Pixar Animation Studios ye una empresa estausunidense de cine d'animación per ordinador subsidario de Walt Disney Studios y propiedat de The Walt Disney Company con seu en Emeryville, California, Estaus Unius. O suyo orichen se remonta a 1979, cuan prencipió a operar como The Graphics Group, a división computacional de Lucasfilm.[1] Cuasi un decenio dimpués estió adquirida per Steve Jobs, que amás invirtió en o suyo capital pa establir-la como una empresa independient d'animación. En 1995 Pixar produció Toy Story, o primer largometrache animau per ordinador en a historia d'o cine.[2] Dimpués de cuantos anyos de colaboración marcaus per cuantas produccions exitosas, Disney adquirió lo estudio en 2006.
L'estudio ha ganau 23 premios Oscar, 10 premios Golden Globe y 11 premios Grammy, de conchunta con muitos atros premios y reconoixencias. Muitas d'as cintas de Pixar han estau nominadas a lo Premio de l'Academia a la Millor Cinta d'Animación, dende la suya devantadera en 2001, con once ganadors estando Finding Nemo (2003), The Incredibles (2004), Ratatouille (2007), WALL-E (2008), Up (2009), Toy Story 3 (2010), Brave (2012), Inside Out (2015), Coco (2017), Toy Story 4 (2019) y Soul (2020); os cuatro nominaus sin ganar son Monsters, Inc. (2001), Cars (2006), Incredibles 2 (2018) y Onward (2020).
Emeryville, California, Estaus Unius
