San Salvador, O Salvador

San Salvador, O Salvador

Epónimo	Xesús de Nazaret
Localización
13°41′56″N 89°11′29″O / 13.699, -89.1914
Estado	O Salvador
Departamento	Departamento de San Salvador
Concello	Central San Salvador (en)
Capital de	Central San Salvador (en) Departamento de San Salvador (1824–) O Salvador (–1841)
Poboación
Poboación	316.090 (2007) (4.374,95 hab./km²)
Xeografía
Parte de	Western El Salvador (en)
Superficie	72,25 km²
Altitude	658 m
Creación	1 de abril de 1525
Organización política
• Xefe do goberno	Mario Edgardo Durán Gavidia (en) (2021–)
Identificador descritivo
Fuso horario	UTC−06:00
Outro
Irmandado con	Madrid Santo Domingo Montreal Caracas Cidade de México (1979–) Taipei (1993–) Monterrey (1996–) Washington, D.C. (2018–)
Páxina web	sansalvador.gob.sv

San Salvador é a capital política e económica da república do Salvador, ademais da Sede do Goberno Central e a sede do Arcebispado. San Salvador é a cidade máis poboada do país e a segunda cidade máis grande de América Central, con 2.224.223 habitantes censados no ano 2006. A cidade foi nomeada en honor a Xesús Cristo, baixo o título do "Divino Salvador do Mundo". Xeograficamente, San Salvador está localizada no val de Las Hamacas, chamado así polo gran número de sismos que nel se producen.

Ten unha poboación de 2.224.223 habitantes no Gran San Salvador, que comprende o municipio de San Salvador e a súa área metropolitana. Conformada por outros 13 municipios que conforman unha unidade administrativa urbana, e en termos prácticos forman a Cidade Capital ou AMSS (Área Metropolitana de San Salvador). O centro da cidade está a unha altitude de 658 metros sobre o nivel do mar.

O 27 de setembro de 1546 foi estendida a cédula real, que lle outorgou o título de Cidade á vila de San Salvador na cidade de Guadalaxara, cuxas xestións outorgáronselle a Alonso de Oliveros, quen como procurador chegou ante a Corte de España para xestionar o título de Cidade.

Oliveros participou na conquista e pacificación do Reino de Guatemala e estivo na fundación da Vila de San Salvador na Bermuda, onde desempeñou varios cargos no Concello Municipal da época.

San Salvador foi unha das primeiras cidades da Real Audiencia de Guatemala, en América no ano que se nomeou a cidade só existían co título Santiago da provincia de Guatemala, Puerto Trujillo e Gracias a Dios en Honduras e Granada e León en Nicaragua.

Segundo dados históricos, Oliveros puxo dedicación e empeño para que a Vila de San Salvador, obtivera o título de cidade e convertérase nun dos focos irradiadores de civilización do Continente americano.

A mediados de 1551 fundouse o primeiro convento de Santo Domingo, dirixido pola Orde de San Domingos, dirixido polos frades Tomás da Torre, Vicente Ferre e Matía da Paz; en 1574 fundouse o da Orde de San Francisco dirixido polo frade Xoán Vico e en 1625 o da Mercede, berce da independencia de Centroamérica.

En 1786, creouse a Intendencia de San Salvador, dividida en quince distritos, sempre dependente das autoridades do reino de Guatemala. A súa área sempre foi a mesma que a da alcaldía maior. Foi en San Salvador onde se deu o primeiro grito de Independencia de Centroamérica, soando as campás da Igrexa da Mercede polo crego da independencia o frade Xosé Matías Delgado un 5 de novembro de 1811, data conmemorada con actos cívicos ata hoxe. Pero non foi ata o 21 de setembro de 1821 que chegou a San Salvador a novidade da independencia de Centroamérica.

O 3 de xuño de 1822, tropas ás ordes do xeneral Manuel Xosé Arce, derrotaron ao exército imperial ó mando do Xral. Vicente Filísola, despois de oito oras de sanguenta loita na batalla de Mexicanos, cando San Salvador fora sometida polos imperialistas mexicanos.

Caído o imperio mexicano, Centroamérica constituíuse na República Federal e O Salvador foi un dos seus Estados. O 12 de xuño de 1824 San Salvador foi erixida en capital do Estado do Salvador. De marzo ata setembro de 1828, resistiu invita o sitio que lle impuxo o exército federal.

San Salvador foi capital da Federación Centroamericana de 1834 a 1839 e foi destruída polo terremoto do 16 de abril de 1854 e durante a colonia, os pobos salvadoreños foron destruídos polos desastrosos terremotos de 1575, 1592, 1625, 1648, 1719 e 1815.

Durante a sanguenta guerra civil que sufriu O Salvador (1980-1992) os rebeldes da esquerda intentaron prender a capital en dúas oportunidades (1981 e 1989) sen logralo.

• Páxina Oficial de San Salvador Arquivado 09 de xuño de 2011 en Wayback Machine. (en castelán)