Michelangelo

Michelangelo di Lodovico Buonarroti Simoni (6 meert 1475 – 18 febrewaori 1564), better bekend as Michelangelo, was nen Italiaansen Renaissance skilder, beeldhouwer, architekt, dichter en ingenieur. Krek as Leonardo da Vinci wöd e wal nen "Renaissancekaerl" of "homo universalis" eneumd, wat inhöld dat e völle talent had in verskeidene gebeden.

Michelangelo hef n alderbastend drok laeven eleid, woarin e völle kunstwarken emaakt hef, ondermeer de marmeren beelden Pieta in den Sunte Pieters Basiliek en David den vrogger in Florence stond, moar noo in de Accademia Gallery. Michelangelo's bekendste skilderi-jen bunt grote freskoos (kalkskilderingen) op et plafond van de Sixtiense Kapelle en et Leste Eurdeel. Op het gebeed van bouwkunde / architektuur bunt den oostvlöggel en den koepel van de Sixtiense Kapelle bekend.

Umdat Michelangelo völle hef eskreven: breven, gedichten en dagbeuke is der ne bulte ovver um bekend. En umdat e tiedens zien laeven ok al bekend was, was e den eersten artiest woarvan de biografie (et laevensverhaal) al bi-j et laeven publiseerd wodden. Zienen biograaf, Giorgio Vasari, he ezegd dat e den grootsten artiest van de Renaissance was. Ze neumden de ok wal Il Divino ("de goddeleken"). Andere artiesten hebt ezegd dat e terribilità had, (zien wark was zo groot en vol emoties dat ze der skrik van kreggen).

• 
• 
• 
• 
  Madonna
• 
  Leda
• 
  Pietà Rondanini
• 
• 
• 
• 
  Ganymede, copia de 1532.
• 
  Madonna
•