Luciano Pavarotti

Luciano Pavarotti

Biografía
Nacemento	12 de outubro de 1935 Módena, Italia
Morte	6 de setembro de 2007 (71 anos) Módena, Italia
Causa da morte	cancro de páncreas
Lugar de sepultura	cemetery of Montale Rangone (en)
Actividade
Lugar de traballo	Módena
Ocupación	cantante de ópera, actor de cinema
Período de actividade	1961 - 2006
Membro de	Os Tres Tenores
Xénero artístico	Ópera
Profesores	Arrigo Pola e Ettore Campogalliani
Alumnos	Dai Yuqiang (en)
Tesitura	Lyric tenor (en)
Instrumento	Voz
Selo discográfico	Decca Records
Familia
Cónxuxe	Nicoletta Mantovani (2003–) Adua Veroni (1961–2000), divorcio
Pai	Fernando Pavarotti
Irmáns	Gabriella Pavarotti
Premios
(21 de novembro de 2003)  Commander of the Order of Cultural Merit (en) (2001)  Premio Nansen (1998)  Pessoa do Ano MusiCares (pt) (1998)  Grammy Legend  Comendador da Orde ao Mérito da República Italiana  Grande Oficial da Orde ao Mérito da República Italiana  Cabaleiro da Gran Cruz da Orde ao Mérito da República Italiana  Oficial da Lexión de Honra  Premio Kennedy  honorary citizen of Sarajevo (en)  Classic Brit Awards (pt)
Sinatura
Descrito pola fonte	Biblioteca dixital BEIC Obálky knih,
Páxina web	lucianopavarotti.com

Luciano Pavarotti, nado nas aforas de Módena o 12 de outubro de 1935 e finado na mesma cidade o 6 de setembro de 2007, foi un tenor italiano e un dos cantantes máis famosos de ópera do século XX.

Foi fillo único dun panadeiro amante da ópera chamado Fernando Pavarotti (1912-2002), que estimulou a Luciano a comezar os seus estudos no mundo do canto lírico. A súa nai chamábase Adele Venturi (1915-1999), e traballaba nunha fábrica cigarreira. Traballou un breve tempo como profesor de primaria logo de graduarse. As súas primeiras incursións vocais deunas no coro de Módena xunto ao seu pai.

A pesar de que Luciano falaba con cariño da súa infancia, a realidade é que viviu certas penurias, aínda que a felicidade podería ser interpretada de formas diversas. A súa familia tiña escasos recursos económicos; os seus catro membros apiñábanse nun apartamento de dous cartos. A segunda guerra mundial forzou a súa familia a evacuar a cidade en 1943 e no ano seguinte tiveron que alugar un cuarto a un granxeiro na campiña próxima, onde Luciano desenvolveu interese pola agricultura.

O 7 de xullo de 2006 foi operado dun cancro de páncreas nun hospital de Nova York. Faleceu ás 5 da mañá do xoves 6 de setembro do 2007 por un fallo renal derivado do cancro.

Debutou o 29 de abril de 1961 no papel de Rodolfo na ópera La Bohème de Puccini, no pazo da ópera de Reggio Emilia e consagraríase no rol de Tonio da ópera A filla do rexemento coa súa difícil aria de nove notas e dó de peito.

Pavarotti foi moi solicitado en teatros de todo o mundo ata o seu retiro na Ópera Metropolitana de Nova York, en marzo do 2004, onde interpretou o papel do pintor Mario Cavardossi en Tosca, de Giacomo Puccini.

No seu achegamento á música popular, gravou duetos con Eros Ramazzotti, Sting, Andrea Bocelli, Frank Sinatra, Michael Jackson, e aínda inéditos, co brasileiro Caetano Veloso e o grupo de rock irlandés U2. Cos tenores españois Plácido Domingo e José Carreras, formou o trío Los Tres Tenores (The Three Tenors).

Durante varios anos dende 1991, Pavarotti apoiou a organización War Child, e recadou fondos para a construción dun centro de musicoterapia en Mostar. Para iso anualmente organizaba concertos en Módena baixo o título "Luciano Pavarotti and friends", onde ademais participaban outras personalidades da música internacional, como Anastacia.

Wikimedia Commons ten máis contidos multimedia na categoría:  Luciano Pavarotti

A Galipedia ten un portal sobre: Ópera