Керч

Керч Керчь / Керч / Keriç
Град
Обелиск на плаинната Митрадат во Керч
Знаме Грб
Керч Местоположба на Керч во Крим
Координати: 45°21′43″N 36°28′16″E / 45.36194° СГШ; 36.47111° ИГД / 45.36194; 36.47111
Земја	Русија (де факто)  Украина (де јуре)
Република	Крим
Општина	Керч
Површина
• Вкупна	108 км2 (42 ми2)
Надм. вис.	&1000000000000001000000010 м
Население (попис 2006)
• Вкупно	151,300
• Густина	1.464,49/км2 (379,300/ми2)
Час. појас	MSK (UTC+4)
Пошт. бр.	98300 — 98399
Повик. бр.	+380 6561
Поранешни имиња	Пантикапеј, Боспор, Воспоро, Корчев, Керчо
Збратимени градови	Могиљов, Смоленск, Чанаккале, Орјол, Одинцово, Сочи
Мреж. место	Портал

Керч (руски: Керчь, украински: Керч, кримскотатарски: Keriç) — град на Керчкиот Полуостров во источниот дел на Република Крим, Русија. Како и целиот Крим, припадноста на градот е предмет на спор помеѓу Русија и Украина, која сè уште ја смета за сопствена територија.^[1]

Основан е пред 2.600 години и се вбројува меѓу најдревните градови во регионот. Најпрвин бил колонија населена од доселеници од Милет. Своевремено бил престолнина на Боспорското Кралство и, за кратко, персиско-македонскиот понтски крал Митрадат VI. Доживеал голем подем во 1920-тите години, а подоцна кај него се одиграла и важна битка во Втората светска војна.

Денес е втор град по големина на Крим и претставува важен индустриски, сообраќаен и туристички центар.

Градот се протега врз поголема површина и ги опфаќа следниве населени подрачја: Героевское, Аршинцево (Камиш Бурун), Порт Крим, Аџимушкај и островот Тузла.

Најзастапени стопански гранки во Керч се металургијата, бродоградбата и риболовот. Најголеми претпријатија во градот се:

• Керчки металуршки комбинат (отворен во 1900 г.)
• Камиш-бурунски железноруден комбинат
• Бродоградителски завод „Залив“

Покрај ова, позначајна стопанска улога играат и производството на градежни материјали, прехрабената индустрија и лесната индустрија.

Керч има свој залив во Керчкиот Проток, кој важна улога како влез во Азовското Море. Има неколку железнички станици и помал аеродром. Преку Керчкиот Проток сообраќаат траекти што го поврзуваат Крим со Краснодарскиот крај.

Градот има неколку пристанипта: Трговското, Рибарското, „Крим“ и „Камиш Бурун“.

Железнички тунели: „Керч“, „Керч I“, „Керчки комбинат“, „Аршинцево“ и „Крим“.

Автобуската мрежа го поврзува со другите градови во Крим и Краснодарскиот крај.

Во 2004 г. Керч имал:

• 28 училишта
• 9 институти и факултетски ограноци
• бродоградителско и технички училишта
• медицинско училиште
• 6 стручни технички учлилишта
• повеќе претшколски установи

Градот има значајни древни рушевини и историски споменици од голем интерес за археолозите. Некои од поважните се:

• древен град Пантикапеј (V век п.н.е. – III век н.е.).
• Царски курган (IV век п.н.е.) — погребна тумба на еден од боспорските кралеви
• црква „Св. Јован Претеча“ (од 717 г.)
• тврдината Јеникале (XVIII век)
• Големото скалиште на ридот Митрадат со вкупно 428 скалила, изградено во 1833–40 г.
• Обелиск на славата на ридот Митрадат — споменик за борбата во Втората светска војна
• Споменик на партизанските Аџимушкајскиот каменолом
• Керчка тврдина (средина на XIX век)
• рушевините на древните градови Мирмекиј, Тиритака и Нимфеј. Постојат и други кои денес се под вода поради земјотреси.
• таканаречената „Деметрина гробница“ со богат живопис од I век п.н.е.

• Ден од ослободувањето (11 април)
• Ден на рибарите (втор ден недела во јули)
• Ден на Градот Керч (втор ден сабота во септември)

Град	Земја	Година
Могиљов	Белорусија	1998
Смоленск	Русија	1998
Чанаккале	Турција	1999
Орјол	Русија	2004
Одинцово	Русија	2004
Сочи	Русија	2005
Тула	Русија	2014

Керч има влажна суптропска клима (Кепенова класификација: Cfa)^[2] со свежи до студени зими и топли до врели лета.

Керчката тврдина		Внатрешност на црквата „Св. Јован Претеча“		Влез во Царскиот курган

• Пантикапеј
• Боспорско Кралство
• Јеникале
• Керчки Полуостров
• Керчки Проток
• Тузла (остров)
• Кримски мост

„Керч“ на Ризницата ?

• Керч — Тоа е мојот град (руски)

п р у Управна поделба на Република Крим Главен град: Симферопол Реони Бахчисарајски Белогорски Кировски Красногвардејски Красноперекопски Ленински Нижнегорски Првомајски Раздолненски Сачки Симферополски Советски Чорноморски Џанкојски Општини Алушта Армјанск Евпаторија Јалта Керч Красноперекопск Саки Симферопол Судак Феодосија Џанкој Градови Обласни Алушта Армјанск Евпаторија Јалта Керч Красноперекопск Саки Симферопол Судак Феодосија Џанкој Реонски Алупка Бахчисарај Белогорск Стари Крим Шчолкино

п р у Градови-херои на СССР Керч Киев Ленинград Минск Москва Мурманск Новоросијск Одеса Севастопол Смоленск Сталинград Тула Брестска тврдина (тврдина-херој)