Gran Premio de Malaisia de 2013

O Gran Premio de Malaisia 2013 (formalmente coñecido como o 2013 Formula 1 Petronas Malaysia Grand Prix) foi unha carreira de Fórmula Un celebrada o 24 de marzo de 2013 no Circuíto Internacional de Sepang en Selangor, Malaisia.^[1][2][3] Foi a segunda carreira da tempada de Fórmula Un 2013, e o dÉcimo quinto Gran Premio de Malaisia na historia do Campionato Mundial de Fórmula1.

Gran Premio de Malaisia de 2013

Nome oficial	2013 Formula 1 Petronas Malaysian Grand Prix
Tipo	Gran Premio de Malaisia
Deporte	automobilismo
Parte de	Campionato Mundial de Fórmula 1 de 2013
Distancia do evento	56
Localización  e  Datas
Localización	Circuíto Internacional de Sepang (Selangor) 2°45′38″N 101°44′15″L / 2.7605555555556, 101.7375
Lonxitude	2,706 km
País	Malaisia
Data	24 de marzo de 2013
Competición
Primeiro posto	Sebastian Vettel
Pole position	Sebastian Vettel
Volta máis rápida	Sergio Pérez Mendoza

A carreira comezou coa pista mollada e condicións difíciles, especialmente ao redor da curva 3. Vettel kiderou desde o principio, Alonso golpeou o seu alerón dianteiro na parte traseira do Red Bull. Alonso logrou manterse por diante de Webber de Red Bull, pero na volta 2, o alerón dianteiro rompeuse e Alonso atascouse na grava na curva 1. Vettel fixo unha parada temperá para poñer pneumáticos lisos e caeu varias posicións debido as condicións de mollado, aínda que as recuperou rapidamente cando chegou ás zonas máis secas da pista. Webber posteriormente tomou o liderado da carreira, manténdoo a través da seguinte serie de paradas en boxes.

Os dous coches de Force India víronse obrigados a retirarse logo dos erros nas postas das rodas cativas. Paul di Resta tivo unha parada moi longa e a seguinte de Adrian Sutil estivo condicionada tamén polo mesmo. O equipo cre que as altas temperaturas puideron causar o problema.^[4]

Jenson Button liderou brevemente a carreira nas voltas 33 e 34 logo da entrada en boxes de Webber, Vettel, Hamilton e Rosberg, estaba ben situado para lograr algúns puntos útiles para o equipo McLaren. Pero, unha desastrosa parada en boxes na que se colocou unha roda mal custoulle unha volta enteira.

Na volta 44, Webber fixo a súa última parada en boxes e saíu en cabeza, xusto por diante de Vettel. Os dous loitaron durante as seguintes dúas voltas, incluíndo unha pasada moi preto do muro na parte final da recta, despois de Vettel tomou a dianteira pasando ao seu compañeiro de equipo. Christian Horner, director do equipo Red Bull chegou a dicir na radio: "Isto é unha tontería Seb (astian). Imos". Detrás dos líderes da carreira estaba a parella de Mercedes Lewis Hamilton e Nico Rosberg loitando polo terceiro lugar. Rosberg era o máis rápido dos dous nese momento, e en repetidas ocasións pediu ao equipo que lle permitira adiantar a Hamilton, pero o director do equipo Ross Brawn contestou: "Negativo, Nico, negativo". El explicou máis tarde que Hamilton tamén podía ir máis rápido, pero tiña ordes de afrouxar. Cando Rosberg acercouse de novo a Hamilton, Brawn ordenoulle frear de novo, dicindo que non había nada que gañar e que a prioridade era levar ambos coches a meta.^[5] Maldonado retirouse despois de verse obrigado a deter o automóbil por razóns de precaución, debido a un problema no KERS,^[6] Button e Ricciardo tamén se retiraron ao final da carreira, os dous clasificaron ao completar máis do 90% da distancia de carreira.

Vettel rematou primeiro e gañou a carreira seguido de Webber, Hamilton, Rosberg, Massa, Grosjean, Räikkönen, Hulkenberg, Pérez e Vergne. Logo da carreira de Webber e Vettel tiveron unha breve conversación antes da cerimonia do podio. Webber comentou: "Multi-21, Seb multi-21", en referencia a unha instrución dada polo equipo referida ao mapa motor.^[7]

Durante as preguntas no podio logo da carreira Webber dixo "Eu tamén quero competir, pero ao final o equipo tomou a decisión ... ocupámonos dos pneumáticos, coidar do coche ata o final. Pero hoxe Seb tomou as súas propias decisións, non respectou as ordes de equipo, pero como de costume será protexido e así é como vai a a cousa".^[8] Horner recoñeceu máis tarde que Vettel ignorara as ordes de equipo, así como a propia historia de Webber de seguir ordes similares.

Cando a Hamilton preguntóuselle sobre o seu podio, admitiu que Rosberg merecíao máis, e agregou: "Se dígoche a verdade eu realmente sento que Nico debería estar aquí".