Max Chilton

Chilton comezou a súa carreira deportiva aos 10 anos de idade nos karts, onde pasou dous anos aprendendo na categoría cadete antes de subir a júnior na fórmula TKM, onde fixo aparicións regulares no podio, antes de volver a súa atención ás carreiras de coches á idade de 14 anos. Ao longo deste período Chilton correu na Super 1 National Kart Championships.

Desenvolveu a súa tempada de 2005 de karting no campionato de T Cars, para pilotos de entre catorce e dezasete anos de idade. Terminou oitavo na súa primeira tempada, antes de ser terceiro no Trofeo de Outono. Continuou en T Cars en 2006, onde terminou como subcampión detrás de Luciano Bacheta por só tres puntos. Gañou sete carreiras por seis de Bacheta.

 

Chilton fixo a súa debut na segunda carreira da tempada 2007 da Fórmula Tres Británica no equipo Arena Internacional, malia estar por baixo da idade mínima de 16 anos para participar na apertura da tempada logo de lograr unha dispensa especial sobre na véspera do seu 16 aniversario. O seu mellor resultado foi undécimo, en Bucarest e en Brands Hatch. Tamén fixo unha aparición no Campionato Star Mazda en Laguna Seca, como era un piloto invitado, Chilton non era elixible para obter puntos. Tamén pilotou nos 1.000 km de Silverstone de 2007, co seu irmán Tom por Arena, e terminaron sextos na xeral, oito voltas atrás do gañador, o Peugeot 908 HDi FAP de Nicolas Minassian e Marc Gené.

Chilton correu unha segunda tempada, esta vez co equipo Hitech Racing de David Hayle, e mellorou á décima posición no campionato. Logrou dous poles en Monza e Rockingham, e obtivo dous podios, segundo na primeira carreira en Oulton Park e terceiro en Rockingham. Trasladouse a Carlin Motorsport para a tempada 2009 de Fórmula Tres Británica, acadando tres poles nas catro primeiras carreiras. Chilton conseguiu dúas vitorias na tempada, a primeira no Autódromo Internacional do Algarve en Portimão, e a segunda na súa última carreira na Fórmula tres en Brands Hatch.

 

Chilton participou nas GP2 Asia Series na tempada 2009-10, pilotando un Barwa Addax.^[2][3] A partir de aí Chilton trasladouse a Ocean Racing Technology para a tempada 2010 das GP2 Series o seu mellor resultado foi unha 5ª posición.

En 2011 Chilton uniuse ao equipo Carlin, no que pilotara previamente en F3, para a primeira incursión do equipo na GP2 en 2011. Foi compañeiro doss campión da Formula Renault 3.5 Series Mikhail Aleshin e Álvaro Parente, terminou 22º na tempada 2011 das GP2 Asia Series e 20º na tempada 2011 da GP2 Series. Permaneceu co equipo, agora co apoio do equipo Marussia de Formula One, na tempada 2012 das GP2 Series xunto ao indonesio Rio Haryanto. Conseguiu o seu primeiro podio en Malaisia, e máis tarde a súa primeira pole position e a vitoria na carreira de Hungaroring.^[4] Esta importante mellora na forma, xunto cas constantes puntuacións en toda a tempada, deu lugar a que Chilton subira ao cuarto lugar no campionato de pilotos.^[5]

En novembro de 2011 Chilton pilotou para o equipo Force India na proba de novos pilotos en Abu Dabi no Circuíto de Yas Mariña. Esta era a segunda vez que pilotaba un coche de Fórmula 1 logo dunha proba aerodinámica en liña recta para o equipo a principio do ano. Chilton foi nomeado máis tarde piloto de probas e reserva de Marussia F1 para a segunda metade da tempada 2012 de Fórmula Un, a partir do Gran Premio do Xapón.^[6] Chilton competiu na primeira sesión de adestramentos no Gran Premio de Abu Dabi de 2012 en novembro co equipo Marussia F1. O 18 de decembro de 2012, anunciouse que Chilton correría con Marussia F1 en 2013.

En decembro de 2012, Nikolai Fomenko, o director de enxeñería de Marussia F1, anunciou que Chilton correría para o equipo como piloto titular na tempada 2013.^[7] O equipo confirmouno ao día seguinte.^[1]

* Tempada enprogreso.

(key) As carreiras en letra grosa indican pole position; as carreiras en cursiva indican volta rápida.

(key) As carreiras en letra grosa indican pole position; as carreiras en cursiva indican volta rápida.

* Tempada en progreso.

(Chave) As carreiras en letra grosa indican pole position; as carreiras en cursiva indican volta rápida.

(Chave) As carreiras en letra grosa indican pole position; as carreiras en cursiva indican volta rápida.

• Páxina oficial Arquivado 02 de maio de 2013 en Wayback Machine.
• Max Chilton no Twitter
• Max Chilton no Facebook