Zema

Quella vos chi l'è orfena, o ben la gh'ha minga di conligament che riven de alter vos.

Meten dent almen vun che 'l vaga ben e toeu via quella vis chi.

Quest articol chì l'è scrivuu in lombard, grafia milanesa.

Ona zema^[1] l'è ona reazzion infiammatoria de la pell (dermatita), che la smord ma che la tacca minga.
A l'è vuna di maladii pussee comunn de la pell, e la riva a qualsessia età. Despess la riva perchè la pell la tocca di sostanz iritant, soratutt in sul lavorà (per esempi barbee, prestinee, tiporaf e quei che lavora in di industri chimegh); opura per via de alergii. La maladia la pò comparì in qualsessia part del corp, compagn de man, gamb, pè, oregg. La descompariss minga inscì facilment, e donca per mandàlla via besogna taccà a mangià cont atenzion, per evità de tornà a vess in contatt con la sostanza che l'ha faa 'gnì foeu la zema. Anca se la zema la smord, grattàss el serviss a negott, perchè inscambi el le fa spantegà ancamò pussee.

El termen el riva del grech ékzēma, che 'l voeur dì "gonfiass".

1. ↑ Sergio Scuffi, Nü 'n cuštümava - Vocabolario dialettale di Samolaco, IDEVV, Sondri 2005.