Kigali

Kigali

Valdkund	Ruand
Eläjiden lugu (2015)	1,256,994 ristitud
Pind	730 km²
Pämez'	Pudens Rubingisa (eloku 2019—. Pudence Rubingisa)
Telefonkod	+250
Aigvö	UTC+2

Kigali (mugažo ruandan [ciɡɑlí], anglijan da francijan kelil) om Ruandan pälidn (ripmatomuden aigaspäi vl 1962) da kaikiš suremb lidn. Otab ühtennimižen agjan pindan seičeme kümnendest, sen administrativine keskuz mugažo.

Eländpunktan aluz om pandud vl 1907 kuti Saksanman kolonialižen ohjastusen sijaduz. Vozil 1921−1962 oli Bel'gijan ohjandusen al Ruanda Urundi-territorijas.

Kigali om kebnan tegimišton keskuz. Kofen kazvatand da tinan samine oma olmas ezilidnoiš.

Lidn sijadase valdkundan keskuzpalas, mägiden pautkil 1300..1600 m korktusil, 1567 m keskmäižel korktusel valdmeren pindan päl. Ühtennimine mägi om kaikiš korktemb, 1850 m.

Klimat om ekvatorialine mussonine, kuivsezon om kezakus-elokus (61 mm). Lämuz om +16..+26 C° vodes läbi, paneb sadegid 970 mm vodes.

Kigali-agj jagase 3 administrativižeks rajonaks (akarere): Gasabo, Kicukiro i N'jarugenge. Rajonad alajagasoiš 35 imirenge:ks.

Vl 2015 eläjiden lugu om 1 256 994 ristitud ezilidnoidenke.

Ruandan universitet i Kigalin ripmatoi universitet oma üläopendusen aluzkundoikš.

Kundaline transport om maršrutkid da mototaksid.

Järed rahvahidenkeskeine civiline Kigali-lendimport (KGL) sijadase 7 km päivnouzmha lidnan keskusespäi. Sišpäi tehtas reisid Afrikan äjihe maihe, Benilüksan maihe, Dubaihe, Stambulha, Mumbaihe.

• Lidnan sijaližen tobmuden aluzkundoiden oficialine sait (kigalicity.gov.rw). (angl.)

Kigali Vikiaitas