Perals

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Perals Perales del Alfambra
Municipio d'Aragón
Entidat  • País  • Provincia  • Comarca	Municipio  Aragón  Teruel Comunidat de Teruel
Partiu chudicial	Teruel
Superficie	104,24 km²
Población  • Total	264 hab. (2013)
Altaria  • Meyana	1.165 m.
Distancia  • 38 km	enta Teruel
Codigo postal	44163
Patrons	Santa Barbara Sant Blas
Parroquial  • Diocesi  • Arcipestrau  • Parroquia	Teruel y Albarracín Teruel Asumpción de Ntra. Sra.
Ríos	Alfambra
Coordenadas	40°38’ 3’’N 1° 0’ 6’’U
Perals Perals en Aragón

Perals (Perales de Alfambra u Perales del Alfambra en castellano y oficialment) ye un municipio aragonés de la provincia de Teruel, situato en la comarca de la Comunidat de Teruel. Fa parte de lo partiu chudicial de Teruel.

La suya población ye de 221 habitants (2018) en una superficie de 104,24 km², con una densidat de población de 2,57 hab/km².

Ye situato en la depresión de l'Alfambra, entre lo río Alfambra y la rambla de la Foz, a 1.165 metros d'altaria sobre lo ran de la mar y a una distancia de 38 km de la ciudat de Teruel, la capital de la suya provincia, de la suya comarca y de lo suyo partiu chudicial. Comprende lo lugar de Villalba de Suso.

En lo termin de Perals bi ha una reserva ornitolochica con aus esteparias, Mas de Cirulleda, chestionata por miembros de l'asociación ecolochista OTUS-Ateneo. Perals ye uno de los pocos lugars de la peninsula con citas de la hierba rusa u al-arba (Krascheninnikovia ceratoides).

Lo suyo termin municipal muga con Galv, Orrios, Alfambra, Visiedo, Riello, Fuents Calients y Canyada Vellida.

Este toponimo amaneix por primera vegata en 1171 como Perales, porque los plurals aragoneses en -ls no gosan trobar-sen en textos medievals. Las formas con plural aragonés son referencias escasas y indirectas. En 1532 encara puede trobar-se sin apelativo.

En lo toponimo Perals se veye lo sufixo -al. La etimolochía puede tener relación con la perera, (Pyrus en latín), u con las piedras, (petra en latín d'astí petrales)^[1], como Peralta. L'apelativo "d'Alfambra" ye muito mas recient, ye fácil que d'epoca borbonica, y pa diferenciar-lo d'atros lugars homonimos.

Lo monesterio de Piedra se dició en los primers tiempos de diferents trazas, y una d'ellas ecclesie sancte Marie de Perals en un texto de 1190, por haber estato establitos en la val de l'Alfambra:

En un texto de 1210 veyemos Perils:

En lo texto en lo que lo concello de Teruel concede termins a l'aldeya de Torrillas (2 de setiembre de 1268), un de los quinyoners se deciba Miguel de Perals.^[2]

• Ilesia de Nuestra Sinyora de l'Asumpción de Perals, una ilesia de lo sieglo XVII en estilo barroco con una sola nau, adedicata a l'Asumpción d'a Virchen.
• Ermita de Santa Barbara de Perals, una ermita en estilo barroco de lo sieglo XVIII adedicata a Santa Barbara.
• Ermita de Santa Chuan Baptista de Perals, una ermita de 1634 adedicata a Sant Chuan Baptista.

• Pachina sobre Perals.
• Reserva Mas de Cirulleda.