Stuagart

Basisdatn
Stuagart Stuttgart Schduagert


Bundesland:	Baden-Württemberg
Regierungsbeziak:	Stuagart
Landkroas:	Stodkroas
Koordinatn:	Koordinaten: 48° 47′ N, 9° 11′ O 48° 47′ N, 9° 11′ O
Hechn:	247 m ü. NN
Flächn:	207,35 km²
Eihwohna:	612.441 (31. Dez.. 2014)
Dichtn:	2954 Eiw. pro km²
Sonstige Datn
Postleitzoi n:	70173–70619 (oid: 7000)
Vorwoi:	0711
Kfz-Kennzeichn:	S
Gmoaschlissl:	08 1 11 000
UN/LOCODE:	DE STR
Stodgliedarung:	23 Stodbeziak mit 152 Stodtein
Adress vo da Stodvawoitung:	Marktplatz 1 70173 Stuttgart
Hoamseitn:	www.stuttgart.de
Politik
Obabuagamasta:	Frank Nopper (CDU)

Stuagart (amtli: Stuttgart) is de Haptstod vo Bodn-Wiattmbeag. Mid 612.441 Eihwohna (2014) is Stuagart aa de gräßte Stod vo Bodn-Wiattmberg, noch Minga de zwoatgräßte Stod vo Siddeitschland und de sechstgräßte Stod vo gonz Deitschland. De Agglomeration vo Stuagart hot umara 2,7 Millionan Eihwohna.

Geografie

Stuagart liegt am Nesenbach, der im Zentrum untaiadisch und beim Stodoi Bad Cannstatt in an Neggoa einifließt. Stuagart hot vui Greaflechn, im Westn vo da Stod san des Waida, im Ostn Weinbeag und im Sidn Krautfejda. Im Noadn und am Negga is Stuagart fost duachgehnd bebaut. Vom Schlossplatz im Zentrum bis zum Negga geht a riesiga Paak, da Schlossgarten. Da diafste Punkt vo Stuagart is bei 207 m ü. NN am Negga und da hexste Punkt bei 549 m ü. NN am Autobohkreiz vo da A 8 und da A 81.

Gschicht

Stuagart is ungfäa 950 n. Kr. vom schwäbischn Herzog Liutolf g'gründet und 1219 von de bodischn Markgrofn zua Stod erhom woadn. Donoch ham d'württmbergischn Grofn d'Herrschoft übanomman und Stuagart hot sich dann zua Residenz- und Hauptstod vo Württmberg entwicklt. Noch'm Zwoadn Wöitkriag hom si Baden, Württmberg und Hohnzollan 1952 zum Bundesland Bodn-Württmberg zsammgschlossn und Stuagart is d'Hauptstodt gwoadn.

Sehngsweadigkeitn

Da Middlpunkt vo Stuagart buidt da Schlossplatz mit'm Oidn Schloss aus da Reneissance und em Nein Schloss aus da Borockzeit. Dahinda is d'evangelisch Stiftskirchn im gotischn Stil. Üba da Stod thront da Fernsehturm, dea 1954-55 baud woan und da easchte woa, wo aus Bedo gmochd woadn is. iwahaabt is z Stuagart vüi aus Bedo baud woadn. Voa oim hams z Stuagart noch'm Kriag vui oide Haisa obgrissn, aa wenns nua leichde Schädn ghobt hom, und neie Gebaide aus Bedo hibaat. Zum Beispui san vom oidn Rothaas im flämischn Stil no d'Mauan gstondn, ma hots aba obgrissn und a neis aus Bedo higstöit.

Z Stuagart hots au vui Museen. Die bekoanntestn san füa d'Kunst d' Staatsgalerie und s Kunstmuseum, füa d'Vöigakunde s Lindenmuseum und füa d'Noduakunde s Rosensteinmuseum und s Löwentormuseum.

Wirtschafd

Stuagart is a wichtiga Industriestandoart. A wichtige Roin spuid de Automobuiindustrie (Mercedes, Porsche) und de Elektroindustrie (Bosch). Außadem san z Stuagart aa no vüi Valog dohoam.

Vaaunstoitunga

s Cannstatter Volksfest im Herbst is des zwoatgräßte Voiksfest noch da Wiesn. Außerdem gibts im Fruajoa nos Stuttgarter Frühlingsfest. Oi zwoa wean afm Cannstatter Wasen gfeiad.

Da Stuagart Weihnachtsmarkt is da gräßte Christkindlmarkt vo da Wöit mit üba 3 Millionan Bsucha, von dena einige ausm nohglengnan Auslond (Frankreich, Schweiz, Östareich, Italien) kimman.

Verkea

Seit 01.03.2008 hot Stuagart die Stod zua Umwejdzon gmacht. Trotzdem san de Feinstaubweat vo da Stod weidahin vui z hoch, drum dengan de, de wos zum song hom, dass des von de Partiken vom Roaenobrieb kimmt.^[1]

Beleg

↑ Archivierte Kopie. Archiviert vom Original [1] am 7. Oktoba 2011; abgerufen am 4. Oktober 2011.

Landeshauptstädt vo da Bundesrepublik Deitschland

Deitsche Groußstädt

iwa 1.000.000 Eiwohna: Berlin | Hamburg | Köln | Minga

[1] Archivierte Kopie. Archiviert vom Original [1] am 7. Oktoba 2011; abgerufen am 4. Oktober 2011.

[1]