Simijaca

Simijaca
Localización
	5°30′12″N 73°51′06″O / 5.5033, -73.8517
Estado	Colombia
Departamentos	Cundinamarca
Xeografía
Superficie	107 km²
Altitude	2.559 m
Creación	14 de agosto de 1600
Páxina web	simijaca-cundinamarca.gov.co…

Simijaca é un concello do departamento de Cundinamarca, Colombia, que se atopa na provincia de Ubaté, a 135 km de Bogotá.^[1]

Toponimia

O topónimo Simijaca, en muysc cubun (lingua muisca) significa «peteiro de curuxa».

Historia

Templo parroquial da Inmaculada Concepción de Simijaca.

Na época precolombiana, o territorio do concello estaba habitado polos indíxenas sutas e simijacas, que pertencían ó pobo muisca. Estes foron sometidos polo conquistador español Hernán Pérez de Quesada en 1541. En 1548, o franciscano Frei Luis Zapata de Cárdenas creou a Parroquia de Simijaca logo de efectuar unha visita pastoral á Parroquia de Susa. A dirección da Parroquia foi encomendada ós pais dominicos de Chiquinquirá.^[2]

O Oidor Luis Enríquez, por auto de 14 de agosto de 1600 proferido en Cucunubá, fundou o actual poboado de Simijaca, formado polos indios de Simijaca, os de Fúquene e os de Nemoguá.^[1]