Botter
Botter is 'n suiwelproduk wat bestaan uit bottervet, melkproteïene en water. Dit word gemaak deur die aanhoudende gekarring van vars of gegiste room of melk. Dit word gebruik as 'n broodsmeer en 'n kookbestanddeel in die kombuis, soos om mee te bak, sous te maak of vir panbraai.
Botter word algemeen gemaak van beesmelk, maar kan ook vervaardig word van die melk van ander soogdiere, insluitend skape, bokke en buffels. Produsente voeg soms sout, geurmiddels en preserveermiddels by. Verdere verwerking van botter produseer verhelderde botter of ghee, wat byna heeltemal uit bottervet bestaan.
Botter is 'n water-in-olie emulsie wat die gevolg is van die omskakeling van die room, 'n olie-in-water emulsie. Die melkproteïene is die emulgator. Botter is 'n vaste stof wanneer verkoel word, maar versag tot 'n smeer teen kamertemperatuur, en smelt tot 'n dun vloeistof by 32-35 °C (90-95 °F). Die digtheid van botter is 911 g/L. Dit het gewoonlik 'n ligte geel kleur, maar wissel van diep geel tot byna wit.
 |
Wikimedia Commons bevat media in verband met Butter. |
 |
Sien botter in Wiktionary, die vrye woordeboek. |
| Hierdie artikel is in sy geheel of gedeeltelik vanuit die Engelse Wikipedia vertaal. |
