Wokrjes Budyšin

Wokrjes Budyšin

Wopon	Karta
Zakładne daty
zwjazkowy kraj	Sakska Sakska
zarjadniske sydło	Budyšin
přestrjeń	2.390,7 km²
wobydlerstwo	296.506 (31. dec 2023)
hustosć zasydlenja	124 wob. na km²
awtowa značka	BZ, BIW, HY, KM
rozčłonkowanje	57 gmejnow
adresa zarjadnistwa	Dwórnišćowa 9 02625 Budyšin
webstrona	www.landkreis-bautzen.de
krajny rada	Udo Wićaz (CDU)
Połoženje wokrjesa w Sakskej
p • d • w

Wokrjes Budyšin (němsce Landkreis Bautzen) we wuchodnej Sakskej je najwjetši wokrjes Swobodneho stata. Ma něhdźe 296.000 wobydlerjow (2021). Wulke wokrjesne města su Budyšin, Biskopicy, Kamjenc, Radeberg a Wojerecy.

Budyski wokrjes přisłuša euroregionej Nysa.

Wokrjes mjezuje na sewjeru z braniborskim wokrjesom Sprjewja-Nysa, na wuchodźe ze Zhorjelskim wokrjesom, na juhu z Čěskej a wokrjesom Sakska Šwica-Wuchodne Rudne hory, na juhozapadźe z Drježdźanami, na zapadźe z Mišnjanskim wokrjesom a na sewjerozapadźe z wokrjesom Hornje Błóta-Łužica (Braniborska).

Najwjetšej rěce na wokrjesnym teritoriju stej Sprjewja a Čorny Halštrow. Tamne naspomnjenja hódne rěčki su Čornica, Klóšterska woda, Lubata, Połčnica a Wjazońca. Najwyša hora je Sokolnik (587 m) blisko Wjazońcy. Dubrjenske bahno pola Kulowa słuša k najwjetšim přirodoškitnym pasmam Sakskeje.

Po wobydlerstwje najwjetše město wokrjesa je Budyšin (38.039), najmjeńše je Halštrow (2.697). Gmejna z najmjenje wobydlerjemi su Bóšicy (762). Po přestrjeni najwjetša gmejna je Łaz ze 134,5nbsp;km², najmjeńša pak Frankenthal z 9,43nbsp;km².

W Budyskim wokrjesu wobsteji šěsć zarjadniskich zhromadźenstwow a jedyn zarjadniski zwjazk:

• Zarjadniske zhromadźenstwo Biskopicy z městom Biskopicy a gmejnu Ramnow
• Zarjadniske zhromadźenstwo Budestecy-Hornja Hórka z gmejnomaj Budestecy a Hornja Hórka
• Zarjadniske zhromadźenstwo Großharthau z gmejnomaj Großharthau a Frankenthal
• Zarjadniske zhromadźenstwo Kinspork z městom Kinspork a gmejnomaj Łužnica a Neukirch
• Zarjadniske zhromadźenstwo Njeswačidło z gmejnomaj Bóšicy a Njeswačidło
• Zarjadniske zhromadźenstwo Połčnica z městom Połčnica a gmejnami Großnaundorf, Ohorn, Sćenjow a Swětła
• Zarjadniski zwjazk Při Klóšterskej wodźe z gmejnami Chrósćicy, Njebjelčicy, Pančicy-Kukow, Ralbicy-Róžant a Worklecy

1. ↑ staw: 31. decembra 2023

 Commons: Wokrjes Budyšin – Zběrka wobrazow, widejow a awdiodatajow

• Oficielne webstrony Budyskeho wokrjesa

Wokrjesy a bjezwokrjesne města w Sakskej

Bohotski wokrjes | Budyšin | Drježdźany | Kamjenica | Lipsk (město) | Lipsk | Mišno | Rudnohórski wokrjes | Sakska Šwica-Wuchodne Rudne hory | Sewjerna Sakska | Srjedźna Sakska | Šwikawa | Zhorjelc