Riello

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ta atros emplegos d'o toponimo Riello se veiga Riello (desambigación).

Riello Rillo
Municipio d'Aragón
Entidat  • País  • Provincia  • Comarca	Municipio  Aragón  Teruel Comunidat de Teruel
Partiu chudicial	Calamocha
Superficie	53,3 km²
Población  • Total	97 hab. (2013)
Altaria  • Meyana	1.269 m.
Distancia  • 54 km  • 7 km  • 3 km	enta Teruel enta Pancrudo enta Fuents Calients
Alcalde	Santiago Marzo Gracia
Codigo postal	44710
Parroquial  • Diocesi  • Arcipestrau  • Parroquia	Teruel y Albarracín Teruel Santo Domingo de Silos
Coordenadas	40°43’22’’N 0°59’46’’U
Riello Riello en Aragón

Riello (Rillo en castellano) ye un municipio aragonés d'a provincia de Teruel, situato en a comarca d'a Comunidat de Teruel.

A suya población ye de 106 habitants (2007), en una superficie de 53,3 km², con una densidat de población d'1,99 hab/km².

Ye situau entre as sierras de Lidón y de la Costera, a l'ueste d'a sierra de Sant Chust, a 1.269 metros d'altaria, a una distancia de 54 km de Teruel, a capital d'a suya provincia, a 7 km de Pancrudo y a 3 km de Fuents Calients.

Comprende o lugar de Son d'el Puerto.

O suyo termin municipal muga con o sector de Las Parras de Martín d'o termin municipal d'Utriellas, con o sector de Val de Conellos d'o termin municipal d'Escuita, con Mezquita d'Exarc, con Canyada Vellida, con Fuents Calients, con Perals, con Visiedo, con Lidón y con Pancrudo.

Destaca por a producción de patacas y zafrán.

Apareixe en as primeras mencions como Reyello; seguntes bels autors se relaciona como o latín Rigellum (rigachuelo), con deminutivo -ellu. Seguntes ista interpretación a evolución sería:

• Reyello > Reyiello > Reyillo > Rillo

Manimenos -ello podería tamién relacionarse con a remantanza latina -iculum como en Conello, Corvella, Peralellos, etc... De feito en textos teruelanos d'o sieglo XV apareixe de Reyello en un antroponimo.

Pero en muitos documentos medievals, antigos como a versión romanz d'o fuero de Teruel y no tan antigos, apareixe como Riello, respondendo a la evolución aragonesa d'o diminutivo latín -ellu, estando a forma Rillo a castellanización lochica con l'diminutivo -illo con diftongo reducito.

A traviés de l'apellito Riello (huei Rillo) s'ha conservato a forma aragonesa en bels toponimos de Villafranca (Castellón): Mas d'Arriello, Tossal d'Arriello.