Sut

Sut as en fääst materiool, huar tu en graten dial köölstoof uun as. Sut as miast polwrag, koon oober uk gans fiin an smeerag wees.

Bi't ferbraanen faan holt an kööl blaft miast sut auer, wan't ei hialandaal ferbraant. Det maaget komer uun skoorstianer, an koon diar began tu braanen. Diaram skel skoorstianer leewen faaget wurd.

Wan holt hialandaal ferbraant, woort det tu kööldioksiid (CO₂). Wan ei, woort det tu sut an köölmonoksiid (CO), wat böös gefeerelk för a minsken as.

Industrii

Sut woort oober uk uun a industrii brükt, diar het det do carbon black (CAS-Numer: 1333-86-4). Det woort iinsaat bi't produktsioon faan farwen of autowelen. Sut maaget produkten hard an tuch an ünemfintelk jin UV-strualen.

Ingelsk nööm	Kurntrochmeeder (nm)	pH-wäärs	Elementen, uundialen
Channel Black	000 – 30	3,0 – 5,5	C 95,6; H 0,6; S 0,20; O 3,5
Gas Black	008 – 30	3,0 – 5,5	C 96,0; H 1,0; S 0,20; O 2,5
Furnace Black	010 – 110	2,1 – 9	C 97,9; H 0,4; S 0,60; O 0,7
Lamp Black	060 – 110	6,0 – 9	C 98,0; H 0,2; S 0,80; O 0,8
Thermal Black	100 – 500	7,0 – 9	C 99,3; H 0,4; S 0,01; O 0,2
Acetylene Black	030 – 50	4,8 – 7	C 99,7; H 0,1; S 0,02; O 0,2

Luke uk diar

Commonskategorii: Sut – Saamlang faan bilen of filmer

Commonskategorii: carbon black – Saamlang faan bilen of filmer