175.262
Wikimedia Commons: Ruapehu District
Nettstad: http://www.ruapehudc.govt.nz

Ruapehu District er eit distrikt sentralt på Nordøya på New Zealand. Det ligg i regionen Manawatu-Wanganui.

Det har ei flatevidd på 6 730,185 km² og eit folketal på 13 650 (estimat i juni 2008)^[1].

Distriktet er omgjeve av land til alle sider. Her ligg det kjende fjellet Mount Ruapehu, nasjonalparken Tongariro National Park og Raurimu Spiral, ein kjend spiralkonstruksjon på hovudjarnvegslinja på Nordøya (North Island Main Trunk railway line).

Turiststadane Whakapapa, National Park og Ohakune ligg også i distriktet.

Den vesle byen Waiouru, som ligg 815 moh., ligg heilt aust i distriktet og hyser den store militærleiren Waiouru Army Camp.

Den berykta Desert Road ('Øydemarksvegen'), ein del av hovudvegen State Highway 1, startar i distriktet ved Waiouru, og passerer Ruapehu, Ngauruhoe og Tongariro før han endar i Rangipo.

Mudderflaum (lahar) frå kratersjøen på Mount Ruapehu var årsaka til Tangiwaikatastrofen julaftan 1953, der 151 menneske mista livet, då Tangiwaibrua over Whangaehu River fall saman.

• Offisiell nettstad
• Ruapehu Distriktsplan 31. mars 2005 Arkivert 2007-09-29 ved Wayback Machine.
• Turistside frå Ruapehu District
• http://www.middle-of-everywhere.co.nz/map.html Infoside om Taumarunui og området rundt. Arkivert 2008-12-12 ved Wayback Machine.