Peralellos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Peralellos Peralejos
Municipio d'Aragón
Ilesia de Sant Bertolomeu en Peralellos.
Entidat  • País  • Provincia  • Comarca	Municipio  Aragón  Teruel Comunidat de Teruel
Partiu chudicial	Teruel
Superficie	32,01 km²
Población  • Total	86 hab. (2013)
Altaria  • Meyana	995 m.
Distancia  • 20 km	enta Teruel
Alcalde	Juan José Peiró Yago
Codigo postal	44162
Parroquial  • Diocesi  • Arcipestrau  • Parroquia	Teruel y Albarracín Teruel Sant Bertolomeu apóstol
Ríos	Alfambra
Coordenadas	40°29’ 1’’N 1° 1’58’’U
Peralellos Peralellos en Aragón
Web oficial

Peralellos (Peralejos en castellano) ye un municipio de la provincia de Teruel, situato en la comarca de la Comunidat de Teruel. La suya población yera de 83 habitants (2005), en una superficie de 32,01 km².

Ye situato en la depresión de l'Alfambra, chunto a lo río Alfambra.

Lo suyo termin municipal muga con Lo Pobo, Cedriellas, Corbalán, Cuevas Labradas, Teruel, Alfambra y Escoriuela.

Ye documentato con fonetica aragonesa como Peralillos y Peralellos, con lo sufixo -ello derivato de lo latín -ICULUM.

La forma Peralillos apareixe en textos de 1211.

La forma Peralellos apareixe en un texto de 1231, cuan lo bispato de Zaragoza confirma las decimas y primicias d'esta localidat a os monches cistercienses d'o monesterio de Piedra, que heban estato establitos en esta localidat enantes:

Ya en o sieglo XIII veyemos formas como Peraleios, que interpretamos como Peralechos, d'alcuerdo con una tendencia observable en l'aragonés d'as comunidaz aragonesas. Dimpués se castellaniza como Peralexos y en lo sieglo XVII pasa a estar Peralejos con a j castellana velar actual.

Bi ha microtoponimos intresants como Los arreñales (castellanización de Ferrenyals), Fuenroya, Penya Roya, Las Poyatas, Barranco de las Poyatas, La Erihuela y Barranco de la Erihuela.

Peralellos estió un lugarón perteneixient a o Monesterio de Piedra dende a lo menos o sieglo XIII. Dende o sieglo XIV pasó estar parti d'a Comunidat de Teruel.

• Ilesia de Sant Bertolomeu.
• Ermita d'a Virchen d'o Carmen.

• Sant Bertolomeu, 26 y 27 d'agosto.

• Pachina web oficial municipal de Peralellos.