Estronciu

Rubidiu ← Estronciu → Itriu
; 38	Sr
	Tabla completa • Tabla enantada
	; Metálicu platiáu ablancazáu
Información xeneral
Nome, símbolu, númberu	Estronciu, Sr, 38
Serie química	Alcalinotérreos
Grupu, periodu, bloque	2, 5, s
Masa atómica	87,62 u
Configuración electrónica	[Kr]5s2
Durez Mohs	1,5
Electrones per nivel	2, 8, 18, 8, 2 (imaxe)
Propiedaes atómiques
Electronegatividá	0,95 (Pauling)
Radiu atómicu (calc)	219 pm (Radiu de Bohr)
Radiu covalente	195 pm
Radiu de van der Waals	249 pm
Estáu(aos) d'oxidación	2
Óxidu	base fuerte
1ª enerxía d'ionización	549,5 kJ/mol
2ª enerxía d'ionización	1064,2 kJ/mol
3ª enerxía d'ionización	4138 kJ/mol
Propiedaes físiques
Estáu ordinariu	Sólidu (paramagnéticu)
Densidá	2,630 kg/m³
Puntu de fusión	1050 K (777 °C)
Puntu de bullidura	1655 K (1382 °C)
Entalpía de vaporización	144 kJ/mol
Entalpía de fusión	8,3 kJ/mol
Presión de vapor	246 Pa a 1042 K
Varios
Estructura cristalina	Cúbica centrada nes cares
Nᵘ CAS	7440-24-6
Nᵘ EINECS	231-133-4
Calor específica	300 J/(K·kg)
Conductividá llétrica	7,62·10⁶ S/m
Conductividá térmica	35,3 W/(m·K)
Isótopos más estables
	Artículu principal: Isótopos del estronciu
MeV
	Valores nel SI y condiciones normales de presión y temperatura, sacante que se diga lo contrario.
	[editar datos en Wikidata]

L'estronciu ye un elementu químicu de la tabla periódica que'l so símbolu ye Sr y el so númberu atómicu ye 38.

Carauterístiques principales

L'estronciu ye un metal blandu de color platiáu brillante, daqué maleable, qu'oxídase aína en presencia d'aire adquiriendo un tonu amarellentáu pola formación d'óxidu, polo que tien de caltenese somorguiáu en parafina. Por cuenta de la so elevada reactividá, el metal alcuéntrase na naturaleza combináu con otros elementos formando compuestos. Reaiciona rápido col agua lliberando hidróxenu molecular pa formar l'hidróxidu d'estronciu.

El metal ambura en presencia d'aire —bonalmente si s'atopa en polvo finamente dividíu— con llapada colorada rosada formando óxidu y nitruru; yá que col nitróxenu nun reaiciona per debaxo de 380 °C forma namái l'óxidu cuando ambura a temperatura ambiente. Les sales volátiles d'estronciu, pinten d'un color carmesí mui guapu les llapaes, polo que s'usen na pirotecnia.

Como'l estronciu ye bien asemeyáu al calciu, incorpórase al güesu, los cuatro isótopos faen lo mesmo, en proporciones asemeyaes al topáu na natura. Sicasí, la distribución actual de los isótopos tienden a variar d'una forma considerable d'un llugar xeográficu a otru. Asina analizando güesos d'un individuu podría ayudar a determinar la rexón d'onde provién. Esta xera ayuda a identificar patrones d'antigües migraciones, según l'orixe de restos humanos de cementerios de batalles. L'estronciu ayuda a la ciencia forense.

Presenta trés estaos alotrópicos con puntos de transición a 235 °C y 540 °C..

Aplicaciones

Anguaño'l principal usu del estronciu ye en cristales pa tubos de rayos catódicos de televisiones en color por cuenta de la esistencia de regulaciones llegales qu'obliguen a utilizar esti metal pa peñerar los rayos X evitando qu'incidan sobre l'espectador.^[1]^[2]^[3]^[4]

Otros usos son:

Pirotecnia (nitratu).
Producción d'imanes de ferrita
El carbonatu úsase nel refinamientu del cinc (pa la eliminación del plomu mientres la electrólisis), y el metal na desulfurización del aceru y como componente de diverses aleaciones.
El titanatu d'estronciu tien un índiz de refraición desaxeradamente altu y una dispersión óptica mayor que la del diamante, propiedaes d'interés en diverses aplicaciones óptiques. Tamién s'usó dacuando como xema.
Otros compuestos d'estronciu utilícence na fabricación de cerámiques, productos de vidriu, pigmentos pa pintures (cromatu), llámpares fluorescentes (fosfatu) y melecines (cloruru y peróxidu).
L'isótopu radiactivu Sr-89 úsase na terapia del cáncer, el Sr-85 utilizóse en radioloxía y el Sr-90 en xeneradores d'enerxía autónomos.
Ranelatu d'estronciu (defínese como la unión d'un ácidu orgánicu, l'ácidu ranélicu con 2 átomos d'estronciu estable): fármacu pa tratar osteoporosis, yá prescritu na XE, pero non nos EE.XX.

Referencies

↑ «Cathode Ray Tube Glass-To-Glass Recycling». ICF Incorporated, USEP Agency. Consultáu'l 14 d'ochobre de 2008.
↑ Ober, Joyce A.; Polyak, Désirée Y.. «Mineral Yearbook 2007: Strontium». United States Geological Survey. Consultáu'l 14 d'ochobre de 2008.
↑ «Aluminium – Silicon Alloys : Strontium Master Alloys for Fast Al Si Alloy Modification from Metallurg Aluminium». AZo Journal of Materials Online. Archiváu dende l'orixinal, el 2008-08-05. Consultáu'l 14 d'ochobre de 2008.
↑ «The characterization of waste cathode-ray tube glass.». Waste management 26 (12): páxs. 1468–76. 2006. doi:10.1016/j.wasman.2005.11.017. ISSN 0956-053X. PMID 16427267.

Enciclopedia Llibre Archiváu 2011-05-14 en Wayback Machine
ATSDR - Perfil toxicolóxicu Archiváu 2004-07-05 en Wayback Machine

Enllaces esternos

Wikimedia Commons tien conteníu multimedia tocante a Estronciu.
ATSDR en castellano - ToxFAQs™: estronciu
EnvironmentalChemistry.com - Estronciu
WebElements.com - Estronciu

[1] «Cathode Ray Tube Glass-To-Glass Recycling». ICF Incorporated, USEP Agency. Consultáu'l 14 d'ochobre de 2008.

[2] Ober, Joyce A.; Polyak, Désirée Y.. «Mineral Yearbook 2007: Strontium». United States Geological Survey. Consultáu'l 14 d'ochobre de 2008.

[3] «Aluminium – Silicon Alloys : Strontium Master Alloys for Fast Al Si Alloy Modification from Metallurg Aluminium». AZo Journal of Materials Online. Archiváu dende l'orixinal, el 2008-08-05. Consultáu'l 14 d'ochobre de 2008.

[4] «The characterization of waste cathode-ray tube glass.». Waste management 26 (12): páxs. 1468–76. 2006. doi:10.1016/j.wasman.2005.11.017. ISSN 0956-053X. PMID 16427267.

[1]

[2]

[3]

[4]