Michelangelo

Desendolco'l so llabor artísticu a lo llargo de más de setenta años ente Florencia y Roma, que yera onde vivíen les sos grandes mecenes, la familia Médicis de Florencia y dellos papes de la Ilesia Católica.

Foi'l primer artista occidental del que s'espublizaron dos biografíes en vida:

• Le Vite de' più eccellenti pittori, scultori, ed architettori, de Giorgio Vasari, asoleyada nel 1550 na so primera edición, na cual foi l'únicu artista vivu incluyíu.

• Vita de Michelangelo Buonarroti, escrita nel 1553 por Ascanio Condivi, pintor y discípulu de Michelangelo, que recueye los datos facilitaos pol mesmu Buonarroti.

Foi mui almiráu polos sos contempornáneos, que lu nomaben el Divín. Benedetto Varchi, nel 12 de febreru de 1560, unvió-y una carta en nome de tolos florentinos diciéndo-y: "... toa esta ciudá desea sumisamente podevos ver y honravos tanto de cerca como de lloñe... Vuesa Escelencia fadríanos un gran favor si quixera honrar cola so presencia la so patria".

Triunfó en toles artes nes que trabayó, carauterizándose pol so perfeicionismu. La escultura, según declaró, yera'l so arte predileutu y la primera a la que se dedicó; darréu, la pintura, cuasi como una imposición por parte de Xuliu II, y que se concretó nuna obra esceicional que magnifica la bóveda de la Capiella Sistina; y yá nos sos caberos años, fizo proyeutos arquiteutónicos.

•  
•  
•  
•  
  Madonna
•  
  Leda
•  
  Pietà Rondanini
•  
•  
•  
•  
  Ganymede, copia de 1532.
•  
  Madonna
•  
•  
  Detalle de la Capiella Sistina.

•   Wikimedia Commons acueye conteníu multimedia sobre Michelangelo.